ق ر بعم مۇعالىمدەر جالاقىسىن ارتتىرۋ باعىتىنداعى جۇمىستاردى جالعاستىرادى
قازاقپارات - ق ر ءبىلىم جانە عىلىم مينيسترلىگى مۇعالىمدەر ەڭبەگىن تولەۋ جۇيەسىن وزگەرتۋدى جالعاستىرادى. بۇل تۋرالى بۇگىن استانادا قازاقستان ءبىلىم سالاسى قىزمەتكەرلەرىنىڭ رەسپۋبليكالىق تامىز كەڭەسىندە ق ر ءبىلىم جانە عىلىم ءمينيسترى ەرلان ساعادييەۆ ءمالىم ەتتى.
«ورتا ءبىلىم سالاسىندا ءبىزدىڭ ەڭ باستى جەتىستىكتەرىمىزدىڭ ءبىرى - ول 2016 جىلدان مۇعالىمدەر جالاقىسىن ارتتىرۋعا قاتىستى. بۇل ەڭ ماڭىزدى ماسەلە. بۇدان ءارى قاراي دا ۇستازدار ءۇشىن ەڭبەكتى تولەۋ جۇيەسىن وزگەرتۋ ماسەلەسى بويىنشا جۇمىستاردى جالعاستىرامىز. ءبىز پەداگوگتىڭ جۇمىسى وڭاي ەمەس ەكەنىن تۇسىنەمىز، الايدا ءمۇعالىمنىڭ ساباق بەرۋ ساپاسى دا سايكەسىنشە ءوسۋى كەرەك. وسى باعىتتا جۇمىس ىستەيتىن بولامىز»، - دەدى ۆەدومستۆو باسشىسى.
وسى رەتتە ول كادرلاردى قايتا دايارلاۋ باعدارلاماسى كەڭەيتىلگەنىن ايتا كەلە، بيىل جازدا باستاۋىش مەكتەپتىڭ 73 مىڭ ءمۇعالىمى وقۋ باعدارلاماسىنىڭ جاڭارتىلعان مازمۇنى بويىنشا بىلىكتىلىكتى ارتتىرۋ كۋرستارىنان وتكەنىن جەتكىزدى.
«ولار بۇل مازمۇندى لايىقتى دەڭگەيدە باعالاپ، ونىڭ جۇمىستا قولايلى ەكەنىن ايتتى. سونىمەن قاتار بيىل بارشا دەڭگەيلەر ءۇشىن ازىرلەنگەن جاڭا مەملەكەتتىك ستاندارتتار بەكىتىلدى. وسى باعىتتا اۋقىمدى جۇمىستار اتقارىلدى جانە ولار ۇزدىك الەمدىك ستاندارتتارعا ساي كەلىپ وتىر»، - دەدى ول.
You Might Also Like
-
ارتەريالىك گيپەرتەنزيا (اگ) - ارتەريالىق قان قىسىمىنىڭ مەرزىمدىك نەمەسە تۇراكتى جوعارىلاۋى. گيپەرتونيالىق اۋرۋ - الەمدەگى ەڭ كەڭ تارالعان اۋرۋلاردىڭ ءبىرى. ارتەريالىق قىسىمنىڭ جوعارىلاۋ سەبەبى...
-
قازاقستاندا مەكتەپ ۇستازدارى قاعازباستىلىقتان ارىلادى. بۇل تۋرالى بۇگىن قازاقستان ءبىلىم سالاسى قىزمەتكەرلەرىنىڭ رەسپۋبليكالىق تامىز كەڭەسىندە ق ر پرەمەر-مينيسترىنىڭ ورىنباسارى داريعا نازاربايەۆا ءمال...
