قوجانىڭ بالاسى ناعىز اكەسىنە تارتقانىن تانىتادى
ءبىر كۇنى قوجا مەشىتتىڭ مىنبەرىنە كوتەرىلىپ، جۇرت الدىندا عيبادات سويلەمەك بولادى. جۇرت ءيىن تىرەسىپ قوجا نە دەر ەكەن دەپ كۇتىپ وتىرادى. قوجا مىنبەردە مەلشيىپ تۇرا بەرەدى. باسىنا ەشقانداي وي كەلە قويمايدى. جۇرتتىڭ انتالاپ تۇرعانىن كورگەن سايىن قوجا قىسىلىپ، بۋلىعا باستايدى. اقىرى ەش نارسە ايتا المايتىندىعىن سەزگەن سوڭ، كوپكە قاراپ:
— حالايىق، مەنىڭ سوزگە قاراجاياۋ ەمەس ەكەنىمدى وزدەرىڭ جاقسى بىلەسىڭدەر، ءبىراق بۇگىن باسىما ەشقانداي وي كەلمەي تۇر، — دەيدى.
سول كەزدە مىنبەردىڭ ارت جاعىندا قوجانىڭ بالاسى تۇرسا كەرەك. اكەسىنىڭ الگى ءسوزىن ەستىگەن سوڭ، موينىن سوزىپ:
— اكە، ايتار ءسوزىڭ جوق بولسا، مىنبەردەن ءتۇسىپ كەتۋدى بىلمەي تۇرمىسىڭ؟ — دەيدى.
ءسويتىپ، قوجانىڭ بالاسى ءوزىنىڭ اكەسىنە ناعىز تارتقان بالا ەكەنىن تانىتىپ، اكەنىن قىسىلشاڭ قيىن جاعدايدان قۇتقارىپ الىپتى.
You Might Also Like
-
ءارقاشان دا پاراساتتى، ءبىلىمدى ادامداردىڭ بالالارعا ءۇيىر كەلەتىن ادەتى عوي، سونداي-اق قوجا دا كىشكەنتاي بالالارمەن ويناۋعا اۋەس بولعان. ءاقشاھار بالالارى ءارقاشان قوجانى قورشاپ الىپ، ويناپ، كۇلىپ، اڭگ...
-
ءبىر كۇنى قوجا زيراتتىڭ اۋلاسىندا كەلە جاتقاندا، بايقاۋسىزدا اياعى تايىپ كەتىپ، ءبىر كوردىڭ ىشىنە قۇلاپ تۇسەدى. شاڭ-توپىراق بولعان كيىمىن شەشىپ، قاعىپ-سىلكىپ تازالاي باستايدى. ءسۇيتىپ تۇرىپ ول: «...
