يليا يلين جەتىم بالانىڭ بولاشاق ءبىلىمى ءۇشىن اقشا تولەپ قويدى
اۋىر اتلەت يليا يلين استاناداعى بالالار ۇيىندە تاربيەلەنىپ جاتقان 13 جاستاعى ۆلاديمير ميگۋنوۆتىڭ اتىنا ءبىلىم الۋ دەپوزيتىن اشىپ بەردى.
ايتا كەتەيىك، بۇعان دەيىن لوندونداعى وليمپيادا ويىندارىنىڭ چەمپيونى، بوكسشى سەرىك ساپييەۆ پەن ريو وليمپياداسىنىڭ كۇمىس جۇلدەگەرى ۆاسيليي ليەۆيت تە جەتىم بالالاردىڭ اتىنا اتاۋلى ءبىلىم دەپوزيتىن اشقان بولاتىن.
ءبىلىم جانە عىلىم مينيسترلىگىنە قاراستى «قارجى ورتالىعىنىڭ» باسپا ءسوز قىزمەتىنەن حابارلاعانداي، يليا يلين جەتىم بالالاردىڭ اتىنا اتاۋلى ءبىلىم دەپوزيتىن اشۋعا بولادى دەگەن اقپاراتتى ەستي سالا، قايىرىمدى ءىس جاساۋعا اسىققان.
«يليا يلين ۆلاديمير ەسىمدى بالامەن بىردەن ءتىل تابىسىپ كەتتى. سوندىقتان دا، تاڭداۋى وسى بالاعا تۇسكەن شىعار. ءبىلىم دەپوزيتىن اشۋعا كەرەكتى قۇجاتتاردى تولتىرىپ، دەپوزيتكە العاشقى جارنانى سالعاننان كەيىن، يلين ەندى وسى بالامەن ۇنەمى بايلانىسىپ تۇراتىنىن ايتتى»،-دەپ حابارلاپ وتىر «قارجى ورتالىعىنىڭ» باسپا ءسوز قىزمەتىنەن.
«ۆلاديميرگە قولىمنان كەلگەنشە كومەك كورسەتىپ وتىرامىن. ەندى مەن سەنىڭ بولاشىق بىلىمىڭە عانا جاۋاپتى ەمەسپىن، سونىمەن قاتار، ساعان ۇلگى بولىپ، ومىردە دۇرىس جول سىلتەۋىم كەرەك. ساعان قولىمنان كەلگەنشە كومەك كورسەتۋگە تىرىسامىن»، - دەدى يليا ۆلاديميرمەن اڭگىمە بارىسىندا.
ءوز كەزەگىندە، ۆلاديمير ميگۋنوۆ اۋىر اتلەت يليا يلينعا جاقسى وقيمىن دەگەن ۋادەسىن بەردى.
ايتا كەتەيىك، مەملەكەتتىك ءبىلىم بەرۋ جيناقتاۋ جۇيەسى - بۇل جاڭا قارجىلىق قۇرال. وسى قۇرالدىڭ ارقاسىندا قازاقستاننىڭ كەز كەلگەن ازاماتى ءبىلىم بەرۋ دەپوزيتىن اشا الادى.
You Might Also Like
-
2016 جىلى ەلىمىزدىڭ ءبىلىم سالاسى - ەڭ كوپ رەفورمانى باستان كەشىرگەن سالالاردىڭ ءبىرى، ال جىل باسىندا عانا تاعايىندالعان مينيستر ەرلان ساعادييەۆ ۇكىمەتتەگى ەڭ رەفورماشىل مينيستر بولدى دەسەك، قاتەلەسپە...
-
26 جەلتوقساندا «جوعارى وقۋ ورنىنىڭ ۇزدىك وقىتۋشىسى» اتاعىن بەرۋ جونىندەگى رەسپۋبليكالىق كونكۋرستىق كوميسسيانىڭ وتىرىسى ءوتتى، دەپ ق ر ءبعم-نىڭ باسپا ءسوز قىزمەتىنەن حابارلادى.
