ق ر ءبىلىم جانە عىلىم ءمينيسترى گرانتتاردى ۆاۋچەرلەرمەن الماستىرۋدى ۇسىندى
قازاقستاندا ءبىلىم بەرۋ گرانتتارىن ۆاۋچەرلەرگە الماستىرۋ مۇمكىن. بۇل تۋرالى بۇگىن جوو رەكتورلارىمەن كەزدەسۋى كەزىندە ق ر ءبىلىم جانە عىلىم ءمينيسترى ەرلان ساعادييەۆ ءمالىم ەتتى.
«گرانتتارعا كەلەتىن بولساق، وتكەن اپتادا بۇل ماسەلە تالقىعا سالىندى. ول جيىنعا مەملەكەتتىك، جەكەمەنشىك جانە ۇلتتىق ۋنيۆەرسيتەتتەردىڭ رەكتورلارى قاتىستى. ولار ءبىراۋىزدان گرانتتاردىڭ ءبىرىڭعاي بولعانىن قولداپ وتىر. ەگەر بۇل وزگەرىس ەنگىزىلەتىن بولسا، 2017 جىلى ەنگىزىلسىن دەگەن وتىنىشتەرىن دە ايتتى. راسىندا بۇل وتە ورىندى. رەكتورلاردىڭ پىكىرىنشە، قازاقستان بىرتىندەپ گرانتتاردىڭ گرۋزيالىق مودەلىنە كوشۋى ءتيىس. ياعني گرانتتاردى ۆاۋچەرلەرگە الماستىرۋ قاجەت»، - دەپ اتاپ ءوتتى مينيستر.
سونىمەن قاتار ول وسى جاڭاشىلدىقتى ەنگىزۋدىڭ تەتىكتەرىنە دە توقتالا كەتتى.
«بىلايشا ايتقاندا، مەملەكەت تۇلەككە ۆاۋچەر بەرەدى، ول كەز كەلگەن ۋنيۆەرسيتەتكە بارا الادى، ەگەر جوو-داعى وقۋ اقىسى ۆاۋچەر قۇنىنان جوعارى بولسا، ستۋدەنت جەتپەي تۇرعان قاراجاتتى ءوزى تولەي الادى. ەگەر جوو-عا بۇل ستۋدەنت كەرەك بولسا، ەگەر ول وليمپيادا جەڭىمپازى نەمەسە كەرەمەت تالانت يەسى بولسا، وندا بۇل جاعدايدا مەملەكەت نەمەسە جوو-نىڭ ءوزى گرانت ءبولۋ ارقىلى كومەك كورسەتە الادى»، - دەدى ە.ساعادييەۆ.
You Might Also Like
-
ق ر پرەمەر-مينيسترىنىڭ ورىنباسارى داريعا نازاربايەۆا قازاقستاننىڭ جوعارى وقۋ ورىندارى مەملەكەتتىك بيۋدجەتكە سالىناتىن سالماقتى ازايتۋلارى ءتيىس دەپ سانايدى.
-
مەنىڭ ۇلكەن اتام بالعىمبايەۆ سارباس رىسجان ۇلى – سوعىس ارداگەرى. ول جىلىوي اۋدانى قياق اۋىل كەڭەسىندە 1921 جىلى تۋعان. 1939–1941 جىلدارى سەگىز جىلدىق قارا ارنا ورتالىق مەكتەبىندە مۇ...
