InfoHub Logo

تاقىرىبى: «تاۋەلسىزدىكتىڭ ارايلى تاڭى»
ماقساتى: تاۋەلسىزدىك تۋرالى تەرەڭ ماعلۇمات بەرۋ. اتا - بابامىزدىڭ تاۋەلسىزدىك جولىنداعى ەرلىگىن ۇلگى ەتىپ، ءوز وتانىن سۇيۋگە، ەلىنە، حالقىنا قىزمەت ەتۋگە تاربيەلەۋ. ەلىمىزدىڭ تاۋەلسىزدىگىن اتاپ ءوتۋ قارساڭىندا ەل تاريحىنا شولۋ جاساۋ. تاۋەلسىز ەلىمىزدىڭ جەتىستىكتەرىمەن تانىستىرىپ، بىلگەندەرىن تەرەڭدەتۋ.
كورنەكىلىگى: شارلار، ناقىل سوزدەر. بارىسى:
1 - جۇرگىزۋشى: قۇرمەتتى قوناقتار، ۇلاعاتتى ۇستازدار مەن شاكىرتتەر!
وزىڭدىكى ەلىڭ دە،
وزىڭدىكى جەرىڭ دە،
جاسا قازاقستانىم،
تاۋەلسىزدىك تورىندە! – دەي كەلە، قازاقستان رەسپۋبليكاسىنىڭ تاۋەلسىزدىگىنىڭ 24 جىلدىعىنا ارنالعان «تاۋەلسىزدىكتىڭ ارايلى تاڭى» اتتى مەرەكەلىك كەشىمىزگە قوش كەلدىڭىزدەر.
گيمن ورىندالادى.
2 - جۇرگىزۋشى: ءسوز كەزەگى مەكتەپ ديرەكتورى جايلىباي ماقسات رامازانۇلىنا بەرىلەدى.
1 - جۇرگىزۋشى: ەلىمىزدىڭ تاۋەلسىزدىك كۇنى بارشاڭىزعا قۇتتى بولسىن! بابالاردىڭ ارمانى، انالاردىڭ تىلەگى بولعان باقىت - تاۋەلسىزدىك جيىرماسىنشى عاسىردىڭ اياقتالار تۇسىندا ءبىزدىڭ ماڭدايىمىزعا دارىپ، الاقانىمىزعا قوندى. ازاتتىق دەگەن وسىناۋ قاسيەتتى ۇعىمدى جاقىنداتۋ ءۇشىن تالاي ەرلەردىڭ جانى قيىلدى! مەملەكەتتىك تاۋەلسىزدىك – ۇلتتىق قاۋىپسىزدىكتىڭ جانە قازاقستاندىقتاردىڭ رۋحاني ءال - اۋقاتىنىڭ، ءوز كۇشىنە، ەركىنە، قۋاتىنا سەنىپ، بار ماقساتتارىن جۇزەگە اسىرۋىنىڭ، قازاقستانداعى ۇلتتىق كەلىسىم مەن تىنىشتىقتىڭ كەپىلى.
2 - جۇرگىزۋشى: وسى كەزەڭدە ەلىمىزدى دۇنيە ديدارىنداعى ەڭ مىقتى مەملەكەتتەر تانيتىنداي، سىيلايتىنداي دەڭگەيگە جەتكىزگەن تۇڭعىش پرەزيدەنتىمىز نۇرسۇلتان ءابىش ۇلى نازاربايەۆتاي، كورەگەن ساياساتكەردىڭ ەرەن ەڭبەگىن ءدال بۇگىن جانە ءارقاشان ايتىپ وتەمىز.
1 - جۇرگىزۋشى:
و، كەڭ دالا!
ەن قىزىققا باتقانىڭ
شالقىپ تولقىپ، باقىتتى بوپ جاتقانىڭ.
حالقىمىزدىڭ قۋانىشىن مولايتقان
ەگەمەندىك سەنىڭ الىپ جاتقانىڭ.- دەمەكشى ورتاعا «الاتاۋ» انىمەن 5 سىنىپ وقۋشىلارى توقتاسىن انەليا مەن ابۋتاليپوۆا ەلدانانى شاقىرامىز.
2 - جۇرگىزۋشى:
قازاق دەيتىن مەنىڭ ءبىر ەلىم،
جاتىر الىپ جارتى دۇنيە الەمىن.
بۇل دالانى انام جاسپەن سۋارعان،
بۇل دالاعا جىلاپ كەلىپ قۋانعان، - دەپ قاسىم امانجولوۆ اعامىز جىرلاعانداي، كەڭ بايتاق جەرىمىزدە قازاق حالقىنىڭ باسىنان نە وتپەدى دەسەڭىزشى. تالاي قيىندىقتى باستان كەشىرسە دە، ەشقاشان مويىماي، كۇرەسە ءبىلدى. ازاتتىق تاڭى تۋاتىنىنا كامىل سەنىپ، ۇمىتتەرىن ۇزبەدى.
1 - جۇرگىزۋشى:
اعالاردىڭ الىپ بەرگەن بيىگىن
ابىرويمەن اسقاق ۇستان جاستارىڭ.
قازاقستان دەگەن الىپ مەملەكەت
قارىشتاپ تەك العا قادام باسقانىڭ.
اتاعىڭا عاشىق بولسىن جەر جاھان،
ازات ەلىم، اشىق بولسىن اسپانىڭ! دەي كەلە ورتاعا مەكتەپالدى دايارلىق توبىن «قارا جورعا» بيىمەن ورتاعا شاقىرامىز.
2 - جۇرگىزۋشى:
بارلىق ۇلتتىڭ باسىن قوستى بۇل دوستىق
ۇلى دوستىق
نۇرلى دوستىق
كۇن دوستىق
دوستىق دەگەن قاسيەتتى ۇرانعا
كەڭ دالانىڭ جۇرەگى دە ءۇن قوستى
ءبيشى قىزدار بيىمەن دە ءۇن قوستى – دەپ، ورتاعا 8 سىنىپ وقۋشىلارىن «دومبىرا» بيىمەن ورتاعا شاقىرامىز.
1 - جۇرگىزۋشى:
مەن قازاقپىن مىڭ ءولىپ، مىڭ تىرىلگەن،
جورگەگىمدە تانىستىم مۇڭ تىلىممەن.
جىلاعاندا جۇرەگىم كۇن تۇتىلىپ،
قۋانعاندا كۇلكىممەن كۇن تۇرىلگەن.
2 - جۇرگىزۋشى:
مەن قازاقپىن، بيىكپىن، بايتاق ەلمىن،
قايتا تۋدىم، ومىرگە قايتا كەلدىم.
مەن مىڭدا ءبىر ءتىرىلدىم، ماڭگى ولمەسكە،
ايتا بەرگىم كەلەدى، ايتا بەرگىم.
تاۋەلسىزدىك كۇنىنە ارنالعان مەرەكەلىك ولەڭ شۋماقتاردى قابىل الىڭىزدار. ورتادا باستاۋىش سىنىپ وقۋشىلارى. ادەبي مونتاج.
1 - جۇرگىزۋشى: سول كۇندەر عوي جۇرەكتىڭ اڭساعانى،
سوعان شولدەپ، شولىركەپ تامسانادى،
وكىنىش پە، بىلمەيمىن قۋانىش پا
ءوز - وزىنەن جۇرەگىم ءان سالادى.
6 سىنىپ وقۋشىسى باقاتاي جانەلدىڭ ورىنداۋىندا «قازاق ەلى وسىنداي» ءانىن قابىل الىڭىزدار.
2 - جۇرگىزۋشى:
تاۋەلسىزدىك ماڭگىلىك ساقتالسىن،
الدىمىزدا بارلىق ءۇمىت اقتالسىن
تاتۋ – ءتاتتى بىرلىك بولىپ قاشاندا
بەيبىت ءومىر بار حالىقپەن جاقتالسىن.
1 - جۇرگىزۋشى:
كوك بايراعىم جەلبىرەسىن كوگىمدە،
ءانۇرانىم اۋەلەسىن ەلىمدە
ەلتاڭبامىز نىشانى بوپ ەلدىكتىڭ،
تۇرسا ارتىق نە ارمان بار ومىردە
ورتاعا 7 سىنىپ وقۋشىلارىن قازاقشا بيىمەن شاقىرامىز.
2 - جۇرگىزۋشى:
ءدۇر سىلكىندى جەلتوقساندا قوڭىر ايماق،
ويتپەسە ءتىلىم ءقايتىپ قانات جايماق؟
ۇران جازىپ، قىپ - قىزىل تۋ كوتەرىپ،
جاستار شىقتى الاڭعا «ەلىمايلاپ».
الاڭعا شىعىپ، ويىن ايتتى جاستارىم،
قيىندىق پەن قاتەرگە تىگىپ باستارىن.
سودان بارىپ، توڭى ەرىدى كەڭەستىڭ،
سودان كەيىن ەركىندىكتى باستادىم.
3 سىنىپ وقۋشىلارىن «ەلىم مەنىڭ» انىمەن ورتاعا شاقىرامىز.
1 - جۇرگىزۋشى:
دومبىرا تاستامايمىن، قايدا بارسام
جاراسپايمىن جانىما بايلانباسام.
سامالداي سىڭعىرلاتىپ كۇي شەرتكەندە،
ءسۇيسىنىپ ەستىگەندەر قايران قالسىن.
7 سىنىپ وقۋشىسى ايىمبەك دۋماندى ورتاعا شاقىرامىز - كۇي.
2 - جۇرگىزۋشى:
دوستىق بىزگە تىم ىستىق،
بىرلىك - بايلىق، ىرىس – قۇت،
جارقىراسىن كۇنىمىز،
جاسا، جاسا تىنىشتىق.
«اگۋگاي» بيىمەن ورتاعا 3 سىنىپ وقۋشىلارىن شاقىرامىز. قارسى الىڭىزدار.

1 - جۇرگىزۋشى:
اتىڭنان اينالايىن قازاق دەگەن،
قازاعىم قايسارلىعىڭ عاجاپ دەر ەم.
ساقتاسىن ساقتىعىڭدى ساعىڭ سىنباي،
كورسەڭدە كورەسىڭدى ازاپپەنەن.
ءبىر اتا، ءبىر انانىڭ تۇلەگىمىز
«بىرلىك» دەپ بىرگە سوقسىن جۇرەگىمىز.
ورتادا 9 سىنىپ وقۋشىلارى ۆالس
2 - جۇرگىزۋشى:
قارسى الىڭىزدار ورتادا 4 سىنىپ وقۋشىلارى
1 - جۇرگىزۋشى:
قازاقستان – تاۋەلسىزدىك بەسىگى
وتان دەگەن وت باسىنان باستالار،
وتباسىما وت سالماسىن باسقالار،
وتان دەگەن قاسيەتتى، كيەلى،
وتان دەسەم ويانادى اسقاق ار!
ورتاعا 9 سىنىپ وقۋشىسى وسان البينا جانە 8 سىنىپ وقۋشىسى توقتاسىن اينۇر «التىن بەسىك» ءانى
2 - جۇرگىزۋشى:
تاۋەلسىزدىك تۋىن تىگۋگە قانشالىقتى قاجىر قايرات كەرەك بولسا، ونى قۇلاتپاي ساقتاپ قالۋعا سونشالىقتى قاجىر - قايرات كەرەك دەپ بۇگىنگى مەرەكەلىك ءىس شارامىزدى اياقتايمىز.