2017 جىلدان ورىس تىلىندە وقىتاتىن مەكتەپتەردە قازاق ءتىلىن مەڭگەرۋ كەمشىلىكتەرى جويىلادى
الداعى جىلدان باستاپ ورىس تىلىندە وقىتاتىن مەكتەپتەردە قازاق ءتىلىن مەڭگەرۋدىڭ جاڭا ادىستەمەسى ەنگىزىلەدى. بۇل تۋرالى بۇگىن استانادا قازاقستان ءبىلىم سالاسى قىزمەتكەرلەرىنىڭ رەسپۋبليكالىق تامىز كەڭەسىندە ق ر ءبىلىم جانە عىلىم ءمينيسترى ەرلان ساعادييەۆ ءمالىم ەتتى.
«مەملەكەتتىك ءتىلدى ودان ءارى قاراي دامىتۋ جانە جاڭا ادىستەمەنى ەنگىزۋگە توقتالاتىن بولساق، بىزدە جىل سايىن قازاق تىلىندە وقيتىن وقۋشىلار سانى وسۋدە. بۇگىندە جەتپىس پايىز مەكتەپ وقۋشىلارى قازاقشا ءبىلىم الۋدا. بيىل بالالاردىڭ 72 پايىزى قازاق تىلىندە ۇبت تاپسىردى. 2016 جىلى جوعارى وقۋ ورىندارىنا بولىنگەن گرانتتاردىڭ 80 پايىزى مەملەكەتتىك تىلدەگى ماماندىقتار. ءبىراق، ءالى دە شەشىلمەگەن ماڭىزدى ماسەلەنى ايتاتىن بولساق، ورىس مەكتەپتەرىندە قازاق ءتىلى وقىتىلسا دا، ولار مەملەكەتتىك ءتىلدى كۇندەلىكتى ومىردە قولدانبايدى. سول مەكتەپتەردە جاڭا ادىستەمە كەرەك بولىپ تۇر جانە ونى بارلىعىمىز تۇسىنەمىز»، - دەدى مينيستر.
وسى رەتتە ە. ساعادييەۆ جاڭا ادىستەمەنى بىرلەسىپ دايىنداۋعا وتاندىق عالىمدار مەن ادىسكەرلەر جۇمىلدىرىلعانىن ايتا كەلە: «ادىستەمەنىڭ نەگىزگى جوباسى دايىن جانە ول كەشەگى سەسسيادا تانىستىرىلىپ، تالقىلاندى. 2017 جىلعى وقۋ جىلىنان باستاپ ورىس تىلىندە وقيتىن بالالارعا قازاق ءتىلىن ۇيرەتەتىن سول جاڭا كوممۋنيكاتيۆتىك تەحنولوگيالاردى ەنگىزە باستايمىز. داريعا نۇرسۇلتان قىزى (پرەمەر-مينيستردىڭ ورىنباسارى)، ءسىزدىڭ بەرگەن تاپسىرماڭىزعا سايكەس، ادىستەمە ءارى قاراي وقۋشىلارمەن بىرگە ەرەسەك ادامدارعا دا ۇسىنىلادى»، - دەدى.
You Might Also Like
-
ق ر ءبىلىم جانە عىلىم مينيسترلىگى جوعارى وقۋ ورىندارىندا مەملەكەتتىك ءبىلىم گرانتتارىن الا الماي قالعان 45 «التىن بەلگى» يەگەرىن تەگىن وقىتۋ مۇمكىندىكتەرىن تالقىلادى.
-
2017 جىلى ۇلتتىق ءبىرىڭعاي تەستىلەۋ وزگەرەدى. بۇل تۋرالى بۇگىن قازاقستان ءبىلىم سالاسى قىزمەتكەرلەرىنىڭ رەسپۋبليكالىق تامىز كەڭەسىندە ق ر پرەمەر-مينيسترىنىڭ ورىنباسارى داريعا نازاربايەۆا ءمالىم ەتتى.
