InfoHub Logo

كازتالوۆ اۋدانى، جاناجول اۋىلى
مۋزىكا جەتەكشىسى كاپەزوۆا گۋلدانا نۋربولاتوۆنا

«قۇت بەرەكە مەيرامى، ناۋرىز جاساسىن!»

ماقساتى: ناۋرىز وتە كونەدەن كەلە جاتقان مەيرام. حالقىمىز اسا ۇلكەن دايىندىقپەن قارسى الاتىن ۇلىستىڭ ۇلى كۇنىنىڭ ەرەكشەلىگىن بالالارعا ايتىپ ءتۇسىندىرۋ. قازاقتىڭ سالت - ءداستۇرىن، ۇلتتىق دۇنيەتانىمىن، ۇلتتىق ويىنىن، ۇلتتىق كيىمىن ناسيحاتتاپ كورسەتۋ. بالالاردى اسىل قازىناسىن باعالاپ، ۇلتتىق سالت - داستۇرلەرىن ساقتاۋعا ۇيرەتۋ. سونداي - اق ۇلىستىڭ ۇلى كۇنىن زور ماقتانىشپەن تويلاۋ.
بالالار كوڭىلدى اۋەنمەن زالعا كىرىپ وتىرادى.
جۇرگىزۋشى: ناۋرىز مەيرام جۇرەكتەرگە نۇر سەپكەن،
ماڭدايىمنان ءسۇيىپ جاتىر گۇل كوكتەم.
جارىعىمەن، شۋاعىمەن كۇن - انا
الىپ كەلدىڭ جەر بەتىنە گۇل كوكتەم.
قۇرمەتتى اتا - انالار، قوناقتار سىزدەردى كەلىپ جەتكەن 22 ناۋرىز ۇلىستىڭ ۇلى كۇنىمەن قۇتتىقتايمىز. كوكتەم تويى سىزدەرگە جاقسىلىعىمەن شۋاعىن اكەلسىن. ۇلىس وڭ بولسىن، اق مول بولسىن! – دەي كەلە قۇتتىقتاۋ ءسوز كەزەگىن بوبەكجاي مەڭگەرۋشىسى باليا تەمىرحانقىزىنا بەرەمىز.

نازەركە: ناۋرىز تويى جۇرەكتەرگە نۇر سەپكەن،
ماڭدايىمنان ءسۇيىپ جاتىر نۇر كوكتەم،
قۇتتى بولسىن ۇلىس كۇنى جۇمىلدىرعان
بارىمىزدە ىنتىماق پەن بىرلىككە

گۇلناز: ناۋرىز كوكتەم تويىمىز،
وسەر ءبىزدىڭ بويىمىز.
كۇن ۇزارار جىلىنىپ
قوش كەلدىڭ بىزگە ناۋرىز.

جانەليا: وزگەرسە دە مىناۋ زامان قۇبىلىپ،
اتا سالتىن وسەيىك ءبىز ۇعىنىپ
قازاعىمنىڭ سالت - ءداستۇرىن بىلەيىك
قازاق بولۋ نەتكەن عاجاپ ۇلىلىق.

جۇرگىزۋشى: 22 ناۋرىز كۇن مەن ءتۇن تەڭەلەدى. جەر شۋاققا كەنەلەدى. بالالار ايتىڭدارشى، ناۋرىز مەيرامىندا كىم بىزدە ەل ارالاپ جۇرەدى.
بالالار: قىدىر اتا
جۇرگىزۋشى: قىدىر اتا نە اكەلەدى؟
بالالار: ب ا ق داۋلەت، بەرەكە، مەرەكە، مولشىلىق، باقىت، قۋانىش..................
جۇرگىزۋشى: دۇرىس ايتاسىڭدار. ەندەشە قىدىر اتانى قارسى الايىق.
اۋەنمەن قىدىر اتا كىرەدى.
قىدىر اتا: ارايى بار دالانىڭ،
ارمىسىڭ با جاڭا كۇن
سالەم حالقىم تىرەگىم
سەندەرمەن ءبىر جۇرەگىم
ورىندالدى ويلارىڭ
قۇتتى بولسىن تويلارىڭ!
جۇرگىزۋشى: قىدىر اتا قوش كەلدىڭىز، تورىمىزگە شىعىڭىز.
قىدىر اتا توردەگى داستارحانعا جايعاسادى.
جۇرگىزۋشى: كوكتەم كەلدى، بارلىعى جاسارادى،
كوكتەم تويىن جاتىر ەل جاساعالى.
كوكتەم كەلدى، جەر ءجۇزى قۇلپىرادى.
كۇلىمسىرەپ الىستان كۇن تۇرادى.
قوش كەلدىڭ، نۇر كوكتەمىم ارداقتى.
حالقىم ساعان بار ءۇمىتىن ارناپتى
جىلدا وسىلاي كەلە بەرسىن جاڭارتىپ،
گۇلگە بولەپ، نۇرعا بولەپ ايماقتى.
اۋەن وينالىپ كوكتەم گۇلدەرىمەن شىعادى.
كوكتەم: سالەم اتا - انالار،
اينالايىن بالالار.
مىنا اسەم زاماندا
شۋاق شاشىپ كەلدىم مەن
باقىت تىلەپ ادامعا.
قۋدىم جەردەن سۋىقتى،
قىردان سالقىن بۋ ىقتى،
قاردى ەرىتىپ جىلعاسى،
ناۋرىز كەلدى جىل باسى.
شۋاق توكتى جارىق كۇن،
مەيرامىندا حالىقتىڭ،
جەردەن بۇرشىك گۇل اتتى!
قۇرمەتتى بالالار مەن سىزدەرگە وزىممەن بىرگە كوكتكم گۇلدەرىن الىپ كەلدىم.
جۇرگىزۋشى: ارۋ كوكتەم قوش كەلدىڭىز. ەندەشە ءبىزدىڭ بوبەكتەرىمىزگە كوكتەم
گۇلدەرىڭىزبەن بي بيلەپ بەرۋىڭىزدى سۇرايمىز.
بي: «گۇلدەر»
جۇرگىزۋشى: قوش كەلدىڭ كوكتەم ەلىمىزگە، جەرىمىزگە، تورىمىزگە. سەنىمەن بىزگە ناۋرىز تويى دا كەلىپ جەتتى، اۋىلداردى ارالاپ كوكتەم شۋاعىن تاراتايىق، قىر دالانى گۇلگە تولتىرايىق.
ارۋ كوكتەم ءبىزدىڭ «دوستىق» اۋىلىنا قوش كەلدىڭىزدەر. بۇگىنگى ناۋرىز تويىمەن بىرگە اۋىلىمىزدا ۇلكەن توي «شىلدەحانا» تويى بولىپ جاتىر. قانە، بىرگە تاماشالايىق.
«دوستىق» اۋىلى «شىلدەحانا» ءراسىمىن كورسەتەدى.
ءان: «ناۋرىز - ءبىزدىڭ جاڭا جىل»
ويىن:

جۇرگىزۋشى: كوكتەمجان ءبىزدىڭ «بىرلىك» اۋىلىنا دا ات باسىن بۇرىڭىزدار، ءبىزدىڭ اۋىلدادا ۇلان اسىر توي بولىپ جاتىر. جۇماگەلدى اتامىزبەن گۇلبارشىن اجەمىزدىڭ نەمەرەسىن بەسىككە سالۋ تويىن تويلاپ جاتىر.
«بىرلىك» اۋىلى «بەسىككە سالۋ» ءراسىمىن كورسەتەدى.
بي: «قازاق» ءبيى
ءان: «ناۋرىز كەلدى»
ويىن:

جۇرگىزۋشى: كورىكتى كوكتەم ءبىزدىڭ وسى جاقىن ماڭدا «ىنتىماق» اۋىلى بار. بۇل
اۋىلدا جۇماگۇل اجەمىزدىڭ تۇساۋ كەسەر تويى بولىپ جاتىر. تويعا قوش كەلدىڭىز.
«ىنتىماق» اۋىلى «تۇساۋ كەسەر» ءراسىمىن كورسەتەدى.
ويىن:
جۇرگىزۋشى: ەكى ىشەكتىڭ ءبىرىن تارت تا،
ءبىرىن ءسال - ءپال كەم بۇرا.
ناعىز قازاق، قازاق ەمەس،
ناعىز قازاق دومبىرا – دەپ قادىر اقىن ايتقانداي، قازاقتى دومبىراسىز ەلەستەتۋگە بولمايدى. ەندەشە «ەرتەگى» ورتاڭعى توبىنىڭ «دومبىرا سازى» ءانىن تاماشالاڭىزدار.
ءان: «دومبىرا سازى»
جۇرگىزۋشى: «باتامەنەن ەل كوگەرەر،
جاڭبىرمەنەن جەر كوگەرەر» دەمەكشى قىدىر اتامىزدان ۇلىستىڭ ۇلى كۇنىنە جينالعان قوناقتارىمىزعا باتا سۇرايمىز.
قىدىر اتا: ارمىسىڭ جاماعات،
ۇلىس وڭ بولسىن،
اق مول بولسىن،
قايدا بارساڭ جول بولسىن
ۇلىس بەرەكە بەرسىن
بالە - جالا جەرگە ەنسىن
ۇلى حالقىم تەڭ بولسىن.
قايعى - ۋايىم جوق بولسىن
قۋانىشىڭ كوپ بولسىن!
ءاۋمين!!!
جۇرگىزۋشى: راحمەت قىدىر بابا ايتقانىڭىز كەلسىن.
كەل، ناۋرىزىم قۇلپىرتىپ ەلدى مىنا،
انالاردىڭ قونا عوي جاۋلىعىنا
ىرىس اكەل، قۇت اكەل، بايلىق اكەل،
تۇعىر بولعان الەمنىڭ ساۋلىعىنا.
قۇرمەتتى اتا - انالار بۇگىنگى ناۋرىز مەرەكەسىنە ارنالعان ەرتەڭگىلىگىمىزدى اياقتايمىز. كەلەر ناۋرىزعا ءتورت كوز تۇگەل، ۋايىم - قايعىسىز توقشىلىقپەن جەتەيىك اعايىن.