قازۇۋ-ىم ماقتانىشىم، سەنىمدى بولاشاعىم!
ىرگەتاسى 1934 جىلى قالانعان ءال فارابي اتىنداعى قازۇۋ بارشانىڭ كوزايىمىنا اينالىپ ۇلگەردى. وعان دالەل – كوز تارتار اسەم تابيعاتىمەن، جانعا جايلى جاتاقحاناسىمەن، جاڭا تەحنولوگيالىق قۇرال-جابدىقتارمەن جاساقتاندىرىلعان وقۋ كورپۋستارىمەن، دەمالىس ساياباقتارىمەن ايرىقشا كوزگە تۇسەتىن – قازۇۋ قالاشىعى. راسىمەن دە، وسىنداي جان-جاقتى رەسۋرستارمەن قامتاماسىز ەتىلگەن قالاشىقتى ەلەمەي وتۋگە بولمايدى. وعان قوسا، بارشا ستۋدەنتتىڭ تالانتىن، ونەرىن ورتاعا سالۋعا مۇمكىندىك بەرەتىن كيەلى ساحنا ءتورى ورنالاسقان ءو.ا.جولداسبەكوۆ اتىنداعى ستۋدەنتتەر سارايى الىستان مەن مۇندالايدى. مۇنىڭ ءبارى - ەرەن ەڭبەكتىڭ جەمىسى، جەتىستىكتىڭ ايعاعى، بىرلىكتىڭ كورىنىسى.
ەندىگى كەزەكتە وقۋ كورپۋسى، وقۋ جۇيەسىنە توقتالايىق. ءار ءتۇرلى ماماندىق يەلەرىن دايارلايتىن وقۋ كورپۋستارى جەكە-جەكە ورنالاسقان. بۇگىنگى تاڭدا ۋنيۆەرسيتەت قابىرعاسىندا 13 فاكۋلتەتتە 20 مىڭعا جۋىق بولاشاق كادرلار ءدارىس الىپ كەلەدى. وسىعان سايكەس وقۋ ورداسىندا جوعارى ساناتتى، تاجىريبەلى، ءبىلىمدى، ەڭبەگڭ سىڭگەن پروفەسسورلار، دوسەنتتەر، كانديداتتار، ۇستازدار ءار ءدارىسىن ستۋدەنتتەردىڭ قىزىعۋشىلىقتارىن ارتتىرۋ ماقساتىندا ەرەكشە تۇردە وتكىزەدى. بۇل دا ەرتەڭگى بولاشاق يەسىنىڭ جان-جاقتى تاربيەلەنىپ وسۋىنە كەپىلدىك بەرەدى. سونداي-اق، وقۋلىقتارمەن تولىق قامتاماسىز ەتەتىن كىتاپحانادا ەلەكتروندى جۇيەدە دە تاپسىرىس بەرۋگە بولادى. بۇل مۇمكىندىك ستۋدەنتتەردىڭ تەحنولوگيالىق قۇرىلعىلاردى جەتىك مەڭگەرۋىمەن قاتار، ۋاقىتىن ۇنەمدەۋگە كومەكتەسەدى.
ۋنيۆەرسيتەتىمىزدە وقۋ جۇيەسى بولون ۇدەرىسى بويىنشا جۇزەگە اسىرىلادى. ءار ستۋدەنت ءوز لوگينى، ءپارولى ارقىلى كەز كەلگەن ۋاقىتتا وقۋ ۇلگەرىمىمەن تانىس بولا الادى. سونىمەن قاتار، قوسىمشا تاپسىرمالاردى، قاجەتتى ماتەريالداردى، ءدارىستىڭ قىسقاشا سيپاتتاماسىن لەزدە ەلەكتروندىق جۋرنال ارقىلى كورە الادى.
وسىنداي سان مۇمكىندىكتەرگە تولى ءال فارابي اتىنداعى ءقازۇۋ-نىڭ ستۋدەنتى اتانۋ - اسقاق ارمان، ۇلكەن باقىت، زور مارتەبە. سوندىقتان ءبىز ءۇشىن بۇل ۇلكەن ابىروي، ۇلكەن ماقتانىش!
قازۇۋ - دىڭ فيلوسوفيا جانە ساياساتتانۋ فاكۋلتەتىنىڭ ءدىنتانۋ جانە مادەنيەتتانۋ كافەدراسىنىڭ Phd دوكتورى ۋتەبايەۆا د.س. جانە وقىتۋشى ابدۋللايەۆ ن.
ءقازۇۋ - دىڭ ءدىنتانۋ جانە مادەنيەتتانۋ كافەدراسىنىڭ 4-كۋرس ستۋدەنتتەرى: ديحامبايەۆ ن. احمەتوۆ د.
You Might Also Like
-
سىزدەردىڭ نازارلارىڭىزعا پەداگوگ رەتىندە الەمدىك تانىمالدىققا يە بولعان بەس ايەلدىڭ تاريحىن ۇسىنامىز. ولاردىڭ كوبى ءوز ماماندىقتارىن جاڭاشىل باعىتتا ۇستانىپ، بارلىعى دەرلىك تاريحقا ەنگەن. بۇل ايەلدە...
-
قازاق حاندىعىنىڭ نەگىزىن سالۋشىلاردىڭ ءبىرى — نوعاي ورداسى (XIV - XVI عع.). نوعاي ورداسى العاشقى كەزدە «ماڭعىت جۇرتى» دەپ اتالدى. ويتكەنى ول، نەگىزىنەن، ماڭعىت تايپاسىنان قۇرالدى.
