InfoHub Logo

ەرتەڭگىلىك
«قىز وسسە-ەلدىڭ كوركى»
ماقساتى: كوكتەم مەرەكەسىنە وراي وتكىزىلگەن سايىستا قىزداردى ادەپتىلىككە، اسەمدىلىككە، يناباتتىلىققا، سىپايىلىققا، اتا-بابا ءداستۇرىن ءبىلىپ، ۇلكەنگە ىزەت، كىشىگە ءىلتيپات كورسەتە بىلۋگە، انا مەن قىز بالا اراسىنداعى سىيلاستىقتى ارتتىرۋعا تاربيەلەۋ، اقىل-پاراساتىن، تالعامپازدىعىن، تاپقىرلىق، شەبەرلىگىن باعامداۋ ارقىلى «قىز سىنى» سايىسىنىڭ جەڭىمپاز ارۋىن انىقتاۋ ماقساتى كوزدەلدى.

جۇرگىزۋشى: اياۋلى انالار، اپايلار، 8 ناۋرىز مەرەكەلەرىڭىز قۇتتى بولسىن! كوكتەمنىڭ شۋاقتى كۇندەرىندەي، سان-الۋان گۇلدەرىندەي قۇلپىرىپ، جايناپ جۇرە بەرىڭىزدەر! جۇزدەرىڭىزدەن شاتتىق، كوڭىلدەرىڭىزدەن قۋانىش ارىلماسىن!
قۇرمەتتى قوناقتار، بۇگىن سىزدەردى مەكتەپالدى دايارلىق توبىنداعى قىزدار اراسىنداعى «قىز وسسە - ەلدىڭ كوركى» اتتى قىز سىنى سايىسىن تاماشالاۋعا شاقىرامىز.

سايىس باعدارلاماسى بەس بولىمنەن تۇرادى:
1. «تەگىن ءبىلۋ،تەكتىلىك» /ءوزىن تانىستىرۋ/
2. «اناسىن كورىپ، قىزىن ال» / ونەرىن كورسەتۋ /
3. «شەبەر قولدار» /ءتۇس كيىز جاساۋ/
4. «قىزدارعا اسەمدىك جاراسادى» /ءسان كيىم ۇلگىسىن كورسەتۋ/
5. «قوناق جايلىق - اتا ءداستۇرىمىز» /ۇيدەن كوكتەم سالاتىن جاساپ اكەلۋ/

جۇرگىزۋشى: ءادىل-قازى بەرەدى
وزدەرىڭە بيلىكتى
ونەردە كىم جەڭەدى
سول الادى سىيلىقتى
بۇگىنگى سايىستىڭ ءادىل باعاسىن بەرىپ، سايىستىڭ جەڭىمپازىن انىقتايتىن ءادىل-قازىلار القاسىمەن تانىس بولىڭىزدار!
بالعىن ءجۇزى البىراپ
قاناتىن جاڭا قاققان
قارسى الايىق ارۋلاردى
سايىسقا دايىن تۇرعان
ارۋ قىزدارىمىزدى، كوڭىلدى قوشەمەتپەن قارسى الايىق /ارۋلار ءۇنتاسپادا قوسىلعان باياۋ انمەن ورتاعا شىعادى/.
جۇرگىزۋشى: ۋا،حالايىق، حالايىق
باستاماس بۇرىن سايىستى
اجەمىزدەن اۋىلدىڭ
اتالى باتا الايىق.
اجە: ا،قۇدايىم وڭداسىن
وڭ جولىنا باستاسىن
بۇگىنگى مىنا سايىستا
ەلىڭە ۇنار ارۋ بول
حالقىڭ سۇيەر اققۋ بول! ءاۋمين!

1. جۇرگىزۋشى: ال، ەندى قىمباتتى ارۋلار، سىزدەرگە قويىلاتىن سايىستىڭ ءبىرىنشى شارتى «تەگىن ءبىلۋ - تەكتىلىك»/ءوزىن تانىستىرۋ/

ارۋلارىمىز سايىسىمىزدىڭ كەلەسى شارتىنا دايىن بولعانشا ورتاعا جىگىتتەرىمىزدىڭ

«جىگىتتەر» ءبيىن تاماشالاڭىزدار.
كەلەسى ۇلدارىمىزدىڭ «انا تۋرالى» ولەڭ شۋماقتارىن تىڭداڭىزدار:

سەگىزىنشى ناۋرىز كۇنىن
مەيرامدايدى انالار
انالاردىڭ شاتتىعىن
قۇتتىقتايدى بالالار

قۇتتى بولسىن ارداقتى انام
اسىل انام مەرەكەڭ
قۇتتى بولسىن تەڭدىك العان
قۋانىشتى مەرەكەڭ

مۇرات، مۇلدە، ماقساتىم
جاقسى كۇن مەن جاقسى ءتۇن
ناعىز باقىت انانىڭ
اقتاۋ دەر ەم اق ءسۇتىن

تەڭدەسى جوق داناسىڭ
ارقا سۇيەر پاناسىڭ
ەڭبەگىڭدى اقتايمىن
امان بولشى اناشىم

مەنىڭ اجەم،بۇل اجە
ايتقان ءسوزى ءدال اجەم
امان بولسا كورەدى
قىزىعىمدى ءالى اجە

بالانىڭ دا تىرەگى
دالانىڭ دا تىرەگى
شانشىماسىن ەشقاشان
انالاردىڭ جۇرەگى

بارىڭىزدە اناسىڭ
ءبىز ءۇشىن كۇن بوپ جانسىڭ
قۇتتى بولسىن مەيرامىڭ
قۇتتىقتايمىن اناشىم

2. جۇرگىزۋشى: كەلەسى، سايىس «اناسىن كورىپ، قىزىن ال». ارۋلارىمىز مىڭ بۇرالعان بيىمەن، تامىلجىعان انىمەن ورتاعا ءوز ونەرلەرىن كورسەتەدى!

3. «شەبەر قولدار» سايىسى. ارۋلارىمىز الدارىڭىزدا قازاقتىڭ قول ونەرىمەن جاسالاتىن ءتۇس كيىزدى جابىستىرىپ، جاساپ كورسەتەدى. ال، كانە، ارۋلار، ىسكە ءسات!
ارۋلارىمىز تاپسىرمالارىن جاساعانشا، الدارىڭىزدا جىگىتتەر توبىنىڭ

«قارا جورعا» ءبيىن تاماشالاڭىزدار! /ارۋلار جۇمىستارىن ءادىل قازىلاردىڭ الدىنا قويىپ، كەلەسى سايىسقا دايىندالادى/.

«كىشكەنتايدان مەنى» ءانى ورىندالادى.

4. كەلەسى،سايىس «قىزدارعا اسەمدىك جاراسادى». ارۋلارىمىزدىڭ ءساندى كيىمدەرىن تاماشالاڭىزدار!

5. «اس ءقادىرىن بىلمەگەن اشتان ولەر،ات ءقادىرىن بىلمەگەن جاياۋ قالار» دەگەندەي، كەلەسى سايىسىمىزدىڭ شارتى «قوناقجايلىق - اتا ءداستۇرىمىز» دەپ اتالادى. انالار مەن قىزداردىڭ التىن قولدارىمەن ۇيدە دايىندالعان مەرەكەلىك سالاتتارى. /ارۋلار ءوز سالاتتارىن تانىستىرادى/
الدارىڭىزدا دايارلىق توبىنىڭ ورىنداۋىندا «اينالايىن، انا» ءانىن تىڭداڭىزدار!
كەلەسى ءسوز كەزەگى ءادىل-قازىلار القاسىنا ءسوز بەرىلەدى . سايىسقا قاتىسقان ارۋلارعا:
«كورەرمەندەر كوزايىمى»، «ونەرلى قىز»، «مىڭ بۇرالعان ءبيشى»، «كورىكتى قىز»، «ادەمى قىز»، «اقىلدى قىز»، «سۇيكىمدى قىز»، «اجارلى قىز»، «سالماقتى قىز»، «ءۇشىنشى ورىن»، «ەكىنشى ورىن»، «باس جۇلدەگە يەگەر ارۋ» اتتى نوميناسيالارى بويىنشا جۇلدەلەر بەرىلدى.

جۇرگىزۋشى:
انالار، قالقىپ باقىت ارالىندا
لايىم مۇڭ قونباسىن جانارىڭا
وسىمەن ەرتەڭگىلىگىمىزدى اياقتايىق
گۇل ءبىتسىن ءبارىمىزدىڭ قادامىمىزعا، - دەي وتىرىپ، بۇگىنگى سايىسىمىزدى اياقتايىق!
ارداقتى انالار، اپالار، مەيرامدارىڭىز قۇتتى بولسىن!