قۇدا-جەكجاتتارعا ارنالعان قۇتتىقتاۋلار مەن تىلەكتەر
سان جىلداردىڭ ءجۇزى بولسا دا بىر-بىرىڭىزگە دەگەن قۇرمەت ورتايماسىن. سىيلاستىقتارىڭىزدىڭ سىرى كەتپەسىن. ءارقاشان قۇدالىق جولدارىڭىزبەن سىي-قۇرمەتكە بولەنىپ جۇرە بەرىڭىزدەر.
*** *** *** ***
تىرلىكتىڭ كىم شەرتەدى بۇلا كۇيىن؟
ماڭگىگە باققا تۇنىپ تۇرار ءۇيىڭ.
ەلۋ جاس كەلىپ قالعان قۇتتى بولسىن،
قۇرمەتتى قۇدام مەنەن قۇداعيىم.
مۇسىلمان بوپ ......... سۇندەتتەلىپ،
وتەلىپ جاتىر ەكەن مىندەت بەرىك.
ءجۇز جاسقا كۇلىپ-ويناپ جەتىڭىزدەر،
بالادان، تۋىستان دا قۇرمەت كورىپ.
*** *** *** ***
سىيلاسىپ، ءسىز-بىز دەسىپ، سىر الىسار،
باقىت قوي قۇداڭ بولسا قۇراق ۇشار.
قۇيعىتىپ ەلۋ دەگەن ءبىر اق بوز ات،
استىنان التى قىردىڭ قىلاڭىتار.
ءومىردىڭ باستايتۇعىن كوشىن كەرۋەن،
كوزىڭنەن ىزگىلىكتىڭ وتىن كورەم.
ءبىر سەنىڭ شاڭىڭا دا ىلەسە الماس،
تالايلار مەنمەنسىگەن ءتوسىن كورگەن.
سۇرىنبەي كەلە جاتسىڭ تالاي سىننان،
جارقىلداپ، اجارىڭا اراي تۇنعان.
قۇدانىڭ سىيلاستىعى مىڭ جىلدىق دەپ،
دانا ءسوز قالاي عانا ءدال ايتىلعان.
ارماندار جەتەلەيدى تىم الىسقا،
جۇرە بەر ەل-جۇرتىڭا قۇراق ۇش تا.
شاڭىراققا شالقىعان شاتتىق كەلىپ،
باسىمىز قوسىلسىن تەك قۋانىشقا.
قۇداجان،
ازاماتتىڭ تارلانى ەدىڭ،
اقماڭداي ارۋلاردىڭ ارمانى ەدىڭ.
و، قۇدا، تۋعان كۇنىڭ قۇتتى بولسىن،
تويلايىق قۇشاعىندا تۋعان ەلدىڭ.
*** *** *** ***
You Might Also Like
-
ءيانۆاردىڭ 29-ى. كۇن اشىق. ەكى-ۇش گرادۋس جىلىلىق. قار ازداپ ەرىپ، ۇيلەر شاتىرلارىنان تامشىلار سورعالاپ اعىپ، بۇرىش مۇرجالارىنىڭ تۇبىندەگى مۇز توبەشەلەرىن جۋىپ، شايقاپ جاتىر.
-
استانانىڭ ەسىلى سارقىرايدى، مىڭ ءبىر شىراق تۇنىمەن جارقىرايدى. كوك اسپانمەن تالاسقان «بايتەرەگىم»، استانامنىڭ سۇلۋلىعىن ايقىندايدى. ساۋلەتى دە استانانىڭ سونداي كوركەم، ساعىن...
