Honda ماركاسىنىڭ تاريحى
Honda Motor Company كورپوراسياسى، جەڭىل اۆتوكولىكتەردى، ءۇش دوڭعالاقتى كولىك قۇرالدارى مەن موتوسيكلدەردى، سونىمەن قاتار ءتۇرلى تيپتەگى قوزعالتقىشتاردى قۇراستىرىپ شىعارۋ مەن ساتۋعا ماماندانعان، 1946 جىلى جاپون اۆتوشاباندوزى، سونىمەن قاتار تاماشا مەحانيك سويچيرو حوندا نەگىزىن قالانعان.
ال، بارلىعى 1928 جىلى جاس ءارى كەلەشەگى زور حوندا حاماماسۋ قالاسىندا جوندەۋ شەبەرحاناسىن اشقان كەزدەن باستالدى. ول بىردەن ىسكە اسىرعانى ءۇشىن قىزىعارلىق جۇيەلىلىكپەن پاتەنتتەر العان، دانىشپاندىق ۇسىنىستارىمەن اتى شىعا باستادى.سونداي ۇسىنىستارىنىڭ ءبىرى دوڭگەلەكتەردەگى اعاش شاباقتاردى تەمىرگە اۋىستىرۋ بولدى. 1937 جىلى حوندا Tokai Seiki Heavy Industry كومپانياسىنىڭ نەگىزىن قالادى، ول پورشەندى دوڭعالاق ويلاپ تاپقاننان كەيىن، سولاردى شىعارۋمەن جانە ساتۋمەن اينالىستى.
ەكىنشى دۇنيەجۇزىلىك سوعىستان كەيىن، سويچيرو جارتىلاي قۇلاعان Tokai Seiki وندىرىستىك قۋاتىن 450 مىڭ يەنگە ساتىپ جىبەردى دە، ول ءىس جۇزىندە بىردەن جاڭا يدەيا ويلاپ تاپتى. قۇراستىرۋشى وزىنە جانە دوستارىنا ارناپ، ءوز قولىمەن ون شاقتى موپەد قۇراستىرىپ شىعاردى، سودان كەيىن حوندا ءوندىرىستى «كونۆەيەرگە» قويۋعا شەشىم قابىلدادى. وسىلايشا حوندانىڭ تەحنولوگيالىق زەرتتەۋ ينستيتۋتىنىڭ نەگىزى قالاندى، ولار ەسەپتەن شىعارىلعان قوزعالتقىشتاردى ساتىپ الىپ، ولاردى جوندەپ، ۆەلوسيپەدتەرگە ورناتقان، ءسويتىپ جاپون اۋىلدارى تۇرعىندارىن كولىكپەن قامتاماسىز ەتۋمەن اينالىسقان.
ال 1948 جىلى كاسىپورىن باسشىلارى جەكەمەنشىك كۇش اگرەگاتىن وندىرۋگە كوشۋگە شەشىم قابىلدانعاننان كەيىن، كاسىپورىن اتاۋى Honda Motor Company بولىپ وزگەرتىلدى. قايتا قۇرىلىمدانعان كومپانيانىڭ ۆيسە-پرەزيدەنتى تاكەو فۋدجتساۆا، ال ونىڭ باس قۇراستىرۋشىسى، ا ءتيپتى قوزعالتقىشتار جاساۋمەن اينالىسقان – كيوشي كاۆاشيما بولدى.
تىپتەن، 1949 جىلى كولەمى 98 سم3 بولاتىن قوزعالتقىشپەن جابدىقتالعان العاشقى موتوسيكلدەر شىعارىلدى. ول Dream Type D اتاۋىنا يە بولادى. 1950 جىلى كومپانيانىڭ كوممەرسيالىق قىزمەتى حاماماسۋدان توكيو قالاسىنا كوشىرىلدى، مۇندا كومپانيانىڭ فيليالى اشىلىپ، ول ونىمدەردى ساتۋمەن اينالىستى. سونىمەن قاتار، كومپانيا ساتىپ العان تىگىن فابريكاسىنىڭ ورنىندا توكيو قالاسىنداعى ءىرى زاۋىتتاردىڭ ءبىرى بوي كوتەردى، مۇندا Dream Type D موتوسيكلىن جاپپاي شىعارا باستادى. دەگەنمەن، 1951 جىلى ولاردى شىعارۋ جۇمىسى توقتاتىلىپ، العاشقى مودەلدى Dream Type ە موتوسيكلى اۋىستىردى. ونىڭ كولەمى 146 سم3 بولاتىن 4-تاكتىلى قوزعالتقىشى 72 كم/ساع-قا دەيىن قوزعالۋعا مۇمكىندىك بەردى.
كەلەسى جىل باس كەڭسەنىڭ توكيوعا كوشۋىمەن جانە سايتامدا زاۋىت قۇرىلىسىنىڭ جۇرگىزىلۋىمەن ەستە قالدى. 1953 جىلى تاعى دا ەكى فابريكانىڭ قۇرىلىسى سالىندى، ال 1954 جىلى Honda Motor Company اكسيالارى بيرجالىق ساۋداعا قاتىسا باستادى. وسى جىلدارى كومپانيا ازىرلەۋشىلەرى جۇرتشىلىققا كوپتەگەن جاڭا جوبالار ۇسىندى، ولاردىڭ ىشىندە ەڭ تابىستى بولعانى Juno K-Type سكۋتەرى بولدى، كومپانيادا ونى امەريكاعا ەكسپورتتاۋ باستالدى. 50-جىلداردىڭ ەكىنشى جارتىسى حوندا ءۇشىن سپورتتىق باعىتتا تابىستى بولدى. كورپوراسيانىڭ كولەمى 250، 350 جانە 500 سم3 بولاتىن قوزعالتقىشتارمەن جابدىقتالعان جاڭا ازىرلەنىمدەرى الەمنىڭ ءار تۇكپىرىندە ءبىرىنىڭ ارتىنان ءبىرى ءتۇرلى جارىستاردا جەڭىپ شىعا باستادى. موتوسيكلدەردىڭ ىشىندەگى بارىنشا تابىستى مودەلدەرى Honda Dream SB-type جانە Honda Super Cub بولدى.
ءدال وسى 50-جىلداردىڭ ەكىنشى جارتىسىندا Honda جاپونيانىڭ ءۇش دوڭعالاقتى كولىك قۇرالدارىن شىعارۋ جانە ساتۋ نارىعىن باسقاردى. ون جىلدىقتىڭ جەتىستىگى 1959 جىلى كومپانيانىڭ America Honda Motor اتاۋىمەن امەريكالىق بولىمشەسىنىڭ اشىلۋىمەن تولىقتى. سودان كەيىن حوندا موتوسيكل شىعارۋ مەن ساتۋ سالاسىندا جاپون نارىعىنىڭ عانا ەمەس، سونىمەن بىرگە الەمدىك نارىقتىڭ كوشباسشىسى بولدى. سول كەزدەردە شەتەلدىك وكىلدىكتەر قۇرۋعا بەلسەنە كىرىسۋ باستالدى. 1961 جىلدان 1969 جىلعا دەيىنگى كەزەڭدە گەرمانيادا، بەلگيادا، فرانسيادا، ۇلىبريتانيادا، اۆستراليا مەن كانادادا پايدا بولدى.
جاڭا ونجىلدىقتىڭ باسى Honda Super Cub كومپانياسىنىڭ جەتىستىكتەرىن جالعاستىردى. 1963 جىلدىڭ وزىندە-اق كومپانيا موتوسيكلدىڭ وسى مودەلىنىڭ 900 000-نان استامىن ساتۋعا قول جەتكىزدى، ءبىر ايدا 100 000 دانا موتوسيكل ساتۋ ەڭ جوعارعى كورسەتكىش بولدى. ءدال سول 1963 جىل حوندا ءۇشىن اۆتوموبيل شىعارۋعا ماماندانىپ جۇرگەن كومپانيا رەتىندە دەبيۋتتىك جىل بولدى: العاشىندا كىشىگىرىم ت360 فۋرگونى، سودان كەيىن ساعاتىنا 145 كم جىلدامدىقپەن جۇرە الاتىن سپورتتىق ۇلگىدەگى S500 كوپشىلىككە ۇسىنىلدى.
الايدا بۇل تەك باستاماسى بولاتىن! Honda Motor Company 1964 جىلى RA271 شاسسي نەگىزىندە قۇراستىرىلعان ماشينامەن بىرگە فورمۋلا-1-دە سىنعا ءتۇستى. بۇل اۆتوكولىك ارنايى كورولدىك جارىستارعا ارنالىپ ارنايى جاسالعان 1،5-ليترلىك 12 سيليندرلىك V-تۇرىندەگى قوزعالتقىشپەن جابدىقتالعان بولاتىن. ال كەلەسى كەزەڭدە كوماندا بەلگيادا قول جەتكىزگەن ءوزىنىڭ العاشقى ۇپايلارىن الا باستادى، سودان كەيىن مەكسيكادا العاشقى جەڭىسكە قول جەتكىزدى. الايدا 1968 جىلى فرانسيا باس جۇلدەسى ءۇشىن ۇيىندەگى وتكىزگەن جارىس كەزىندە جارىسقا ءتۇسۋشى جو شلەسسەردىڭ ولىمىنەن كەيىن حوندانىڭ «فورمۋلالىق» كارەراسى توقتادى.
سول ۋاقىتتارعا دەيىن كومپانيانىڭ مودەلدىك قاتارى ەلەۋلى تۇردە جاڭاردى. اۆتوموبيلدەردىڭ شاعىن Honda N360، سپورتتىق Honda S600، سونىمەن قاتار ونىڭ ءىزىن باسۋشى، بىردەن بىرنەشە تۇرلەنىمى شىعارىلعان Honda S800 مودەلدەرى جارىققا شىعىپ ۇلگەردى. ايتا كەتەتىن بولساق، كەيىننەن اتاقتى مودەلگە اينالعان 800ء-شى مودەلدى ەكسپورتتاۋ ءىسى بىردەن باستالىپ كەتتى. حوندا وكىلدىكتەرى موتوسيكلدەر تۋرالى دا ۇمىتقان جوق. سونىمەن قاتار 70-جىلداردىڭ باسىندا ساتىلىم حيتىنە اينالعان Honda Dream CB-750 Four مودەلى ۇسىنىلدى. ءوز كەزەگىندە 60-جىلدار بارلىق ساناتتى جارىستاردا Honda موتوسيكلدەرىنىڭ جاپپاي جەڭىسىمەن ەستە قالدى. بۇل ناعىز الەمدىك ەكسپانسيا بولاتىن!
ەگەر 1971 جىلى كومپانيا، ەكولوگيانىڭ بارلىق تالاپتارىنا سايكەس كەلەتىن Compound Vortex Controlled Combustion (CVCC) دۆيگاتەلدەرىمەن جۇمىس ىستەسە، 1972 جىل Honda كورپوراسياسىنىڭ قازىرگى مارتەبەسىنىڭ جارشىسى بولدى. كومپانيا قۋاتتىلىعى 50 ات كۇشىنە تەڭ 1،2 ليترلىك قوزعالتقىشپەن جابدىقتالعان Civic اتتى جاڭا ءاۆتوموبيلىن جاساپ شىعاردى جانە ۇسىندى. ماشينا 100 كم-گە 45 ليتر جۇمساي وتىرىپ، ساعاتىنا 145 كم-گە دەيىنگى جىلدامدىقپەن جۇرە الاتىن. 1975 جىلى وسى مودەل اقش-تا جىل ءاۆتوموبيلى دەپ تانىلدى.
1973 جىل سويچيرو حوندا داۋىرىنە نۇكتە قويدى. سول ساتتەردە 67 جاسقا تولعان كومپانيانىڭ نەگىزىن قالاۋشى، وزىمەن بىرگە تاكەو فۋدجيساۆانى بىرگە الىپ، ورنىن بوساتتى. الايدا ەكەۋى دە، وزدەرىنىڭ بىرلەسە كۇش سالۋى ارقاسىندا جەتىستىكتەرگە جەتكەن كورپوراسيا ومىرىنە ارالاسۋىن جالعاستىردى. كييوشي كاۆاسيما جاڭا پرەزيدەنت بولىپ تاعايىندالىپ، كومپانيانى كەلەسى ون جىل بويى باسقاردى.
1974 جىلعى مۇناي داعدارىسىنا قاراماستان، حوندا ونىمدەرىنىڭ باعاسىن تومەندەتۋ جانە ءوندىرىس كولەمىن ۇلعايتۋ ەسەبىنەن، ساتىلىمدى 76%-عا ارتتىردى. ال قۇراستىرۋشىلارى مودەلدەر قاتارىن ۇلعايتۋدى جالعاستىردى.
وسىلايشا 1976 جىلى حەچبەك شاناعىندا ۇسىنىلعان، اڭىزعا اينالعان Accord تانىستىرىلدى. كەلەسى جىلى 1،6 ليترلىك قوزعالتقىش ورناتىلعان سەدان سىنعا ءتۇستى. الايدا 1978 جىلى قوزعالتقىش كولەمى 1،8 ليترگە ۇلعايتىلدى. بۇل مودەل ءتۇرلى نۇسقالار بويىنشا ۇزدىك جىل ءاۆتوموبيلى رەتىندە كوپتەگەن نوميناسيالاردى جەڭىپ الدى. 1980 جىلى ونىڭ ميلليونىنشى داناسى شىعارىلدى. ايتا كەتەتىن بولساق، ميلليونىنشى Civic كونۆەيەردەن 1976 جىلى شىقسا، 1978 جىلى كومپانيانى جاڭا مەرەيتويلار كۇتىپ تۇردى: جازدا 30 ميلليونىنشى موتوسيكل جاساپ شىعارىلسا، كۇزدە 5 ميلليونىنشى Honda ماركالى اۆتوموبيل شىعارىلدى. Civic جانە Accord مودەلدەرىن جەتىلدىرۋ جالعاستىرىلىپ جاتقان ۋاقىتتاردا، كومپانيا مودەلدىك قاتارىن جاڭارتۋدى دا ۇمىتقان جوق.
وسىلايشا 1978 جىلى Prelude مودەلى ۇسىنىلدى. الايدا كوپ كەشىكپەي كوپتەگەن ماماندار ول تۋرالى ۇمىتىپ كەتتى، ويتكەنى 80-جىلداردىڭ باسى حوندانىڭ ءىرى جاپون اۆتوموبيل وندىرۋشىلەرىنىڭ ۇشتىگىنە كىرگەندىگىمەن ەستە قالدى. سونىمەن قاتار، فورمۋلا-1 كومانداسى ءۇشىن ۇسىنىلعان كومپانيا موتورلارى تۇراقتى تۇردە ۇلكەن نەمەسە كىشىگىرىم جەڭىستەرگە جەتە باستادى. سونداي-اق 1982 جىلى Honda XL500R موتوسيكلى پاريج-داكار ءرالليىن جەڭىپ الدى. سول جىلى كييوشي كاۆاسيما جۇمىستان بوساتىلىپ، ونىڭ پرەزيدەنتتىك ورنىن تاداشي كۋمە اۋىستىردى.
سپورتتىق جەتىستىكتەرىن جالعاستىرا وتىرىپ، Williams بوليدتارى 1983 جىلدان 1987 جىلعا دەيىن Honda قوزعالتقىشتارىمەن جابدىقتالعانىن ايتا كەتۋ كەرەك. ءدال سول 1987 جىلى نەلسون پيكە چەمپيونات جەڭىمپازى اتانىپ، ونىڭ كومانداسى – قۇراستىرۋشىلار كۋبوگىن جەڭىپ العان بولاتىن. 1988 جىلدان 1992 جىلعا دەيىن كومپانيا McLaren كومانداسىنا قوزعالتقىشتار جەتكىزىپ وتىردى، ولار وسى جىلدار ىشىندە قۇراستىرۋشىلار كۋبوگىن ءتور مارتە جەڭىپ الدى. سول ۋاقىتتاردا كوماندا ۇشقىشتارى اتتارى اڭىزعا اينالعان الەن پروست، ايرتون سەننا جانە گەرحارد بەرگەر بولدى.
1985 جىلى سەدان شاناعىندا شىعارىلعان Honda Legend اۆتوموبيلدەرىنىڭ العاشقى بۋىنى سىنعا ءتۇستى، ولارعا قازىرگى كۇنى پرەمۋيم كلاسسىنىڭ بارىنشا بەدەلدى ماشيانالارىنىڭ ءبىرى بولىپ سانالادى. 80-جىلداردىڭ سوڭى دا الدىڭعى ون جىلدىقتىڭ سوڭىنداعىداي جەتىستىكتەرگە تولى بولدى. جەڭىستەر مەن ماراپاتتار ءبىرىنىڭ ارتىنان ءبىرى ورىن الدى، ولارمەن بىرگە ساتىلىمدار دا ءجۇرىپ جاتتى.
1990 جىلى Honda Legend اۆتوموبيلدەرىنىڭ ەكىنشى بۋىنى شىعارىلدى، 1991 جىلى Honda Prelude جاڭارتىلدى. سول جىلى كومپانيانىڭ نەگىزىن قالاۋشى 85-جاستاعى سويچيرو حوندا كوز جۇمدى. ودان كەيىنگى بىرنەشە جىل حوندانىڭ بۇرىننان بەلگىلى مودەلدەرىنىڭ جاڭا نۇسقالارىن تانىستىرۋمەن ەستە قالدى، الايدا 1996 جىلى Honda CR-V اتاۋىن العان، مۇلدە جاڭا ۋنيۆەرسال سىنعا ءتۇستى. جاڭا مودەل بىردەن تابىستى مودەلگە اينالدى. الايدا 1998 جىلى Honda HR-V بۇل اۆتوموبيلمەن باسەكەگە ءتۇستى. ءبىرىنشى كەزەڭدە 3-ەسىكتى كروسسوۆەر كولەمى 1،6 ليتر، قۋاتتىلىعى 105 ات كۇشىنە تەڭ بولاتىن قوزعالتقىشپەن جابدىقتالدى. ءبىراق HR-V ءوندىرىسى 2006 جىلى توقتاتىلسا، CR-V مودەلى وسى كۇنگە دەيىن زور تابىسپەن شىعارىلىپ كەلەدى.
1999 جىلى كومپانيا گيبردتىك قوزعالتقىشىمەن ەرەكشەلەنەتىن جاڭا Honda Insight ءاۆتوموبيلىنىڭ شىعارىلعاندىعى تۋرالى جاريالادى. العاشقى بۋىنىنىڭ شىعارىلىمى 2006 جىلعا دەيىن سوزىلدى، ال 2008 جىلى پاريجدە بولعان كورمەدە، قازىرگى كۇنى ءىرى اۆتوموبيل جاساۋشىلار وندىرگەن باسقا دا «گيبريدوموبيلدەرمەن» باسەكەگە تۇسە الاتىن، ماشينانىڭ جاڭا نۇسقاسى تانىستىرىلدى.
ءححى عاسىرداعى نۇسقالارىنىڭ جاڭالارىنىڭ ىشىنەن، 2003 جىلى تانىستىرىلعان جانە قازىرگى كۇنى اقش-تا ۇلكەن سۇرانىسقا يە بولىپ جۇرگەن، جولسىز جەرلەرمەن جۇرەتىن Honda Element اۆتوموبيلىنە ايرىقشا نازار اۋدارۋعا بولادى. سونىمەن قاتار، كومپانيا جاڭا ءجۇزجىلدىقتا ءوز نازارىن توعىستىرعان جاڭارتۋلار توپتاماسىن اتاپ وتۋگە بولادى. Accord، Civic، CR-V اۆتوموبيلدەرىنىڭ جاڭا نۇسقالارى شىعارىلۋدا، باسقا دا مودەلدەرمەن جۇمىستار جۇرگىزىلۋدە. 2008 جىلعى Honda Civic 5D جاڭا ءاۆتوموبيلىن ايرىقشا اتاپ وتكىمىز كەلەدى، ونى ماماندار بىردەن بولاشاققا جولباستار دەپ اتاعان.
قازىرگى تاڭدا Honda Motor Company كونسەرنى بۇكىل الەم بويىنشا 120-دان استام كاسىپورىنعا يەلىك ەتەدى جانە جىلىنا كەم دەگەندە 20 ملن. اۆتو مەن موتوسيكل ساتادى. سونىمەن بىرگە ساتىلعان ماشينالارىنىڭ سانى جىلىنا 5 ملن. اۆتوموبيلگە دەيىن ساتۋ مولشەرىنە دە بارىنشا جاقىنداپ كەلەدى.
كومپانيا پرەزيدەنتى قىزمەتىنە 2004 جىلى تاكەو فۋكۋيا تاعايىندالعاننان كەيىن كورپوراسيانىڭ ءوسۋ قارقىنى تاعى دا ارتتى. ءوندىرىس كولەمى عانا ەمەس، ساتىلىم سانى دا، تابىس كولەمى دە ۇلعايدى. قازىرگى كۇنى كومپانيا زاۋىتتارىندا شامامەن 150 000 ادام جۇمىس ىستەيدى، Honda Motor Company جىلدىق تازا تابىسى 5 ملرد. دوللاردان ارتىق سومانى قۇرايدى.
وقۋعا كەڭەس بەرەمىز:
كونوسۋكە ماسۋسيتانىڭ ءومىرى مەن جەتىستىككە جەتۋ تاريحى
نەمىس ءدارىحاناسىنان الەمدىك كوسمەتيكا يمپەرياسىنا دەيىن: Schwarzkopf تاريحى
ناپولەون بوناپارت — بۇكىل ەۋروپا يمپەراتورى
بالىق اۋلاۋعا دەگەن قىزىعۋشىلىق HARLEY-DAVIDSON كومپانياسىن قۇرۋعا سەبەپ بولعان
دجەك ما: ەگەر 35 جاسىڭىزدا ءسىز ءالى دە كەدەي بولساڭىز – وندا ءسىز بۇعان لايىقتىسىز
ازيانىڭ ەڭ باي ادامدارىنىڭ ءبىرى دجەك مانىڭ جەتىستىككە جەتۋ تاريحى
الەمدەگى ەڭ جانى ءسىرى اكتەر — دجەكي چاننىڭ ءومىرى مەن تاعدىرى
يلون ماسك دەگەن كىم جانە الەمنىڭ وزگەرۋىنە قانداي ىقپالى بار؟
دين كارنازەس — شارشامايتىن جەلاياق
ۋوررەن باففەتت: تابىستى ينۆەستور
توماس ەديسون: 19 عاسىردىڭ تالانتتى بيزنەسمەنى
Samsung كومپانياسىنىڭ تاريحى: كورەيا تەحنيكاسى
30 جاستاعى ميلليونەر سەم التماننان كەڭەستەر
ستيۆەن ۆوزنياك
You Might Also Like
-
Wealth-X كومپانياسىنىڭ كەلتىرگەن مالىمەتى بويىنشا الەمنىڭ ەڭ باي 50 ادامىنىڭ اقشاسى - 1،46 تريلليون دوللاردى قۇرايدى – بۇل اۆستراليا، يسپانيا نەمەسە مەكسيكانىڭ جىلدىق جالپى ىشكى ونىمىنەن الدە...
-
تاياۋ اراداعى بىرنەشە اي ىشىندە ءسابي سونداي تەز وسەدى. ول سەزىنىپ، قارىم-قاتىناس جاساپ، قوزعالىپ، سويلەي باستايدى. الايدا، ول ءسىزدىڭ سۇيىسپەنشىلىگىڭىز بەن قامقورلىعىڭىزدىڭ ارقاسىندا عانا ءوز جەتىستىك...
