InfoHub Logo

ق ر ءبىلىم جانە عىلىم مينيسترلىگى 2016 جىلدىڭ 1 قىركۇيەگىندە ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ، ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ، پاۆلودار جانە قوستاناي مەملەكەتتىك پەداگوگيكالىق ينستيتۋتتارىنىڭ رەكتورلارى لاۋازىمدارىنا كونكۋرس جاريالادى، دەپ حابارلادى www.24.kz.

جوو-لاردا كورپوراتيۆتىك باسقارۋدىڭ تولىققاندى قاعيداتتارىن ەندىرۋ جانە بۇل ماسەلەنى تالقىلاۋعا جۇرتشىلىقتى كەڭىنەن تارتۋ جۇمىسى اياسىندا ءبىلىم وردالارىنىڭ رەكتورلارىن سايلاۋ جونىندەگى اشىق كونكۋرس العاشقى رەت وتكىزىلمەك.

جوو رەكتورلىعىنا ۇمىتكەرلەردى ىرىكتەۋ جانە تاعايىنداۋ ءتارتىبى «مەملەكەتتىك كاسىپورىننىڭ باسشىسىن تاعايىنداۋ جانە اتتەستاتتاۋ، سونداي-اق ونىڭ كانديداتۋراسىن كەلىسۋ قاعيدالارىن بەكىتۋ تۋرالى» ەرەجەلەردىڭ 4-1 تاراۋىنا سايكەس جۇرگىزىلەدى.

كونكۋرسقا قاتىسۋ ءۇشىن قاجەتتى قۇجاتتار «ەگەمەن قازاقستان» جانە «كازاحستانسكايا پراۆدا» گازەتتەرىندە، سونداي-اق www.edu.gov.kz ق ر بعم سايتىندا ءاربىر جوو بويىنشا بولەك-بولەك جاريالانعان كۇننەن باستاپ 21 (جيىرما ءبىر) كۇنتىزبەلىك كۇن بويى قابىلدانادى.

كونكۋرسقا قاتىسۋشى ۇمىتكەرلەرگە قويىلاتىن تالاپتار: جوعارى ءبىلىم، باسقارۋ لاۋازىمدارىنداعى ەڭبەك ءوتىلى 5 جىلدان كەم بولماۋى ءتيىس.

كونكۋرسقا قاتىسۋشى ءتيىستى قۇجاتتارمەن بىرگە ونىڭ ءبىلىمى، ەڭبەك ءوتىلى، كاسىبي بىلىكتىلىگىنىڭ دەڭگەيىن راستايتىن قۇجاتتار (بىلىكتىلىگىن ارتتىرۋدان وتكەندىگى، عىلىمي دارەجە مەن اتاق الۋ جونىندەگى قۇجاتتاردىڭ كوشىرمەلەرى،  سونداي-اق الدىڭعى جۇمىس ورنىنان مىنەزدەمە حات ج.س.س.) ۇسىنۋى ءتيىس.

ۇمىتكەرلەر بەلگىلەنگەن قۇجاتتاردان بولەك جوو-نىڭ دامىتۋ باعدارلاماسىن ۇسىنۋلارى شارت. ولاردى جوو-نىڭ باقىلاۋ كەڭەسى 25 كۇنگە دەيىنگى مەرزىم ىشىندە قاراستىرادى. وسى ۋاقىتتا جۇرتشىلىقپەن تالقىلاۋ ماقساتىندا جوو-نىڭ دامىتۋ باعدارلامالارى جەرگىلىكتى ايماقتىق باق-دا جانە ءبىلىم وردالارىنىڭ اقپاراتتىق ستەندتەرىندە جاريالانادى.

---