قازۇۋ تەحنوپاركى – يننوۆاسيالىق يدەيالار ورتالىعى
تەحنولوگيالىق پاركتەر – زاماناۋي يننوۆاسيالىق ەكونوميكانىڭ ماڭىزدى ەلەمەنتى. بۇگىنگى تاڭدا ەلدىڭ تولىققاندى يننوۆاسيالىق قىزمەتى عىلىمي جانە يننوۆاسيالىق ورتالىقتار مەن پاركتەر، يدەيالار ينكۋباتورى، الدىڭعى قاتارلى تەحنولوگيالار ورتالىقتارى، تەحنولوگيالىق پوليستەر، ساراپتامالار سىندى جاڭا ايماقتىق شارۋاشىلىق قۇرىلىمى نەگىزىنسىز دامي المايدى. ولاردىڭ ءبارى الەمنىڭ جەتەكشى يندۋستريالدىق ايماقتارىندا جاسالىپ، مامانداندىرىلعان يننوۆاسيالىق قۇرىلىم نەگىزىن قۇرايدى. تەحنوپاركتەر ءوندىرىس پەن عىلىمدى بارىنشا جاقىنداستىرۋ جاعدايىندا عانا مۇمكىن بولاتىن، رەسپۋبليكامىزدا قۇرىلعان ۇلتتىق يننوۆاسيالىق جۇيەنىڭ نەگىزىن قالاۋشى ەلەمەنت بولىپ تابىلادى.
سوڭعى ون جىل ىشىندە ەلىمىزدە 10 استام تەحنوپاركتەر جۇمىس ىستەۋدە. سولاردىڭ ىشىندە، ءال-فارابي اتىنداعى قازاق ۇلتتىق ۋنيۆەرسيتەتىنىڭ اۋماعىندا عىلىمي-تەحنولوگيالىق پارك ءساتتى جۇمىس ىستەۋدە. ءال-فارابي اتىنداعى قازۇۋ عىلىمي-تەحنولوگيالىق پاركى يننوۆاسيالىق يدەيالاردى جۇزەگە اسىرۋدىڭ ورتالىعى بولىپ تابىلادى. پاركتىڭ نەگىزگى ماقساتى – ەلىمىزدەگى عالىمداردىڭ عىلىمي جەتىستىكتەرىن تاجىريبەلىك-وندىرىستىك جانە سەريالىق وندىرىسكە ەندىرۋ بولىپ تابىلادى. تەحنوپارك بۇل جەردە بيزنەس-قۇرىلىم وكىلدەرى مەن عالىمدار اراسىنداعى ىقپالدى ديالوگ جۇرگىزۋشى ءۇشىن ارنايى اۋماق رەتىندە كورىنىس تابادى. دالىرەك ايتقاندا: عزتكج سالاسىندا جاڭا ءتيىمدى ستراتەگيالاردى ىزدەستىرۋ مەن قولدانۋ، يننوۆاسيالىق جوبالاردى جانە عىلىمي زەرتتەمەلەردى بىرىگىپ قارجىلاندىرۋ بويىنشا باعدارلامالاردى، سونىمەن قاتار ستۋدەنتتەر تاراپىنان تۇسەتىن باستامالاردى ۇيىمداستىرۋ. تەحنوپارك ءوزىنىڭ نەگىزگى ميسسياسى - يننوۆاسيالىق كاسىپكەرلىكتى قالىپتاستىرۋ مەن دامىتۋ بويىنشا جاعىمدى شارتتار جاساۋ، مۇمكىن ىسكەرلىك سەرىكتەستەردى ىزدەۋ، يننوۆاسيالىق عىلىمي-تەحنيكالىق جوبالاردى جۇزەگە اسىرۋ ءۇشىن ينۆەستورلاردى تارتۋ جانە ساپالى كەڭەستىك قىزمەتتەر كورسەتۋ دەپ بىلەدى. الدىعا قويىلعان ماقساتتار مەن مىندەتتەردى ورىنداۋ ءۇشىن تەحنوپارك دامۋ ستراتەگياسىندا الدىمەن باسەكەگە قابىلەتتى باسىم باعىتتاردى انىقتاۋ نەگىزىندەبار عىلىمي جانە تەحنولوگيالىق الەۋەتتى، جوعارى بىلىكتى ماماندار مەن قازۇۋ-دىڭ اقپاراتتىق رەسۋرستارىن بىرىكتىرۋ بويىنشا شارالاردى جۇزەگە اسىرۋدا.
ءوز قىزمەت اياسىندا قازىرگى كۇنى عىلىمي-تەحنولوگيالىق پارك ق ر پاتەنتتەرى، يننوۆاسيالىق پاتەنتتەر، ينتەللەكتۋالدى مەنشىك تۋرالى اۆتورلىق كۋالىكتەرگە يە بولا وتىرىپ، پاتتەنتتەۋ سالاسىندا، جانە جوبالاردى ۇلتتىق جانە حالىقارالىق دەڭگەيدە تانىستىرۋ مۇمكىندىكتەرىنە يە.
تەحنوپاركتىڭ كوپتەگەن يننوۆاسيالىق جوبالارىنىڭ اراسىندا «قازۇۋ ايماعىندا قاتتى تۇرمىستىق قالدىقتاردى ورگانيكالىق فراكسياسىن قايتا وڭدەۋدىڭ ەكولوگيالىق ءقاۋىپسىز تەحنولوگياسىن جاساۋ مەن ەندىرۋ» جوباسىن اتاپ كورسەتۋگە بولادى. بۇل جوبانىڭ ۇلتتىق جانە حالىقارالىق نارىقتا باسەكەگە قابىلەتتى بولاتىنىنا كۇمان جوق، سەبەبى ناقتى قالدىقتاردان جوعارى ساپالى داندىك قوسپالار الىناتىن بولادى. ال «باعدارلامالىق-اپپاراتتىق عارىشتىق قۇرال قۇراستىرۋ مەن نانوسەرىكتىڭ تاجىريبەلىك ۇلگىسىن جاساۋ» جوباسىنىڭ ماقساتى – عارىشتىق قۇرالدىڭ باعدارلامالىق-اپپاراتتىق جۇيەسىن قالىپتاستىرۋ، قازاقستانداعى العاشقى ستۋدەنتتىك نانوسەرىكتىڭ تاجىريبەلىك ۇلگىسىن جاساۋ مەن جەر بەتىندەگى سىناقتار جۇرگىزۋ جانە بولاشاقتى ۇلگىنى عارىشقا ۇشىرۋ بولىپ تابىلادى.
ۇلتتىق تەحنوپاركتەر قازاقستاندا قارجى جانە ەڭبەك رەسۋرستارى، قولدا بار عىلىمي-تەحنيكالىق الەۋەتتى قولدانا، قازاقستان ەكونوميكاسىنىڭ بولاشاقتا باسەكەگە قابىلەتتىلىگىن قامتاماسىز ەتۋگە مۇمكىندىك تۋدىرۋعا قاجەتتى جاڭا سالالاردى قۇرۋعا باعىتتالعان. بۇل ءبىر مەزگىلدە الەۋمەتتىك-ەكونوميكالىق ماسەلەلەردى شەشۋدە، سونىمەن قاتار جالپى العاندا مەملەكەتتىڭ ەكونوميكالىق ورلەۋىنە تۇراقتى قارقىندا قول جەتكىزۋىنە سەپتىگىن تيگىزەدى.
ءال-فارابي اتىنداعى
قازاق ۇلتتىق ۋنيۆەرسيتەتى
ەكونوميكا جانە بيزنەس جوعارى مەكتەبەنىڭ
2 كۋرس ماگيسترانتتارى: عالىم قىزى گۇلميرا
نۇرعالي ايگۇل، تىنابەكوۆا گۇلميرا
You Might Also Like
-
ءال-فارابي اتىنداعى قازۇۋ قازاقستاننىڭ بىرىككەن ۇلتتار ۇيىمىنا مۇشە بولعاندىعىنىڭ 25-جىلدىعىن اتاپ ءوتتى. 1992 جىلدىڭ 2 ناۋرىزىندا بۇۇ باس اسسامبلەياسىنىڭ 46-سەسسياسىندا قازاقستان الەم ەلدەرىنىڭ ەڭ ءىر...
