«قوبىلاندى باتىر» جىرىن جاتتاعان وقۋشىعا 1 ميلليون تەڭگە بەرىلەدى
قازاقستاندا مەكتەپ وقىشۋلارى اراسىنداعى «تۇلپار ءمىنىپ، تۋ العان!» بايقاۋى وتەدى. نەگىزگى ماقسات - جاستاردى «الپامىس»، «ەر تارعىن»، «قوبىلاندى باتىر» جىرلارى سىندى xالقىمىزدىڭ باي مۇراسى نەگىزىندە تاربيەلەۋ.
بايقاۋ 6-10-سىنىپ وقۋشىلارى اراسىندا ۇيىمداستىرىلادى. وسى جولى «قوبىلاندى باتىر» جىرىنىڭ ماراباي جىراۋ نۇسقاسىن جاتقا ايتۋ قاجەت. بايقاۋعا رەسپۋبليكا بويىنشا 5 000 مەكتەپتەن 50 000 وقۋشى قاتىسادى دەگەن جوسپار بار. ءار مەكتەپتەن 10 وقۋشى (6-شى سىنىپتان 2 وقۋشى، 7ء-شى سىنىپتان 2 وقۋشى، 8ء-شى سىنىپتان 2 وقۋشى، 9-شى سىنىپتان 2 وقۋشى جانە 10-شى سىنىپتان 2 وقۋشى) قاتىسا الادى. جوبا ءۇش كەزەڭنەن - اۋداندىق، وبلىستىق جانە رەسپۋبليكالىق ىرىكتەۋدەن تۇرادى. اۋداندىق كەزەڭدە 1ء-شى ورىن ءۇشىن 150 000 تەڭگە، 2ء-شى ورىن - 100 000 تەڭگە، 3ء-شى ورىنعا 50 000 تەڭگە قاراستىرىلعان. ال وبلىستىق كەزەڭدە 1ء-شى ورىن ءۇشىن 1 000 000 تەڭگە، 2ء-شى ورىن - 600 000 تەڭگە، 3ء-شى ورىن العاندارعا 300 000 تەڭگە تابىستالادى. قازىرگى كەزدە رەسپۋبليكالىق ىرىكتەۋدىڭ قارجىلاي قورى پىسىقتالىپ جاتىر.
جوبانىڭ اياسىندا 50 000 مەكتەپ وقۋشىسى 107 بەتتەن تۇراتىن «قوبىلاندى باتىر» جىرىن تولىق جاتتاسا، اتالعان كورسەتكىشتى گيننەس رەكوردتار كىتابىنا ءوتىنىم بەرۋ جوسپارلانعان.
ق ر اقپارات جانە كوممۋنيكاسيالار ءمينيسترى داۋرەن ابايەۆتىڭ ايتۋىنشا، اتالعان بايقاۋ مەملەكەت باسشىسى "ۇلى دالانىڭ جەتى قىرى" ماقالاسى مەن بيىلعى جاستار جىلىمەن تىعىز بايلانىستى.
"قاتىسۋشىلار "قوبىلاندى باتىر" جىرىن جاتقا ايتىپ، جىردىڭ ىشىندەگى كونەرگەن، تاريxي سوزدەردىڭ ماعىناسىن اشىپ، قازاق ادەبيەت وقۋلىعى بويىنشا ازىرلەنگەن سۇراقتارعا جاۋاپ بەرەدى. الدىن الا بۇقارالىق اقپارات قۇرالدارىندا جاريالانعان تاقىرىپتار بويىنشا ەسسە جازادى. تاريxي ەپوستاردى جاتتاۋ، تۋىندىنى تولىق جاتقا ايتۋ، مانەرلەپ وقۋ، ەپوستاعى ءار ءسوزدىڭ ماعىناسى مەن مازمۇنىن ءتۇسىنۋ - باستى تالاپتاردىڭ ءبىرى. پوەتيكالىق ءماتىندى مەڭگەرۋ ارقىلى تاريxتى دا تەرەڭ تۇسىنە باستايدى. سونداي-اق، ەستە قالاتىن پوەتيكالىق ءماتىن وقۋشىنىڭ سويلەۋ مادەنيەتىن، ساۋاتتى جازۋىن قالىپتاستىرادى. "بولاشاققا باعدار: رۋxاني جاڭعىرۋ" باعدارلاماسىندا ايتىلعان ۇلتتىق كودتى قالىپتاستارۋ ءۇشىن دە بۇل جوبانىڭ ىقپالى زور بولماق"، - دەدى د.ابايەۆ استانادا وتكەن باسپا ءسوز ءماسليxاتىندا.
ۇيىمداستىرۋشىلاردىڭ سوزىنە قاراعاندا، اۋداندىق ىرىكتەۋلەر ءساۋىر ايىندا باستالادى. وعان دەيىن مەكتەپ وقۋشىلارى ەپوستى جاتتاپ، دايىندالا الادى. ال مامىردا وبلىستىق كەزەڭ باستالادى.
ايتا كەتەيىك، جوبا ق ر اقپارات جانە كوممۋنيكاسيالار مينيسترلىگى مەن «Qazaq Epos» قوعامدىق قورىنىڭ باستاماسىمەن ۇيىمداستارىلىپ وتىر.
You Might Also Like
-
ادامنىڭ جالعان سويلەپ تۇرعانىن كوپتەگەن فاكتورلار (ميميكا، ىم، دەنە تۇرىسى، كەلبەتى جانە ت.ب.) ءبىلدىرىپ قويادى. ال ەڭ ماڭىزدىسى — داۋىس پەن سويلەۋ ەرەكشەلىكتەرى. اقپاراتتىڭ بەلگىلى ءبىر فراگمەن...
-
...ۇشى-قيىرسىز سارى دالا. سارى دالانىڭ ءبىر ۇشىندا — سارى بەل. سارى بەلدىڭ باۋىرى — ساعىم با، الدە شالقار كول. شارتاباق كۇن توبەدە. شالقىعان ىستىق جەر-كوكتە. تابانىن تاسقا ءتىلدىرىپ، جانا...
