قىز ۇزاتۋ تويىنداعى انا تىلەگى
قۇرمەتتى تويعا جينالعان اعايىن-جۇرت، دوستارىمىز بەن جولداستارىمىز!
شىنىمدى ايتسام، سىزدەردىڭ الدارىڭىزدا شاڭىراعىمىزدان ۇشىرعالى وتىرعان اق كوگەرشىندەي اياۋلى قىزىما قانداي اق جول، ءسات ساپارلىق تىلەك تىلەرىمدى بىلمەي تولقىپ تۇرمىن. ەڭ دۇرىسى، نەگىزگى ءسوزىمدى قىزىما ارناعانىم ءجون سياقتى....
ءۇيىمىزدىڭ ءسانى، اكەڭ ەكەۋىمىزدىڭ ايالاپ وسىرگەن قىزعالداعىمىز، سۇيىكتى دە سۇيكىمدى قىزىم مەنىڭ!
كەشە عانا «ىڭگالاپ» ومىرگە كەلگەنىڭ دە،تۇلىمشاعىڭ جەلبىرەپ جۇگىرىپ جۇرگەنىڭ دە، شاشىڭا اق بانتيك تاعىپ العاش مەكتەپ تابالدىرىعىن اتتاعانىڭ دا، جوعارعى وقۋ ورنىنا تۇسكەندە «ماما، پاپا! مەن ستۋدەنت اتاندىم!» دەپ قۋانىشتان جۇرەگىڭ جارىلا ءسۇيىنشى سۇراعانىڭ دا... – ءبارى-بارى دە كەشە عانا سياقتى ەدى. ۋاقىت نەتكەن جۇيرىك دەسەڭشى! ەندى مىنە بۇگىن ومىرلىك سەرىك-سىڭارىڭدى تاۋىپ، ۇيادان ۇشقالى تۇرسىن.
سەنى جات بوساعاعا قانشا قيماساق تا تابيعاتتىڭ تالابى، ءومىردىڭ زاڭى وسىلاي ەكەن - قىز بالا جات جۇرتتىققا جارالعان.
اينالايىن قىزىم........!
سەن ارقىلى ءورىسىمىز كەڭەيىپ، جاڭا جەكجاتتار تاۋىپ، قۇدا-قۇداعي بولىپ جاتىرمىز. سەن ەندى ەكى ەلدىڭ اراسىنداعى ەلشىسىڭ. الدىڭدا جاڭا ءومىر، جاڭا ورتا، جاڭا تۋىستار مەن دوستار كۇتىپ تۇر. سول ورتامەن ءتىل تابىسىپ، ۇيرەنىسىپ، بوساعاسىن اتتاعان اۋلەتىڭە تۋعان قىزىنداي بولىپ ءسىڭىسىپ كەتەتىنىڭە سەنەمىن. ويتكەنى وسى كۇنگە دەيىن پاپاڭ ەكەۋىمىزدىڭ بەرگەن تاربيەمىزدى زايا كەتىرمەي، جامان ءسوز كەلتىرمەي، سەنىمىمىزدى اقتاپ، اينالاڭا، قورشاعان ورتاڭا ءارقاشان سۇيىكتى، سۇيكىمدى بولىپ ءجۇردىڭ ەمەس پە؟!
مەنىڭ تىلەگىم. وسى قالپىڭنان اينىماعايسىڭ، كۇنىم! قۇدايىم باسىڭنان باعىڭدى تايدىرماسىن!
باستاعالى وتىرعان جاڭا ءومىرىڭ باقىتتى، قىزىقتى كۇندەردەن قۇرالسىن. تابالدىرىعىن اتتاعالى تۇرعان بوساعاعا جاڭا باسقان قادامىڭ قۇت اكەلسىن!
اكەڭ مەن شەشەڭدى قالاي قۇرمەتتەگەن بولساڭ، اتاڭ مەن ەنەڭدى سولاي قۇرمەتتەگىن، كۇنىم! سىڭارىڭمەن جۇبىڭ جازىلماي، باقىتتى دا ءتاتۋ-تاتتى عۇمىر كەشىپ، وسىپ-ونىڭدەر. باقىتتى بولىڭدار!
*** *** *** ***
«جولاۋشى مۇراتى - جەتۋ، قىز مۇراتى – كەتۋ» ەكەنىن ۇعىنعانىمىزبەن، باۋىر ەتىنەن جۇلىپ العانداي ەتىپ قىزىن وزگە جۇرتقا اتتاندىرۋ كىمگە بولسا دا وڭاي ەمەس ەكەن. دەگەنمەن، تەڭىن تاۋىپ، كوڭىل جاراستىرىپ، ءبىزدىڭ، ياعني اتا-اناسىنىڭ، تۋعان-تۋىستارىنىڭ ريزاشىلىعىمەن كەتىپ بارا جاتقانى كوڭىلگە قۋانىش ۇيالاتادى.
قولىمىزدان ۇشىپ بارا جاتقان قىزىمىزدىڭ قونعان جەرى قۇتتى بولسىن! بارعان ەلىنە تاستاي باتىپ، سۋداي ءسىڭسىن، كوپ بالالى انا بولىپ وركەنىن جايسىن!
قۇداي قوسقان جارىنا ب ا ق بولىپ قونسىن، قوساعىمەن قوسا اعارسىن!
قۇدا-جەكجاتتارىمىزعا ايتارىم، بىر-بىرىمىزگە دەگەن جىلى ىقىلاسىمىز سۋىماي،سىيلاستىعىمىز جوعالماي ەكى جاستىڭ قىزىعىنا كەنەلەيىك. توي سىزدەرگە دە قۇتتى بولسىن! ەكى جاس باقىتتى، ومىرلەرى ۇزاق بولسىن!
*** *** *** ***
شاڭىراقتىڭ شىراعىسىڭ شاتتىعى
تەكتى جەردىڭ تۇياعىسىڭ اقگ ۇلى.
مىڭ جىل قۇدا بولۋعا دا اتتى كۇن
ەكى جاسقا قۇداي بەرسىن ب ا ق بۇگىن
اكە-شەشەڭ، ارناپ وتىر جىر اعىن،
كاۋسار تازا مولدىرەگەن بۇلاعىم،
بارعان جەرگە سۋداي ءسىڭىپ، ۇناعىن،
باقىتتى بول باقىتتى بول، شىراعىم.
*** *** *** ***
قۇرمەتتى قوناقتار، ءقادىرلى اعايىن-تۋىستار!
بۇگىن ءبىز ءۇشىن كوڭىل اسا الابۇرتقان كۇن. كوڭىل – قىزىمىز تەڭىن تاپتى، وتاۋىن تىگىپ جاتىر دەپ، قۋانىشتان شالقيدى، كوڭىل – الپەشتەپ وسىرگەن قىزىمىزدى قيماستىقتان تولقيدى. بۇل – قىز ۇزاتقان ءاربىر اتا-اناعا ءتان، وسىندا وتىرعان تالايىڭىز باستان كەشكەن سەزىم. وسىنداي ساتتە بالاڭنىڭ دۇنيەگە كەلگەن كەزىنەن باستاپ ومىردە وتكەننىڭ ءبارى كينو سياقتى كوز الدىڭا كەلەدى ەكەن. دۇنيەگە ۇرپاق كەلدى دەپ اتا-انالارىمىزدان باستاپ ءبارىمىز قۋانعانىمىز، قىزىلورداداعى تۋىستارعا ءسۇيىنشى حابار ايتقانىمىز، بالانىڭ ءتاي-تاي باسقانى، بىلدىرلاپ سويلەگەنى، «اتا»، «اجە»، «ماما»، «پاپا» دەگەن العاشقى سوزدەرى ىستىق، ورتاق قۋانىشىمىز بولعان ەدى.
قازاقتىڭ سالتى بويىنشا العاشقى بالا ۇلكەندەردىكى سانالادى ەمەس پە. قىزىمىز ەكى جاقتىڭ – وتاعاسىنىڭ قىزىلورداداعى اتا-اناسىنىڭ، الماتىداعى مەنىڭ اتا-انامنىڭ ەركەلەتكەن ورتاق قىزدارى بولدى. بۇگىنگى قۋانىشقا قاتىسىپ، مىنە، باتالارىن بەرىپ وتىر. ولاردىڭ ەندى شوبەرە سۇيگەن قىزىقتارىن كورۋىن تىلەيمىز.
ەندى بىرەر ءسوزدى قۇدالارعا ارنايىن. قۇداعي قىزىمىزدى ءوزىنىڭ قىزىنداي قارسى الادى دەپ سەنگىمىز كەلەدى. قىزىمىزدىڭ قادامى قۇتتى بولىپ، ۇيلەرىڭىزگە ىرىس الا كىرسىن. ەكى بالامىزدىڭ قىزىقتارىن بىرگە تويلاپ جۇرەيىك، ءبىز دە اتا-اجە بولايىق.
تويشى قاۋىمعا ايتارىمىز، كەلگەن قادامدارىڭىز قۇتتى بولسىن. توي سىزدەرگە جۇعىستى بولسىن، ىلعي تويدا كەزدەسىپ جۇرەيىك.
You Might Also Like
-
ءومىردىڭ ورلەپ شىقسىن بەلەسىنە، مۇحيتقا جەتسىن ءجۇزىپ كەمەسى دە، ءبىر ءۇيدىڭ الپەشتەگەن ەركەسى ەكەن، اتا مەنەن سىيلى بولسىن ەنەسىنە. ۇلكەندى قادىرلەۋدەن جالىقپاسىن جارقىلدا جارىڭنىڭ دا تاۋ...
-
ادامنىڭ ءبىر قىزىعى بالا دەگەن، بالاسىز كوڭىل شىركىن تولار ما ەكەن. ءدۇبىرلى توي جاساماي بالاسىنا، قازاقتىڭ جاعاسى جايلاۋىنا قونار ما ەكەن.
