ءاي، بالام-اي!
شامالى-اۋ تۇسىنىگىڭ،
قانداي بولار، بىلمەيمىن، كىسىلىگىڭ...
جاڭا عانا قايتقانداي جەرلەپ مەنى،
جاۋار كۇندەي قاباعىن ءتۇسىرۋىن!
ءاي، بالام-اي، شامالى-اۋ تۇسىنىگىڭ!..
...جوق، بالاقاي!
مەن سەندەي بوپ وسپەدىم!
مىنا مىنەز - مىنەزىم ەمەس مەنىڭ.
ادامداردان راحىم الۋ ءۇشىن،
He كورمەدىم، ومىردە نە كەشپەدىم؟!
ايارى جوق ادۋىن جاۋىزدىقتان،
الىپ شىقتىم ارىمدى تامىزدىقتان.
امالىم نە، جاستىقتىڭ كەر تۇلپارىن،
تاسقا قاماپ تاستادىم اۋىزدىقتاپ.
قيىپ تۇسەر، قىرشىن ەم، الماسى كوپ،
قيدىم ءبارىن سەن وكسىپ قالماسىن دەپ.
مىنەزىڭ-اي، بالام-اي، مىنەزىڭ-اي!
كەتپەگەي-دى مەرت ەتىپ، جارعا سۇيرەپ...

---