سەمەيدە مەكتەپ وقۋشىسى ناشار كورەتىن ادامدار ءۇشىن كومەكشى روبوت قۇراستىردى (فوتو)
ۆيكتور حەگاي ءبىرىنشى سىنىپتان باستاپ، «نازاربايەۆ زياتكەرلىك مەكتەبىنىڭ» روبوت تەحنيكاسىن جاساۋمەن اينالىساتىن فيزيكا-ماتەماتيكالىق باعىت بويىنشا ءبىلىم الادى، -دەپ جازادى «ەكسپرەسس ك» گازەتى.
«بىردە بىزگە كوزدەرى ناشار كورەتىندەرگە ارنالعان ينتەرناتتان بالالار كەلدى، - دەدى ۆيكتور، - ءبىر بالا جاڭىلىپ، كابينەتتى تابا الماي جۇرگەنىن بايقادىم. مەن وعان كومەككە جۇگىندىم. ول كوزىنىڭ ناشار كورەتىنىن ايتتى. وسى ساتتە وعان كومەكتەسكىم كەلدى. سودان روبوت تەحنيكا سىنىبىنا ءوز يدەياممەن باردىم، باسىندا جەتەلەۋشى يت تۇرىندە كومەكشى روبوت جاساعان دۇرىس پا دەپ ويلادىم. كەيىن ينتەرنەتتە جازىلعان ادامداردىڭ پىكىرىنەن كەيىن ونداي ونەرتابىستىڭ كەمشىلىكتەرى بولاتىنىن ۇقتىم. يت تومپەشىكتەن وتە الادى، ال ادامدار ءسۇرىنىپ كەتۋى مۇمكىن. تاياق تا سەنىمسىز. ول اياقتىڭ استىندا بىردەڭە بارىن بىلۋگە كومەكتەسەدى، ءبىراق باسپەن قۇلاپ كەتۋ ءقاۋپى بار. سوندىقتان ءبىر بلوكتان، ەكى سەنسوردان تۇراتىن شاعىن، ءموبيلدى اپپارات جاساۋدى شەشتىم. بلوكتى بەلگە بايلاپ قويۋعا بولادى. ءبىر سەنسوردى اياققا نەمەسە تاياققا، باسقاسىن - باس كيىمگە، كوزىلدىرىككە، قولعاپقا بەكىتۋگە بولادى. ول كەدەرگىگە كەزدەسكەندە ۋلترا دىبىس شىعارادى، قىسقا ۋاقىتقا كەرى قايتىپ، دىبىستىق ەسكەرتۋ بەلگىسىن بەرەدى. سەنسور دىبىستارى ءار ءتۇرلى. روبوت دايىن بولعان كەزدە ءبىز ونى ينتەرناتقا بالالارعا بايقاپ كورۋگە بەردىك. ولار وتە جوعارى باعالادى. جاقسارتۋ جاعىنان ءوز ۇسىنىستارىن ءبىلدىردى، ولار روبوتتىڭ ءسال كىشىرەك بولعانىن قالايدى».
«بۇل وندىرىستىك ەمەس، سىناق ۇلگىسى. بىزدە ونى جاقسارتۋ جاعىنان يدەيالار كوپ بولدى. مۇنداي روبوت ەش جەردە جوق، باستىسى - بالانىڭ كومەك كورسەتكىسى كەلگەنى. ەگەر بالالارىمىز وسىلاي ويلانا السا، ءوز ماقساتىمىزعا جەتكەنىمىز. تىڭ جاڭالىقتاردى اشۋدىڭ جولى دا وسى»، - دەدى ۇستازى زويا جۋربەنكو.
You Might Also Like
-
الماتى وبلىسى كەربۇلاق اۋدانى قوعالى اۋىلى
-
ءۇندىستاندىق عالىمدار زيكا ۆيرۋسىنا قارسى ۆاكسينا ويلاپ تاپقانىن حابارلادى
