InfoHub Logo

تاقىرىبى: قوش بول، باستاۋىش مەكتەپ!
ماقساتى: وقۋشىلاردىڭ ءتورت جىلدا قانداي جەتىستىكتەرگە جەتكەنىن كورسەتىپ ونەر - بىلىمدەرىن باعالاۋ.
كورنەكىلىكتەر: «قوش بول، باستاۋىش مەكتەپ» دەگەن جازۋى بار پەردە، شارلار، كۇنباعىس.
بارىسى:
اۋەن وينالىپ تۇرادى. داۋىس: دۇنيەدە تاڭعاجايىپ كەرەمەتتەر جوق دەلىنەدى، شىڭدىعىن ايتا كەلە، وندايلار بارشىلىق، ءتىپتى ولار ءبىزدىڭ ومىرىمىزدە كۇندەلىكتى كەزدەسەدى. تاڭعاجايىپ كەرەمەت – بۇل ءبىزدىڭ بالالارىمىز. ولار گۇلدەر سياقتى، ءار جەردە بولا بەرەدى. سونىمەن قاتار ءومىرىمىزدىڭ ءسانىن مەن ءمانىن كەلتىرىپ تۇرادى. ءيا، بۇعان كىم كەلىسپەيدى؟
جۇرگىزۋشى:
قۇرمەتتى ۇستازدار، اتا - انالار! بۇگىن مىنە، وسىدان 4 جىل بۇرىن كىشكەنتاي بولىپ مەكتەپ تابالدىرىعىن اتتاعان بۇلدىرشىندەرىمىز، 4 جىلدىق ءبىلىمدى يگەرىپ، باستاۋىش مەكتەپپەن قوشتاسقالى وتىر. بۇل دا ءبىر مەرەكە، قۋانىش. بۇگىنگى ءبىزدىڭ مەرەكەلىك جيىنىمىز ەرەكشە بولماق. ويتكەنى 4 سىنىپتىڭ مۇعالىمدەرى كەرەمەت ءبىر گۇل ءوسىرىپتى. ۇستازداردىڭ قامقورقىلىعىمەن، جىلۋلىعىمەن وسكەن بۇل گۇل بۇگىن العاشقى ءدانىن بەرىپ تۇر. (ۇلكەن كۇنباعىس)
ال ەندى باستاۋىش سىنىپ بىتىرۋشىلەرىمىزدى ورتاعا شاقىرايىق. باقتىڭ ءدال ورتاسىنداعى وسى كۇنباعىس 4 سىنىپ دەپ اتالادى. ال ونىڭ داندەرى بالالار سەندەرسىڭدەر. بۇگىن سەندەر مەكتەپتىن باستاۋىش ساتىسىن اياقتاعالى وتىرسىڭدار، ياعني 5 سىنىپقا كوشۋگە دايىنسىڭدار دەگەنى.
ادىلەت: مەكتەبىڭ مىناۋ كلاسىڭ
وسىندا ون جىل تۇراسىڭ،
ەرسانا: توقتا، ءقازىر بۇل ولەڭ وزگەرگەن. ونى بىلاي ايتۋ كەرەك.
مەكتەبىڭ مىناۋ كلاسىڭ،
وسىڭدا توعىز جىل تۇراسىڭ:
ءتورت جىل بەرگى كابينەتتە،
بەس جىل ارعى كابينەتتە
ءبىلىم الىپ شىعاسىڭ.
ەراسىل: دۇرىس ايتاسىڭ، مىنە بۇگىن ءبىز 4 جىل وقىپ باستاۋىشتى بىتىرسەك، اعالارىمىز 9 وقىپ مەكتەپ ءبىتىرىپ جاتىر.
كاميلا: ۇلدار، وسى سەندەردىڭ 1 - ءشى سىنىپقا كەلگەندەرىڭ ەستەرىڭدە مە؟
حورمەن: ءيا، ەستەرىمىزدە.
ەراسىل: مەنى اجەم قولىمنان جەتەكتەپ سىنىپقا كىرگەندە الدىمنان نۇرعايىن ءمۇعالىم كۇلىمدەپ « و، مەنىڭ وقۋشىم كەلدى عوي!» دەپ قارسى العان.
ادىلەت: ءبىز قولىيىزعا قالام ۇستاي الماي، ءارىپ تانىماي كەلىپ ەدىك. ءمۇعالىم بىزگە ءبارىن ۇيرەتتى.
نازيرا: بالالار، ءبىز بۇگىن باستاۋىشپەن قوشتاسۋ مەرەكەسىنە كەلدىك ەمەس پە؟
حورمەن: ءيا، سولاي.
كاميلا: ولاي بولسا باستايىق.
حورمەن: ارمىسىزدار ۇستازدار، قايىرلى كۇن قوناقتار، اتا - انالار، وقۋشىلار. بۇگىنگى مەرەكە قۇتتى بولسىن! ءان - بيمەن باستاۋ.
ادىلەت: توگىلىپ شۋاق نۇرىن ساۋلە شاشقان،
عالامات بولاشاققا قۇشقان اشقان.
ءبىلىمنىڭ تاۋسىلمايتىن بۇلاق كوزى
قىزىقتى، شەجىرەلى نۇرلى داستان.
ەراسىل: سارقىلماس شاكىرتتەرگە ءبىلىم قۇيگان،
سالت - ءداستۇر بويىمىزعا قۋات جيعان
سۇيىكتى اسىل مەكتەپ - ءبىلىم وردام،
ءان بولىپ كوڭىلدەرگە شارىقتاعان.
نازيرا: كەشە عانا كەلىپ ەدىك ساياڭا،
قارسى الدى مەكتەبىم ايالاي
باستاۋىشپەن قوشتاساتىن كۇن كەلدى
اق وردامىز كۇندەي انا، اي انا.
كاميلا: ساياڭدا ءبىلمنىڭ تاڭى اتقان،
تالاپتان دەپ ەدىڭ قاناتتان.
مەكتەبىم، تولقىعان داريام
دالاما مىڭ بۇلاق تاراتقان.
ەرسانا: قارىزدار عوي، ساعان اركىم
سەن ءومىردىڭ كوكتەمى
ابزال جاندى ادامداردىڭ
ارداق تۇتقان مەكتەبى.
ءان ورىندالادى. كاميلا.
ەرسانا: ءبىلىمنىڭ نارىمەن سۋسىنداتقان
ۇستازىم ۇلى تۇلعا دارا تۇنعان.
ا ارپىنەن باستاتىپ الىپپەنى
ءومىردى باستاپ بەردىڭ ءوز قاناتىڭنان.
كاميلا: ۇستازىم، العاشقى ۇستازىم،
جاقىنسىن، اناسىڭ، داناسىڭ
وقۋشىڭ بيىكتەڭ كورىنسە،
مارقايىپ ءوسىپ قالاسىڭ.

قاراعاندى وبلىسى، اقتوعاي اۋدانى، قارا سۋ اۋىلى
س. سەيفۋللين اتىنداعى جالپى نەگىزگى ءبىلىم بەرەتىن مەكتەپ
مينۋاروۆا ايدانا – باستاۋىش سىنىپ ءمۇعالىمى