بىرلىك كۇنى!
1 مامىر بىرلىك كۇنى — قازاقستان حالقى ءۇشىن ەڭ ءىرى مەرەكەلەردىڭ ءبىرى. ەلىمىزدىڭ بارلىق وڭىرلەرىندە دەرلىك 1 مامىر تويلانادى. ماقساتى، ەل ىشىندەگى ءتۇرلى ۇلت پەن ءدىن وكىلدەرىنىڭ بىر-بىرىنە دەگەن سىي-قۇرمەتىن ارتتىرىپ، تاتۋلىقتى، بىرلىكتى، ورتاق قۇندىلىقتاردى ناسيحاتتاۋ.
«بىرلىك بولماي تىرلىك بولماس» دەگەن بابامىز. بەرەكەنى كوزدەگەن ەل مەرەكەلى تىرلىك جاساۋدان جالىقپاعان. «بەرەكە باستاۋى بىرلىك، ەل ءىشى تاتۋ تىرلىك» قاعيداسىن ۇستانعان ەل ءۇشىن بۇل مەيرامنىڭ ورنى ەرەكشە
جىل سايىن اتاۋلى مەرەكەدە قازاقستان اۋماعىندا تۇرىپ جاتقان 130-دان استام ۇلت پەن ۇلىس وكىلدەرى كيەلى قارا شاڭىراقتا ءتاتۋ-تاتتى، بەرەكە مەن بىرلىكتە، بەيبىتشىلىك پەن ىنتىماقتا ءومىر ءسۇرىپ جاتقاندىعىن تويلايدى.
1995 جىلدىڭ ناۋرىزىندا دۇنيە جۇزىنە ۇلگى بولىپ وتىرعان، ۇلتارالىق تاتۋلىق پەن تۇراقتىلىقتىڭ فەنومەنى — قازاقستان حالىقتارى اسسامبلەياسى قۇرىلدى.
بۇل ەشبىر ەلدە بولماعان ەرەكشە، ساياسي ماڭىزى زور قۇرىلىم. اسسامبلەيا 365 مۇشەسى، 471-دەن استام رەسپۋبليكالىق، وڭىرلىك، وبلىستىق، قالالىق ۇلتتىق-مادەني بىرلەستىكتەرى 500-گە جۋىق كىشى اسسامبلەيا مۇشەلەرىنىڭ باستارىن بىرىكتىرىپ، ءبىزدىڭ ورتاق ءۇيىمىز — قازاقستاندا شىنايى دوستىقتى قامتاماسىز ەتىپ كەلەدى.
قازاقستاننىڭ بىرلىگى كۇنى بارلىق بالاباقشالاردان باستاپ، مەكتەپ، ۋنيۆەرسيتەتتەردە، كوللەدجدەر مەن ج ش س، جەكەمەنشىكتەگى كاسىپورىندار مەن مەملەكەتتىك ۇيىمداردا ايتارلىقتاي اتاپ وتىلەدى. ماقساتى — قازاقستان حالقىنىڭ بىرلىگىن نىعايتۋ، جاستاردى دوستىق پەن ىنتىماقتاستىقتا ءومىر سۇرۋگە تاربيەلەۋ.
You Might Also Like
-
العاشقى تاربيەنىڭ ۋىزىن قىز بالا ءوز وتباسىنان بويىنا سىڭىرەدى. وتباسىندا بەرىلگەن تاربيە ونىڭ بولاشاعىنا زور اسەر ەتەدى. سودان بولار، حالقىمىز "تاربيە-تال بەسىكتەن" دەگەن ەكەن. سونىمەن، ز...
-
دۇعا — بۇل ءمۇميننىڭ قارۋى، ونى بارلىق جاماندىقتان ساقتايتىن وق وتپەس ساۋىتى ىسپەتتەس. بۇل تۋراسىندا پايعامبارىمىز الەيھيسسالام: «سەندەرگە دۇشپاننان قورعايتىن ءارى ريزىقتى مولايتاتىن ءبىر ...
