قازۇۋ
قازاقستان بۇگىنگى تاڭدا ساپالى بىلىمىمەن كوزگە تۇسكەن ەلدەردىڭ ءبىرى بولىپ تابىلادى. ەلباسىمىز ن.ءا. نازاربايەۆ بىلىمگە كوپ كوڭىل بولۋدە. ءبىز ونى سالىنىپ جاتقان الەمدىك ستاندارتقا ساي ءتۇرلى مەكتەپتەر مەن جوعارعى وقۋ ورىندارىنان بايقايمىز. سونداي ۋنيۆەرسيتەتتەردىڭ ءبىرى ءال-فارابي اتىنداعى قازاق ۇلتتىق ۋنيۆەرسيتەتى.
80 جىلدان استام تاريحى بار ءبىلىم ورداسى بۇگىنگى كۇنى ەلىمىزدەگى قوعام ءومىرى مەن ءبىلىم، عىلىم سالاسىنىڭ قالىپتاسۋى مەن دامۋى كەزەڭدەرىنىڭ كۋاگەرى بولىپ كەلەدى. وسى جىلدار ىشىندە كوپتەگەن ىستەر اتقارىلىپ، جىلدان-جىلعا ۇستازداردىڭ ءبىلىم بەرۋ ساپاسىن ارتتىرۋ، ستۋدەنتتەردىڭ بىلىمگە دەگەن قۇلشىنىسىن ودان ءارى دامىتۋ ءۇشىن ءتۇرلى جوبالار پايدا بولدى.
ءال-فارابي اتىنداعى قازۇۋ -قازاقستاننىڭ اسا ءىرى ۋنيۆەرسيتەتى، حالىقارالىق رەيتينگتەردە جەتەكشى ورىن الاتىن قازاقستاننىڭ جوعارى وقۋ ورىندارىنىڭ باس رەيتينگىنىڭ كوشباسشىسى.
قازاق ۇلتتىق ۋنيۆەرسيتەتى ۇلتتىق كلاسسيكالىق ۋنيۆەرسيتەتتى الەمدىك دەڭگەيدەگى زەرتتەۋ ۋنيۆەرسيتەتىنە اينالدىرۋعا، ءبىلىم، عىلىم جانە يننوۆاسيالاردىڭ ينتەگراسياسىنا، سونداي-اق ەڭبەك نارىعىنىڭ تالاپتارىنا سايكەس كەلەتىن جوعارى جەكە جانە كاسىبي قاسيەتتەرى بار تۇلەكتەردى دايىنداۋعا ۇمتىلادى.
بۇگىنگى تاڭدا ۋنيۆەرسيتەت سەگىز عىلىمي-زەرتتەۋ ينستيتۋتتارىن، 30-دان استام عىلىمي-تەحنيكالىق جانە گۋمانيتارلىق باعىتتاعى ورتالىقتار مەن زەرتحانالاردى بىرىكتىرەدى.
مامانداردى دايارلاۋدىڭ ءبىلىم بەرۋ باعدارلامالارىنىڭ تۇراقتى رەديزاينىن اتاپ وتكەن ءجون. باعدارلامالار جۇمىس بەرۋشىلەردىڭ سۇرانىستارى مەن تالاپتارى نەگىزىندە، اتاپ ايتقاندا، ولاردىڭ تىلەكتەرىن ەسكەرە وتىرىپ، بولاشاق جۇمىسشىلاردىڭ داعدىلارى مەن قابىلەتتەرىن قالىپتاستىرۋ نەگىزىندە جاڭارتىلادى. ۋنيۆەرسيتەت قاجەتتى رەسۋرستارعا يە جانە ەڭبەك نارىعىندا سۇرانىسقا يە تۇلەكتەردى دايىنداۋعا باعىتتالعان.
قازۇۋ الەمدەگى توپ-200 جەتەكشى زەرتتەۋ ۋنيۆەرسيتەتتەرىنىڭ قاتارىنا كىرۋ جانە قوعامداعى پروگرەسسيۆتى ەكونوميكالىق، الەۋمەتتىك جانە مادەني وزگەرىستەردىڭ لوكوموتيۆى بولۋ ماقساتىنا قول جەتكىزۋدە قارقىندى دامىپ كەلەدى. بۇگىنگى تاڭدا قازۇۋ QS "World University Rankings"بەدەلدى حالىقارالىق رەيتينگىنىڭ توپ-210 قۇرامىنا كىرەتىن ورتالىق ازياداعى جالعىز جوعارى وقۋ ورنى.
قىتايتانۋ كافەدراسى 3 كۋرس شەتەل فيلولوگياسى ماماندىعى ستۋدەنتى باكيروۆا جازيرا
جەتەكشى شارىپقازى ن.
You Might Also Like
-
قازاق باسپاسوزىندە ويىپ تۇرىپ ورىن العان العاشقى سالالىق باسپا-«اباي»جۋرنالى. 1918 جىلدىڭ اقپان ايىنىڭ 4ء-ى كۇنىنەن باستاپ، سەمەي قالاسىندا شىعا باستادى. رەداكتورى بەلگىلى قازاق جازۋشىسى...
-
ۋنيۆەرسيتەتتى تاڭداۋ – بۇل ءاربىر ادام ءۇشىن ءماندى جانە كۇردەلى شەشىم. ويتكەنى، جارناماسى جەر جارعانمەن ءبىلىم ساپاسى تومەن وقۋ ورىندارى كوپتەپ كەزدەسەدى. ءال-فارابي اتىنداعى قازاق ۇلتتىق ۋنيۆەرس...
