InfoHub Logo

بارلىق مەكتەپتەر وقۋلىقتارمەن 25 تامىزعا دەيىن قامتاماسىز ەتىلەدى، دەپ حابارلايدى ق ر ءبىلىم جانە عىلىم مينيسترلىگىنىڭ باسپا ءسوز قىزمەتى حابارلادى.

مينيسترلىكتىڭ حابارلاۋىنشا، بيىل ءبىرىنشى سىنىپتىڭ بارلىق وقۋشىلارى 5 كۇندىك وقىتۋ جۇيەسىنە كوشىرىلىپ، جاڭا باعدارلامانىڭ نەگىزىندە ءبىلىم الا باستايدى. قالعان سىنىپتار بەس كۇندىك وقۋ باعدارلاماسىنا 2019 جىلعا دەيىن كەزەڭ-كەزەڭىمەن كوشىرىلەدى.

ەلدەگى مەكتەپتەردە ءبىلىم بەرۋدىڭ جاڭارتىلعان باعدارلاماسىنا كەزەڭ-كەزەڭمەن كوشۋ پروسەسى اياسىندا 1-سىنىپ ءۇشىن جاڭا وقۋلىقتار جاسالدى. وقۋلىقتار بەس باسپادا شىعارىلدى:

«الماتى كىتاپ باسپاسى» ج ش س - «وبۋچەنيە گراموتە»، «قازاق ءتىلى» (ورىس ءتىلدى مەكتەپتەر ءۇشىن)، «رۋسسكيي يازىك» (قازاق ءتىلدى مەكتەپتەر ءۇشىن)، «مۋزىكا»؛

«اتامۇرا» كورپوراسياسى» ج ش س - «ساۋات اشۋ»، «كوركەم ەڭبەك»/«حۋدوجەستۆەننىي ترۋد»؛

«مەكتەپ» باسپاسى -  «ماتەماتيكا»، «جاراتىلىستانۋ»/«ەستەستۆوزنانيە»، «دۇنيەتانۋ»/»پوزنانيە ميرا»؛

«بوبەك» ورتالىعى - «ءوزىن ءوزى تانۋ»/«ساموپوزنانيە»؛

«Express Publishing» ج ش س - «انگلييسكيي يازىك».

جالپى، بيىل قىركۇيەكتە مەكتەپكە 380 265 بالا ءبىرىنشى سىنىپقا بارادى.

وقۋ جىلىنىڭ ۇزاقتىعى مەكتەپالدى سىنىپتاردا 32 اپتاعا، 1-سىنىپتاردا - 33 اپتاعا، 2-11 سىنىپتارعا - 34 اپتاعا سوزىلادى.

سونىمەن قاتار مەكتەپتەگى دەمالىس مەرزىمدەرى دە بەكىتىلدى. كۇزى دەمالىس 7 كۇنگە (31 قازان مەن 6 قاراشا ارالىعىندا)، قىسقى 10 كۇنگە (30 جەلتوقساننان 8 قاڭتارعا دەيىن)، كوكتەمگى دەمالىس 13 كۇنگە (21 ناۋرىزدان 2 ساۋىرگە دەيىن) سوزىلادى.

سونىمەن قاتار مەكتەپالدى سىنىپتىڭ جانە 1-سىنىپ وقۋشىلارى 2017 جىلدىڭ 1 مەن 7 اقپان ارالىعىندا 7 كۇن دەمالادى.

جازعى دەمالىستىڭ مەرزىمى مەن ونىڭ ۇزاقتىعى ق ر ءبعم-نىڭ 2016/2017 وقۋ جىلىنىڭ اياقتالۋى تۋرالى بۇيرىعىندا كورسەتىلەتىن بولادى.

---