ءسابي دامۋىنىڭ ساتىلارى
تاياۋ اراداعى بىرنەشە اي ىشىندە ءسابي سونداي تەز وسەدى. ول سەزىنىپ، قارىم-قاتىناس جاساپ، قوزعالىپ، سويلەي باستايدى. الايدا، ول ءسىزدىڭ سۇيىسپەنشىلىگىڭىز بەن قامقورلىعىڭىزدىڭ ارقاسىندا عانا ءوز جەتىستىكتەرىنە قۋانىپ، راحاتتانا الادى. ءسابي دامۋىنىڭ ءاربىر ساتىسىنداعى ەرەكشەلىكتەردى ءبىلۋ ارقىلى، ءسىز ونىڭ الەمدى اشىپ، جاڭا اسەرلەرگە يە بولۋىنا كومەكتەسە الاسىز. ءار مينۋتتى قاستەرلەڭىز، سەبەبى، ءبارى دە تۇڭعىش رەت جانە كۇتپەگەن جەردەن بولادى.
1 ايلىعىندا
ەتبەتىنەن جاتىپ، ءسىزدىڭ ءسابيىڭىز باسىن كوتەرىپ ۇستاۋعا تىرىسادى.
2 ايلىعىندا.
ءسابيىڭىز كۇلەدى جانە "ءۋىلدى" دىبىستار شىعارادى. بۇل مەرزىمدە ءسابي ءوزىنىڭ اينالاسىنداعى زاتتارعا قىزىعۋشىلىقپەن قاراي باستايدى.
3 ايلىعىندا.
ءسابي ءسىزدىڭ ءجۇزىڭىزدى، داۋىسىڭىز بەن يiءسىڭىزدى بىلەدى. ءسىز شاقىرعاندا، ول داۋىس شىققان جاققا مويىن بۇرىپ، كۇلەدى دە، جاۋاپ ورنىنا "ۋىلدەيدى".
4 ايلىعىندا.
ءسابي باسىن سەنىمدى ۇستايدى. قولىنان تارتىپ كوتەرگەندە، ول تۇرۋعا تالپىنادى. ءسابي سونداي-اق، ءوز ويىنشىقتارىنا تالپىنىپ، ولاردى ۇستاۋعا تىرىسادى. بۇل مەرزىمدە ءسابيدىڭ العاشقى تىستەرى شىعۋى مۇمكىن.
5 ايلىعىندا.
ءسابيىڭىز ءوزىنىڭ اتىنا ەلەڭدەيدى. ءسابيىڭىزدىڭ ۇيدەگى بەيتانىس ادامداردى بايقاۋىن دا اڭدۋىڭىز مۇمكىن. بۇل كەزدە ءسابي نەگىزگى تۇستەردى اجىراتا بىلەدى. شالقاسىنان جاتىپ، ەتبەتىنە اۋناي الادى.
6 ايلىعىندا.
ءسابي وزىنە ارنالعان داۋىس ىرعاعىن سارالاي الادى جانە ءبىرقاتار دىبىستارعا ەلىكتەي باستايدى. نازار اۋدارىڭىز، ول اۋزىمەن كوپىرشىكتەر ۇرلەيدى.
7 ايلىعىندا.
ءسابيىڭىز بىركەلكى دىبىستار شىعارۋعا تىرىسادى. ءبۇلدىرشىن بەلسەندى ەڭبەكتەۋدى باستايدى، ويىنشىقتى الىپ، ونى اينالدىرادى نەمەسە ءتىپتى جاقىن جەردە تۇرعان زاتقا قولىن سوزادى.
8 ايلىعىندا.
بۇل كەزدە ءسابي ءوزى وتىرىپ، ءوزى جاتادى، بوگدەنىڭ كومەگىنسىز اياعىنا تۇرادى جانە قايتا وتىرادى. ءبىر اياعىن ەكىنشىسىنىڭ الدىنا قويىپ، جۇرۋگە تالپىنادى.
9 ايلىعىندا.
ءسابي بەلگىلى ءبىر بۋىنداردى قايتالاۋعا تىرىسادى. زاتتارعا سۇيەنىپ، بولمە ىشىندە جۇرە باستايدى.
10 ايلىعىندا.
ءسابيىڭىز ءوزى ەستىگەن سوزدەردى قايتالاۋعا قۇلشىنادى. سۇراعان كەزدە ول وزىنە تانىس ويىنشىقتى تاۋىپ، اكەلىپ بەرەدى. شولمەكتەن ىشكەن كەزدە، ونى تىك ۇستاۋعا سىزگە كومەكتەسكىسى كەلەدى.
11 ايلىعىندا.
بۇل كەزەڭدە نارەستە "بەر" دەگەن سياقتى قاراپايىم سوزدەردى ايتا باستايدى. ول قۇمارلانا وينايدى. مىسالى، تەكشەلەرمەن، ءتىپتى ءوز بەتىمەن تۇرا دا الادى.
12 ايلىعىندا.
بۇل كەزدە ءسىزدىڭ ءسابيىڭىزدىڭ سوزدىك قورى 8-9-عا جۋىق سوزدەن قۇرالادى. وعان قوسا ول ۇلكەندەردى اتتارى بويىنشا اجىراتا الادى.
You Might Also Like
-
Honda Motor Company كورپوراسياسى، جەڭىل اۆتوكولىكتەردى، ءۇش دوڭعالاقتى كولىك قۇرالدارى مەن موتوسيكلدەردى، سونىمەن قاتار ءتۇرلى تيپتەگى قوزعالتقىشتاردى قۇراستىرىپ شىعارۋ مەن ساتۋعا ماماندانعان، 1946 ج...
-
پاۆلوداردا نازاربايەۆ زياتكەرلىك مەكتەبىنىڭ 8 «D» سىنىبىنىڭ وقۋشىسى ابىلايحان مۋستافين 8،35 سەكۋند ىشىندە 2ح2 نوميناسياسى بويىنشا «رۋبيك كۋبيگىن» جيناپ، ەكىنشى جىل قاتا...
