قۇلدار وتەي المايدى
اۋليەلەردىڭ ءبىرى باسىنان وتكەن ءىستى بىلاي دەپ باياندايدى. ءبىر كۇنى مەككە مۋكاررامادا التىن سالىنعان قالتاشىعىمدى جوعالتىپ اقشاسىز قالعان ەدىم. باسرادان اقشا كۇتىپ ءجۇردىم. شاشىم ساقالىم قاتتى ءوسىپ كەتكەن ەدى. ءبىر شاشتارازعا كىرىپ بىلاي دەدىم:
— اقشام جوق ەدى، اللاھ ريزالىعى ءۇشىن شاشىمدى قىسقارتىپ بەرەسىز بە؟
شاش الىپ جاتقان كىسى ول كەزدە ءبىر ادامنىڭ شاشىن الىپ جاتقان بولاتىن. قاسىنداعى بوس ورىندىقتى كورسەتىپ «مىناعان وتىرىڭىز!» دەدى دە، الىپ جاتقان ادامىن تاستاپ مەنىڭ شاشىمدى الا باستادى. وعان انا ادام اشۋلانعان سىڭاي ءبىلدىردى. شاشتاراز وعان:
— رەنجىمەڭىز اعا! ءسىزدىڭ شاشىڭىزدى اقشا ءۇشىن الىپ جاتىرمىن. ال مىنا جىگىت اللاھ ريزالىعى ءۇشىن ءوتىندى، اللاھ ءۇشىن بولعان ىستەر الدىڭعى قاتاردا تۇرادى جانە ونىڭ قۇنى بولمايدى، ياعني اللاھ ءۇشىن جاسالعان ءىستىڭ ساۋابى وتە كوپ بولماق، قۇلدار ونى وتەي المايدى.
شاشتاراز شاشىمدى قىسقارتىپ بولعان سوڭ قيناپ قالتاما بىرنەشە التىن سالىپ: «قاجەتتىلىكتەرىڭە جاراتاسىڭ، مۇمكىندىگىم وسى عانا، رەنجىمە» دەدى.
ارادان بىرنەشە كۇن ءوتىپ كۇتىپ جۇرگەن اقشام كەلدى. الگى شاشتارازعا ءبىر قالتا التىن اپارىپ بەرگەنىمدە «مۇلدەم المايمىن» دەپ ءسوزىن بىلاي دەپ تۇيىندەدى:
«اللاھ ءۇشىن جاسالعان ءىستىڭ قۇنىن قۇلدار وتەي المايدى دەمەدىم بە؟ جولىڭ اشىق بولسىن، اللاھۋ تا’الا ساعان اماندىق بەرسىن».
ونىمەن رازىلىق الىپ قوشتاستىم، ءبىراق ارادان 40 جىل ءوتتى، وعان ءالى دە دۇعا قىلىپ كەلەمىن، وعان دۇعا ەتۋدەن تىيىلا الماي ءجۇرمىن، تۇندەردە دە تۇرىپ وعان دۇعا ەتەمىن».
You Might Also Like
-
1851 جىلى دجەيمس كينگ بارابانمەن اينالاتىن، قازىرگى كىر جۋعىش ماشيناعا ۇقساس تەحنيكانى ءوز ەسىمىنە پاتەنتتەدى. ءبىراق ماشينانى جۇرگىزەتىن مەحانيزم قولمەن باسقارىلاتىن ەدى.
-
العاشقى تاربيەنىڭ ۋىزىن قىز بالا ءوز وتباسىنان بويىنا سىڭىرەدى. وتباسىندا بەرىلگەن تاربيە ونىڭ بولاشاعىنا زور اسەر ەتەدى. سودان بولار، حالقىمىز "تاربيە-تال بەسىكتەن" دەگەن ەكەن. سونىمەن، ز...
