رۋىنىڭ اتىن «قازاق»، ۇرانىنىڭ اتىن «الاش» دەپ اتاۋى (ءىى نۇسقا)
ابۋباكىر كۇلبابانىڭ زامانىندا «وتىز ەكى باۋلى وزبەك» اتانعان دەسەدى. وزبەكتىڭ ءۇش بالاسى بولعان: مىڭ، ءجۇز، قىرىق. «ادام اتادان بۇ زامانعا شەيىن پالەننىڭ بالاسى پالەن، تۇگەننىڭ بالاسى تۇگەن»، — دەپ سويلەۋشى وتىرىكشى، جالعانشى بولسا كەرەك. ...قاي تۇقىمنان، قاي ناسىلدەن شىققاندىعىن ايىرىپ، دالەلىمەن ايتىپ وتىرسا، ونىڭ ءوزى دە — تولىق ءبىلىم.
اۋەل باسى «توقسان ەكى باۋلى قىپشاق» اتانعان ەدىل، جايىق، ەرتىس، سىر — ءتورت وزەننىڭ ارالىعىندا، سوندىقتان «دەشتى قىپشاق» اتانعان، ونان سوڭ «وتىز ەكى باۋلى وزبەك» اتانعان.
وزبەك زامانىندا وتىرىقشى حالىق بولعان. وزبەكتىڭ ءۇش بالاسى بولعان. زامانىنداعى ءبىر حانعا بىرەۋى مىڭ ءدىلدا بەرگەن، بىرەۋى ءجۇز ءدىلدا بەرگەن، بىرەۋى قىرىق ءدىلدا بەرگەن. سول سەبەپتى: «مىڭ، ءجۇز، قىرىق» اتانعان. مىڭنان وربىگەندەر وتىرىقشى حالىق بولعان. جۇزدەن وربىگەندەر كوشپەلى حالىق بولعان. سول ءجۇزدىڭ ۇرپاعىنان قازاق شىققان.
«ءجۇز» دەگەن دە اتالارىنىڭ اتى بولعان. «قازاق» دەگەن دە اتالارىنىڭ اتى بولعان، «الاش» دەگەن دە اتالارىنىڭ اتى بولعان. سونىمەن كەلىپ الاش الاش بولعاندا، الاشا حان بولعان زاماندا رۋىنىڭ اتىن «قازاق» قويىپ، ۇرانىنىڭ اتىن «الاش!» قويىپ، «ۇلى ءجۇز»، «ورتا ءجۇز»، «كىشى ءجۇز» دەپ ۇشكە ءبولىپ، «ءۇش ءجۇز» اتانعان.
You Might Also Like
-
قازاقتاردىڭ پايدا بولۋى سىر بويىنا نوعايلاردىڭ قونىستانا باستاعان كەزىنەن باستالادى. نوعايلار مەن ورىستار بۇرىن بىر-بىرىمەن جاۋىعىپ جۇرەدى ەكەن. بىردە ورىس جاعىنىڭ ەلشىلەرى نوعايلارعا بەيبىت ماقسات...
-
قوجا احمەت ياساۋي جولىنىڭ كۇن ساناپ كۇشەيىپ بارا جاتقانىن يسلام الەمىنىڭ باسقا ايماقتارىنداعى ءدىندارلار حاباردار بولادى. ولار ياساۋي جولىنىڭ دۇرىستىعىنا كۇمان كەلتىرىپ، قالاي دا ونىڭ جولىنا توسقاۋىل ...
