وقو-داعى كىتاپحانالاردا كومپيۋتەرلەر جەتىسپەيدى
وڭتۇستىك قازاقستان وبلىسىنداعى كىتاپحانالاردا كومپيۋتەرلەر جەتىسپەيدى. وڭىردە 427 كىتاپحانا بار بولسا، بۇگىندە ونىڭ 180ء-ى عانا جاڭا تەحنولوگيامەن جابدىقتالعان. بۇل ماسەلە كىتاپحاناشىلارعا ارنالعان سەمينار-كەڭەستە ايتىلدى، دەپ قازاقپارات حابارلايدى.
«بولاشاققا باعدار، رۋحاني جاڭعىرۋ» ماقالاسى اياسىندا ۇيىمداستىرىلعان كەڭەستە كىتاپحاناشىلار جاڭا تەحنولوگيا دامىعان زاماندا مۇنداي ماسەلەلەر شەشىلسە دەگەن ۇسىنىستارىن ايتتى. وبلىستىق مادەنيەت جانە تىلدەردى دامىتۋ باسقارماسى باسشىسىنىڭ مىندەتىن اتقارۋشى اسىلحان تەمىرحاننىڭ ايتۋىنشا، بۇل باعىتتا وبلىستىق بيۋدجەتتەن قارجى قارالادى. الايدا، بولىنگەن سوما ازدىق ەتىپ وتىرعان كورىنەدى.
«وبلىستاعى كىتاپحانالاردىڭ 127ء-ى عانا ينتەرنەتكە قوسىلعان. بىزدە اۋداندارداعى بيۋدجەتتەن قارجى ءبولۋ ماسەلەسىن كوتەرۋدەمىز. الايدا وتە از بولىنەدى. جىلدا كومپيۋتەر ءار اۋداننان جالپى ەسەپتەگەن كەزدە 1-2 كىتاپحانا عانا قامتىلادى. قارجى ءبولۋ ماسەلەسى تومەن»،- دەدى اسىلحان تەمىرحان.
باسقوسۋدا سونداي-اق كىتاپحانالاردىڭ جەمىستى جەتىستىكتەرى دە ايتىلدى. ماسەلەن، وبلىستاعى 427 كىتاپحانانىڭ بۇگىندە 639 مىڭ وقىرمانى بار. بۇل - قوعام سيفرلىق دامۋعا كوشكەن شاقتا كىتاپ وقيتىن قاۋىمنىڭ ءالى دە بولسا، ازايماعانىن كورسەتەدى،- دەيدى سالا ماماندارى.
سەمينار سوڭىندا قاتىسۋشىلار وبلىستىق «وتىرار» عىلىمي-امبەباپ كىتاپحاناسىنا ارالاپ كورىپ، ءوزارا تاجىريبە الماستى. الدا اتقارار جۇمىستارىن پىسىقتادى.
You Might Also Like
-
كورگەن ءتۇسىن جورىتىپ، ونىڭ ورىندالۋىن تاعاتسىزدانا كۇتەتىندەر بار. ىرىمشىل بىزدەر ءۇشىن بۇل جاعداي تاڭسىق ەمەس. كەرىسىنشە، كورگەن ءتۇسىن ەلەۋسىز قالدىرىپ، بۇگىنگىمەن ءومىر سۇرەتىن ادامدار دا از ەمەس. ...
-
ءتىسىڭىزدى تازالاۋ كەزىندە قىزىل يەگىڭىزگە نازار اۋدارىپ قويعانىڭىز ءجون. ينون ۋنيۆەرسيتەتىندەگى تۇرىك عالىمدارى قىزىليەك اۋرۋىنىڭ بەلسىزدىككە سەبەپشى بولاتىنىن ەسكەرتەدى.
