قياسبەكتىڭ قيالى
تۇركىستان شاھارىندا ەرتەدە ماككام دەگەن وزبەك جىگىتى مەن قياسبەك دەگەن قازاق جىگىت كورشى تۇرىپتى. ەكەۋى دە اۋمالى-توكپەلى بولىپتى.
ماككام توبەسىنە ۇلكەن قۇمىرا قويىپ، بازارعا ايران اپارىپ ساتادى ەكەن. قياسبەك شەشەسى تىگىپ بەرگەن تاقيا، بورىكتى ساۋدالايدى ەكەن. كەيىن قياسبەكتىڭ ءۇيى دە سيىرلى بولىپ، ەندى ول دا ماككامعا ۇقساپ ايران ساتۋعا شىعىپتى.
ءبىر كۇنى ەكەۋى ايران تولى قۇمىرالارىن توبەلەرىنە قويىپ، بازارعا كەلە جاتادى. جولشىباي كوڭىل شىركىن شارتاراپتى شارلاپ التى قات اسپان استىن، جەتى قات جەر ءۇستىن كەزەدى. ءسويتىپ، قياسبەك ءبىر قيالعا كەتەدى.
«...بازار ءىشى. ادامدار قۇمىرسقاداي جىبىرلايدى. قياسبەك دامىل تاپپاي ايران ساتىپ جۋر. ول كۇنىنە ەكى سومنان، ايىنا الپىس سوم، جىلىنا جەتى مىڭ سوم اقشا تاپتى. ... كەلەسى جىلى وسى تاپقان اقشاسىن جۇمساپ، قالاداعى داۋلەتبەك دەگەن ءىرى بايدىڭ ايكۇنىم دەگەن سۇلۋ قىزىنا ۇيلەنىپ، ۇلكەن توي جاساپتى...
مىنە، ەندى قياسبەك سول سۇلۋ قىزىمەن بىرگە وتىر.
—جانىم، ايكۇنىم»،—دەيدى. ونىڭ اۋزىنا ەرىكسىز شىعىپ كەتكەن وسى ءبىر سوزگە مانادان بەرى قاسىندا قاباتتاسىپ كەلە جاتقان ماككام ەدىرەيە قاراپ:
—ءيا، قياس اكا، ءنىما بۋلدى ساڭگا؟—دەسە دە، ول ەلەڭ ەتەر ەمەس، ەكى كوزى جۇمۋلى قيالىنداعى ايكۇنىمگە تاعى دا:
—جانىم، جارىم، ءبىر سۇيگىزشى،—دەپ، قاباتىندا كەلە جاتقان ماككامدى شاپ بەرىپ قاپسىرا قۇشاقتاپ، بەتىنەن ءسۇيىپ- ءسۇيىپ العاندا، ەكەۋىنىڭ دە توبەسىندەگى قۇمىرا تولى ايران اقتارىلىپ قالىپتى...
You Might Also Like
-
اجەم ىشىمدىكتى ىشەتىن ادامدى بارىنشا جەك كورەدى. كەيدە: «وسى قۇرعىردى نەسىنە شىعارادى ەكەن»، — دەپ تە قويادى.
-
ءبىر جولى تولەۋ، ءۋايىس، نىسانباي اقىندار ساپارلاس ءجۇرىپ، ءبىر ۇيگە قوناق بولادى. ءۇي يەسى بار بولسا دا، ساراڭ ەكەن. قوناقتاردى كوڭىلسىز قارسى الىپ، نيەتىمەن ءجون سۇراپتى دا، ۇشەۋىنىڭ كوڭىلدەرىن كوجەمەن...
