قىزىلقۇمدا ءىزىمىز قالار ما ەكەن،
ىزدەگەن جان بىزدەردى تابار ما ەكەن؟
اداسارمىز، اداسساق، قاراماي-اق
كەل ەكەۋمىز كەزەيىك جالاڭ اياق.
قاسيەتتەپ، ءقادىرلى جەرىمىزدى،
قالدىرايىق،باسايىق ءمورىمىزدى.
اۋەستەمەي الدەكىم سالعان ءىزدى،
وزىمىزشە سىزايىق تاڭبامىزدى.
اداسارمىز مىقتاسا قۇم شاعىلدا،
تىنىعارمىز قىزىلقۇم قۇرساعىندا.
تەك ءىزىمىز...
ءىزىمىز وشپەسە ەكەن،
قۇيىن تۇرىپ،قۇم باسىپ، كوشپەسە ەكەن.
وشسە، وشەر،وشكەنگە قاراماي-اق
قىزىلقۇمدى كەزەيىك جالاڭ اياق.
قىزىلقۇمدا ءىزىمىز قالار ما ەكەن،
ىزدەگەن جان بىزدەردى تابار ما ەكەن؟..

---