InfoHub Logo

ءال-فارابي اتىنداعى قازاق ۇلتتىق ۋنيۆەرسيتەتى مەنى ءاردايىم ءوزىنىڭ بەدەلىمەن جانە باي تاريحىمەن ءتانتى ەتتى. مەكتەپشىلىك  وليمپياداعا قاتىسقان  كەزىمدە ءجيى وسى ۋنيۆەرسيتەتكە كەلەتىن ەدىم. جۋرناليستيكا فاكۋلتەتى «باسپاگەرلىك-رەداكتورلىق جانە ديزاينەرلىك ونەر» كافەدراسى ۇيىمداستىراتىن ءتۇرلى كونكۋرستارعا قاتىسىپ شىعارمالار جازىپ، ۇلكەن كىتاپحانادا كوركەمسۋرەت بايقاۋىنا قاتىسقانىم ەسىمنەن كەتپەيدى. سول بايقاۋلاردىڭ ارقاسىندا، ءتۇرلى جەتىستىككە جەتىپ، مەن وسى وقۋ ورنىنا تۇسۋگە جەڭىلدىك ۇتىپ الدىم. ول مەن ءۇشىن ۇلكەن جەتىستىك. 

پاندەمياعا بايلانىستى 1-كۋرستى ونلاين فورماتتا ءوتتىم. ءبىراق قاشىقتىقتان وقىتۋ وتە قىزىقتى بولعانىن مويىنداۋىم كەرەك، ويتكەنى بۇل جاڭا جانە ەرەكشە تولقىن بولدى. دەسەدە مەن ستۋدەنتتىك ءومىردىڭ ءدامىن سەزىنۋ ءۇشىن وقۋ ورنىنا بارىپ، كامپۋستاردا سەرۋەندەپ، كۋرستاستارىما، اۋديتوريالاردا وتىرعىم كەلدى، ءبىراق مەندە وعان ءالى دە ۋاقىت بار دەپ ويلايمىن.

ەگەر وقىتۋدىڭ ءوزى تۋرالى ايتسام، وندا ول وتە ىڭعايلى بولدى، ويتكەنى قازۇۋ-دا «ۋنيۆەر جۇيەسى» دەپ اتالاتىن ءوزىنىڭ ەلەكتروندىق جۇيەسى بار. جۇيەدەن ەرەكشە وزەكتى جاڭالىقتاردى، ساباق كەستەمىزدى، باعالارىمىزدى قاراپ، ءۇي تاپسىرماسىن جىبەرۋگە مۇمكىندىك بولدى. سونىمەن قاتار، بۇل جۇيە ستۋدەنتتەر ءۇشىن قولايلى. كومپيۋتەردە دە، سمارتفونداردا دا جۇمىس ىستەدى، سوندىقتان بۇل وتە ىڭعايلى. 

مەن ونلاين فورماتتا وقىپ جۇرگەنىمە قاراماستان، ۋنيۆەرسيتەتپەن ءبىراز تانىسىپ ۇلگەردىم. ونىڭ ۇلكەن اۋماعىن ءوزىنىڭ ينفراقۇرىلىمى قالا ىشىندەگى قالاشىق ەرەكشە: ون ءۇش جاتاقحانا، ءارتۇرلى فاكۋلتەتتەرگە ارنالعان بولەك عيماراتتار، سپورت كەشەنى، ۇلكەن ستاديون، ءتىپتى تەننيس كورتى. الاتاۋدىڭ سامالى ەسىپ تۇرعان قازۇۋ-دا بارلىق جاعداي جاسالعان، ەكولوگيالىق تالاپتار ساقتالعان. بۇل ءوز كەزەگىندە وسى شاعىندا ستۋدەنتتەرگە جايلى اتموسفەرا سىيلايدى. 

سونىمەن قاتار وقۋلىقتار، مونوگرافيالار، سيرەك كەزدەسەتىن كىتاپتار مەن مەرزىمدى باسىلىمداردىڭ اسەرلى مۇراعاتى بار كىتاپحانانى اتاپ وتكىم كەلەدى. سونىمەن قاتار، بۇل مۇراعاتتى ەلەكتروندى فورماتتا كورۋگە بولادى، بۇل دا وتە ىڭعايلى. بۇدان باسقا، قازۇۋ-دىڭ ستۋدەنتتىك ەمحاناسى بار. مەن بۇل جەرگە بىرنەشە رەت باردىم، سوندىقتان ءبارى جاقسى دەڭگەيدە دەپ ايتا الامىن.

وندىرىستىك تاجىريبەدەن باسپادان ءوتتىم. «قازاق ۋنيۆەرسيتەتى» باسپا ءۇيى. ءيا، بۇل ۋنيۆەرسيتەتتىڭ ءوز باسپا ءۇيى، ول ۋنيۆەرسيتەت قىزمەتكەرلەرىنىڭ بارلىق سالالارى بويىنشا: عىلىمي، وقۋ، ادىستەمەلىك جانە كومەكشى ادەبيەتتەر شىعارادى. سونىمەن قاتار، قازۇۋ-دىڭ دا ءوز اسكەري كافەدراسى بار، وندا مەن گرانتتىق نەگىزدە وقۋعا مۇمكىندىك الدىم.

ءقازىر مەن باسپا ءىسىنىڭ 2-كۋرسىندا وقيمىن. جۋرناليستيكا فاكۋلتەتىندە قالپىنا كەلتىرۋ جۇمىستارى ءجۇرىپ جاتقاندىقتان ءالى دە وقىتۋ ونلاين فورماتتا ءوتىپ جاتىر. وسى تۇستا ارينە ۋنيۆەرسيتەت وقىتۋشىلارى مەن ستۋدەنتتەرىنىڭ جايلىلىعىنا قامقورلىق جاسايتىنى قۋانتادى. عيماراتتى قالپىنا كەلتىرۋ جۇمىستارى اياقتالىپ، ونلاين جۇيەدەن وفلاين جۇيەگە نىممەن قاۋىشقىم كەلەدى. شىنايى ستۋدەنتتىك شاقتى، قىزىقتى ءومىردى سەزىنەتىن كۇندە الىس ەمەس.

اۆتور: سۋيەۋبەكوۆ اديلەت باۋىرجانۋلى
جەتكشىسى: جانسەرىكوۆا نازكەن جانسەرىك قىزى

---