InfoHub Logo

العاشقى تاربيەنىڭ ۋىزىن قىز بالا ءوز وتباسىنان بويىنا سىڭىرەدى. وتباسىندا بەرىلگەن تاربيە ونىڭ بولاشاعىنا زور اسەر ەتەدى. سودان بولار، حالقىمىز "تاربيە-تال بەسىكتەن" دەگەن ەكەن. سونىمەن، زامانىنا قاراي قوعام وزگەرىپ تاربيە ورتاسىدا كەڭەيدى. دەسەك تە، ۇلتتىق قۇندىلىقتارىمىزدى بەرىك ساقتاپ ۇرپاعىمىزعا سانالى، سالاۋاتتى تاربيە بەرۋ ماڭىزدى. قازىرگى زامان اعىمىنا قاراي قىزدارىمىزدىڭ تاربيەسى وزگەرگەنى انىق. قىز بالانىڭ ءجۇرىس-تۇرىسى، كيىم ۇلگىسى تاربيەنىڭ بەلگىسى بولىپ سانالادى. 

قازاق حالقى قاي كەزدە دە قىزدىڭ تاعدىرىن، قىزدىڭ تاربيەسىن جوعارى قويعان. ۇلتىمىز قىز بالانى ارداقتاپ ۇستاعان، ەركەلەتە وتىرىپ، ەسىرتىپ جىبەرمەگەن. نىڭ بولاشاعى ءۇشىن، جاقسى اۋلەتكە كەلىن بولۋ ءۇشىن بارىن سالعان. باۋىرجان مومىش ۇلى اتامىز ءبىر سوزىندە: «قىز بالانىڭ مىنا ومىردەگى مىندەت-پارىزىنىڭ جۇگى اۋىر، ءارى ارداقتى. ول – ادامزات ۇرپاعىن ومىرگە اكەلەتىن بولاشاق انا، ءۇي ۇستاپ، جار كۇتەتىن ادال جار، اتا-ەنە سىيلاپ، يىلەتىن قامقور كەلىن» دەگەن ەكەن. قىز بالانىڭ كيىنگەن كيىمى، سويلەۋ مانەرىنەy-اق ونىڭ الدىمەن بەرگەن اتا-اناسىنىڭ تاربيەسىن بايقايمىز. دۇرىس تاربيە، تاعىلىم بەرۋ - اتا-انانىڭ مىندەتى. قىزىڭىزدى تاربيەلەڭىز، قۇرمەتتەڭىز. 

ءقازىر ينتەرنەتتە مەكتەپ وقۋشى قىزداردىڭ بىر-بىرىمەن شاش جۇلىسىپ، اياۋسىز سوققىعا جىققانى، ەكى ويى ەندى عانا ءپىسىپ جەتىلگەن قىزداردىڭ اياعى اۋىر بولۋىن ەستىپ جاتىرمىز. بۇل جايتقا كىم كىنالى؟ بۇعان ءاۋ باستان تاربيە-تاعىلىم ۇيرەتپەگەن اتا-انا كىنالى مە؟ الدە بويىنا تاربيەنى سىڭىرمەگەن بويجەتكەن كىنالى مە؟ قىز بالانىڭ وعاش قىلىق كورسەتۋى اكە ماحابباتى، مەيىرىمدىلىك، جىلۋلىق  كورسەتىلمەگەننەن پايدا بولادى. قىز دەگەن نازىك جاراتىلىس. وتباسىدا اكەلىك ماحاببات، قامقورلىق، كوڭىل ءبولىپ وتىرعان ابزال. سەبەبى، ۇيدە جىلۋلىق سەزىنبەگەن قىز مەيىرىمدىلىكتى اينالادان ەمەس، ايدالادان ىزدەيتىن بولادى… قورىتا كەلگەندە، بويىنا نامىس وتى ويناعان، يماندى دا يناباتتى قازاقتىڭ تەكتى قىزدارى كوپ بولعاي!

---