InfoHub Logo

بىزدە گەولوگيالىق بارلاۋ سالاسى ارتتا قالىپ وتىر، دەدى «اتامەكەن» ق ر ۇكپ ءتورالقا ءتوراعاسى تيمۋر قۇلىبايەۆ تاۋ-كەن جانە مەتاللۋرگيا ونەركاسىبى كوميتەتىنىڭ توراعاسىمەن وتكەن جۇمىس كەزدەسۋى بارىسىندا.

«گەولوگيالىق بارلاۋ قازاقستاندا 20 مىڭ ادامدى بىرىكتىرگەن كاسىبي ءارى باسەكەگە قابىلەتتى سالا بولعانى انىق. ءقازىر، ارينە، تەرەڭ ساراپتاما جاساۋ ادىستەرى، گەولوگيالىق زەرتتەۋلەردى ۇلگىلەۋدى قولداناتىن تەحنولوگيالار دامىپ كەتتى. بىزدە گەولوگيالىق بارلاۋ ارتتا قالىپ وتىر. بۇل - مەنى الاڭداتىپ وتىرعان جاعداي. ويتكەنى، جۇمىستى كىم ىستەيدى؟ تاعى شەتەلدىك كومپانيالاردى شاقىرامىز با؟ وكىنىشكە قاراي، ءبىز ماماندارىمىزدى جوعالتتىق، تاجىريبەمىز ازايدى. ءبارىن قالپىنا كەلتىرۋىمىز كەرەك. ويتكەنى، گەولوگيا - قازاقستان ءۇشىن ۇلكەن بيزنەس»، -  دەدى تيمۋر قۇلىبايەۆ.

«اتامەكەن» ق ر ۇكپ ءتورالقاسىنىڭ تاۋ-كەن جانە مەتاللۋرگيا ونەركاسىبى كوميتەتىنىڭ ءتوراعاسى نيكولاي رادوستوۆەس ەنەرگەتيكالىق نارىقتا انىق ستراتەگياسىز ەكونوميكا سالالارىن ارى قاراي دامىتۋ مۇمكىن ەمەس ەكەنىن ايتتى.

«كەن يگەرۋ سەكتورىنىڭ نەگىزگى پروبلەمالارى: سالىق زاڭناماسىنا وزگەرتۋلەر ەنگىزۋ، تەمىر جول تاسىمالى مەن گاز تاسىمالداۋ قىزمەتتەرى باعاسىنىڭ وسۋىنە اسەر ەتەتىن شىعىنداردى تومەندەتۋ، جاڭارتىلاتىن ەنەرگيا كوزدەرى سالاسىنداعى زاڭنامانى جەتىلدىرۋ»، - دەدى ول.

«اتامەكەن» ۇكپ باسشىسى اتاپ وتكەندەي، ءتاريفتىڭ قۇرىلۋى قوسىمشا قۋاتتاردىڭ قوسىلۋىنا، ەنەرگوتيىمدىلىكتى جوعارىلاتۋعا تىكەلەي بايلانىستى.

«الداعى ون جىلدىقتا سالانىڭ قاجەتتىلىگى مەن ەنەرگوقۋات كولەمىن انىقتاۋ قاجەت. ەلىمىزدە ەنەرگوتيىمدىلىك ماسەلەلەرى ءالى قولعا الىنعان جوق. نەگىزى، بۇل جەردە ۇلكەن قور بار. ءبىز ءوندىرىسىمىزدىڭ ەلەكتروەنەرگيانى تۇتىنۋىن جانە ەنەرگوتيىمدىلىگىن جاقسارتىپ الامىز. ونىڭ ارقاسىندا ارتىق قۋات بولادى»،  - دەدى تيمۋر قۇلىبايەۆ.

---