قازاقستاننىڭ 200 پەداگوگى «جوو-نىڭ ۇزدىك وقىتۋشىسى» اتاندى
26 جەلتوقساندا «جوعارى وقۋ ورنىنىڭ ۇزدىك وقىتۋشىسى» اتاعىن بەرۋ جونىندەگى رەسپۋبليكالىق كونكۋرستىق كوميسسيانىڭ وتىرىسى ءوتتى، دەپ ق ر ءبعم-نىڭ باسپا ءسوز قىزمەتىنەن حابارلادى.
ناتيجەسىندە، قازاقستان بويىنشا 58 جوعارى مەكتەپتىڭ 200 پەداگوگى «جوعارى وقۋ ورنىنىڭ ۇزدىك وقىتۋشىسى» اتاعىنىڭ يەگەرى بولدى.
كونكۋرسقا بارلىعى 84 جوعارى وقۋ ورنىنان 444 ۇمىتكەر قاتىستى.
«جوو ۇزدىك وقىتۋشىسى» اتاعى ءبىر ادامعا كەلەسى ون جىل ىشىندە ءبىر رەتتەن ارتىق بەرىلمەيتىندىگى ەسكەرىلىپ، بيىلعى بايقاۋعا 2006-2015 جىلدارعى اتاق يەگەرلەرى قاتىسقان جوق.
«ۇمىتكەرلەردىڭ 35 پايىزىنىڭ عىلىمي-پەداگوگيكالىق ەڭبەك ءوتىلى 15 جىلدان اسپايتىن وقىتۋشىلاردى قۇرادى. بۇل جاس مامانداردى كەڭىنەن تارتۋعا مۇمكىندىك بەردى. بۇدان باسقا، وسى جىلى وقىتۋشىلاردىڭ قىزمەتى وزەكتەندىرىلگەن ساپالىق جانە ساندىق كورسەتكىشتەر بويىنشا باعالاندى. سونىڭ ىشىندە، وقۋلىقتاردى، مونوگرافيالاردى، وقۋ قۇرالدارىن اعىلشىن تىلىندە ازىرلەۋ، قاتىسۋ جانە باسىپ شىعارۋ؛ كاسىبي قىزمەتى بويىنشا شەت تىلىندەگى جاپپاي اشىق ونلاين كۋرستاردىڭ پلاتفورماسى بازاسىندا كۋرستان تابىستى وتكەنى تۋرالى سەرتيفيكاتتىڭ بار بولۋى جانە ت.ب.»، - دەپ اتاپ ءوتتى مينيسترلىكتىڭ باسپا ءسوز قىزمەتىنەن.
سونداي-اق، العاشقى رەت ۇمىتكەرلەردىڭ بارلىق جۇمىستارىنىڭ جىلدىق جوسپار-كەستەسى نازارعا الىندى.
بۇل گرانت جوعارى وقۋ ورىندارىنىڭ وقىتۋشىلارىنا الەمنىڭ جەتەكشى ۋنيۆەرسيتەتتەرىندە عىلىمي-زەرتتەۋ جۇمىستارىن جۇرگىزۋگە جانە بىلىكتىلىكتى ارتتىرۋ ماقساتىندا تاعىلىمدامادان وتۋگە مۇمكىندىك بەرەدى.
You Might Also Like
-
اۋىر اتلەت يليا يلين استاناداعى بالالار ۇيىندە تاربيەلەنىپ جاتقان 13 جاستاعى ۆلاديمير ميگۋنوۆتىڭ اتىنا ءبىلىم الۋ دەپوزيتىن اشىپ بەردى.
-
گەتەبورگا شۆەد ۋنيۆەرسيتەتىنىڭ ارحەولوگتارى افينادان سولتۇستىككە 300 شاقىرىم جەردە ەجەلگى جەراستى قالانى تاپتى.
