قازىرگى ستۋدەنتتىڭ پسيحولوگيالىق پورترەتىن قۇرۋ
«ستۋدەنت» تeءرمينى لاتىن سوزىنەن شىققان، ورىسشاعا اۋدارعاندا ءىجداعاتتى جۇمىس جاسايتىن، ءارتۇرلى ىس-ارەكەتتەرمەن شۇعىلداناتىن، ياعني ءبىلىم الۋعا ىنتالانعان ادام.
ستۋدeنت بەلگىلى جاستاعى ادام جانە جەكە تۇلعا رەتىندە سيپاتتالۋى مۇمكىن: پسيحولوگيالىق جاعى – پسيحولوگيالىق ۇدەرىستەر، جاعدايلار جانە قاسيەتتەردىڭ بىرلىگىن كورسەتەدى. پسيحولوگيالىق جاعىنان، ەڭ باستىسى، پسيحيكالىق ۇدەرىستەردىڭ جۇزەگە اسۋىنا، پسيحيكالىق جاعداياتتاردىڭ پايدا بولۋىنا، پسيحيكالىق قۇرىلىمداردىڭ كورىنىسىنە تاۋەلدى بولاتىن – پسيحيكالىق قاسيەتتەر (باعىتتىلىق، تەمپەرامەنت، مىنەز-قۇلىق، قابىلەتتەر). دەگەنمەن، ناقتى ستۋدەنتتى زەرتتەۋ كەزىندە، ءار ءينديۆيدتىڭ ەرەكشەلىكتەرىن، ولاردىڭ پسيحيكالىق ۇدەرىستەرىن جانە جاعداياتتارىن ەسكەرۋ كەرەك.
بۇل جاقتaرىن زەرتتەۋ ستۋدەنتتەردىڭ قاسيەتتەرى مەن مۇمكىندىكتەرىن، ونىڭ جاسىنا بايلانىستى جانە تۇلعالىق ەرەكشەلىكتەرىن كورسەتەدى. سونىمەن، ەگەر ستۋدەنتكە بەلگىل جاستاعى ادام دەپ قاراساق، وعان قاراپايىم، قۇراما جانە ءسوز سيگنالدارى، ءابسوليۋتتى جانە ءارتۇرلى سەزىم اناليزاتورلار وپتيمۋمى، كۇردەلى پسيحوموتورلىق قۇرىلىمداردىڭ جانە باسقا داعدىلاردىڭ يىرىمدىلىگى ءتان بولادى. باسقا جاستاعى ادامدارعا قاراعاندا، جاسوسپىرىمدىك شاعىندا ولاردا ۇلكەن جىلدامدىقتاعى وپەراتيۆتىك ەسكە ساقتاۋ، جانە زەيىننىڭ تەز باسقاعا اۋىسۋى، ۆەربالدى-لوگيكالىق ەسەپتەردى شىعارۋى جانە ت.ب. مۇمكىندىكتەرى باسىم بولادى.
سونىمەن، ستۋدەنتتىك جاس بارلىق الدىنداعى پسيحولوگيالىق، دامۋ ۇدەرىستەرىنە نەگىزدەلگەن ەڭ جوعارى، «شىڭ» جەتىستىتەرگە جەتۋىمەن سيپاتتالادى.
ەگەر ستۋدەنت جەكە تۇلعا رەتىندە زەرتتەلسە، وندا 18-20 جاس – ادامگەرشىلىك جانە ەستەتيكالىق سەزىمدەرىنىڭ ەڭ كورنەكتى دامىعان، مىنەز-قۇلىقتىڭ قالىپتاسۋ مەن تۇراقتانۋ كەزەڭى، جانە، ەڭ ماڭىزدىسى، ەرەسەك ادامنىڭ الەۋمەتتىك ءرولىنىڭ تولىق كەشەنىن يگەرۋ: ازاماتتىق، كاسىبي-ەڭبەكتىك جانە ت.ب. بۇل كەزەڭ «ەكونوميكالىق بەلسەندىلىكتىڭ» باستالۋىمەن بايلانىستى، دەموگرافتار ونى ادامنىڭ جەكە وندىرىستىك ىس-ارەكەتكە كىرىسۋ، ەڭبەك بيوگرافياسىنىڭ باستالۋ جانە ءوزىنىڭ مەنشىكتى وت باسىن قۇرۋ كەزەڭى دەپ تۇسىنەدى. ءبىر جاعىنان، موتيۆاسيانىڭ، بارلىق قۇندىلىق باعدار جۇيەسىنىڭ وزگەرۋى، كەلەسى جاعىنان – مامانداندىرىلۋىنا بايلانىستى ارنايى قابىلەتتەردىڭ قارقىندى قالىپتاسۋى، بۇل جاستى مىنەز-قۇلىق پەن ينتەللەكتىنىڭ تۇراقتانۋىنىڭ ورتالىق كەزەڭى سيپاتىندا ءبولىپ كورسەتەدى. ول سپورت رەكوردتارىنىڭ، كوركەم شىعارماشىلىقتىڭ، تەحنيكالىق جانە عىلىمي جەتىستىكتەردىڭ ۋاقىتى. ستۋدەنتتىك جاس - ينتەللەكتۋالدىق جانە فيزيكالىق كۇشتىڭ دامۋىنىڭ كوپتەگەن وپتيمۋمدارىنا جەتەتىن كەزەڭ بولىپ سيپاتتالادى. ءبىراق، كەيبىر كەزدە وسى مۇمكىندىكتەر مەن ولاردىڭ ناقتى جۇزەگە اسۋىنىڭ اراسىندا «قايشىلىقتار» قاتار جۇرەدى.
You Might Also Like
-
پسيحولوگيا - بەلگىلى ءبىر پسيحيكالىق پروسەستەردىڭ قالىپتاسۋ، دامۋ، پايدا بولۋ، قالىپتاسۋ ەرەكشەلىكتەرىن زەرتتەيتىن عىلىم. ولاردىڭ اراسىندا سەزىم، ەستە ساقتاۋ، ويلاۋ، قابىلداۋ، سويلەۋ جانە باسقالارى ...
-
ادامزات بالاسى جاساعان مادەنيەت ەكى تۇرگە بولىنەتىنىن بىلەسىزدەر. ءبىرىنشىسى – رۋحاني مادەنيەت، ەكىنشىسى – ماتەريالدىق مادەنيەت. رۋحاني مادەنيەتكە مۋزىكا، ادەبيەت، ساۋلەت ونەرى، سۋرەت ءون...
