InfoHub Logo

راحمەت ساعان، سۇيىكتى الىپپەم!
ماقساتى: وقۋشىلاردىڭ العان بىلىمدەرىن ورتاعا سالۋ. كىتاپ وقۋ شەبەرلىكتەرىن، تاقپاق ايتۋ مانەرىن، ەسەپكە جۇيرىكتەرىن، ونەرلەرىن تانىتۋ.
كورنەكىلىگى: وقۋشىلاردىڭ ۇلگىلى تازا داپتەرلەرى، ا. قۇنانبايەۆ، ى. التىنسارين سۋرەتتەرى مەن ۇلاعاتتى سوزدەرى.

بارىسى: كىرىسپە ءسوز:
قۇرمەتتى ۇستازدار مەن اتا - انالار، قوناقتار! بۇگىن سىزدەر ءبىرىنشى سىنىپ وقۋشىلارىنىڭ العاش رەت قولدارىنا ۇستاپ، ءارىپ تانىتقان وقۋلىعى «الىپپەمەن «قوشتاسۋ ەرتەڭگىلىگىنە كەلىپ وتىرسىزدار. حوش كەلىپسىزدەر دەي وتىرىپ،»راحمەت ساعان، الىپپە!» اتتى مەرەكەمىزدى باستايىق.
وقۋشىلار بىرتىندەپ كىرەدى. ءار وقۋشىعا ولەڭ ارناۋ ارقىلى اتتارى اتالعاندا عانا كىرەدى.
2013 - ءشى جىلدىڭ تۇلەكتەرى،
17 - ءنىڭ جۇرەكتەرى،
قۋانىشتان جارىلارداي،
ورىندالدى تىلەكتەرى.
ءارىپتىڭ ءبارىن مەڭگەرىپ،
الىپپەنى تەڭگەرىپ،
قوشتاسقالى تۇر ەندى
تانىستىقتى ءجون كورىپ.
شاپالاقتى قاعىڭدار،
تانىستىرام، قۇپ الىڭدار.

1. ادالدىقتى قامال قىپ،
اق جۇلدىزدى تاعىنعان.
شىنايى اسىل ادامدىق،
توعجانىمنان تابىلعان.

2. بىرتە - بىرتە بىلىنبەي،
بيىكتەپ بويى ۇزارىپ.
ديدارىمداي جىگىتتەر.
تۇرادى وتتاي قىزارىپ

3. كوكتەگەن اسەم گۇلدەردەي،
بالاپان بالا بۇرىمىڭ.
از بولار قىزىم مەرۋەرتتەي
سۇيكىمدى، ءارى سۇلۋىم.

4. ماڭعازدىق، ءارى سابىرلىق
اسىلحاننان تابىلعان.
كەيدە ايتار ءسوزدى نىق،
اپپاعىم تۇرار الدىمنان.

5. سەرپىلتىپ تۋدى كوتەرەر،
اسىلان دارا جاسىنان.
ءسوزى دارا، ءوزى نىق،
تاربيە دۇرىس باسىنان.

6. ءور داۋسى جۇرتتى ۇيىرەر،
دارحانىم مەنىڭ سۇڭقارداي.
جازۋى مارجان سۇيسىنەر،
كەيدە قىرسىعىپ قالعانداي.

7. سارجان بالام بيازى،
تۇنىپ قالعان بۇرقانباي.
الىستا كەيدە قيالى،
بۇزادى كەيدە تالقانداي.

8. كەلبەتى قانداي كەلىسكەن،
يلياس تولقىپ تۇر ىشتەن.
بەرىلگەن وقۋ، ساباققا،
دارىندى عوي ءار ىستەن.

9. قارا كوز، سۇلۋ ايزەرە،
بەدەلى بيىك سىنىپتا،
ادەمى جازۋ، جوق قاتە،
ەشقاشاندا قامىقپا.

10. قاراۋعا كوز تويماعان،
جانارى جازداي جانسايا.
ءوز دەگەنىن قويماعان،
بىلىمىمەن ول سايا.