InfoHub Logo

ەندىگى ۋاقىتتا ساندىق ءبىلىم بەرۋ رەسۋرستارىن ازىرلەۋگە مەملەكەت قارجىسى جۇمسالمايدى. بۇل تۋرالى بۇگىن ق ر ءبىلىم جانە عىلىم مينيسترلىگىنىڭ كەڭەيتىلگەن القا ماجىلىسىندە ۆەدومستۆو باسشىسى ەرلان ساعادييەۆ ءمالىم ەتتى.

«اتىشۋلى E-learning تاعدىرى جايىندا ايتا كەتۋ ماڭىزدى بولىپ تۇر. ويتكەنى، بۇل اڭگىمەلەردى تياتىن ۋاقىت جەتتى. شىنىمەن دە 30 ملرد تەڭگە جۇمسالدى. ءبىز بارلىعىن ساراپتادىق. ونىڭ ىشىندە قۇرال-جابدىقتارعا 27 ملرد تەڭگە جۇمسالدى. ولار: سەرۆەرلەر، ينتەراتيكتى تاقتالار، كومپيۋتەرلەر، بايلانىس، مەكتەپتەردەگى ينتەرنەت جانە ليسەنزيالانعان باعدارلامالار. بۇگىنگى كۇنى مۇنىڭ بارلىعى جۇمىس ىستەپ تۇر، ەسكىرىپ تە بارا جاتىر. ءبىز ولاردىڭ تەحنيكالىق تۇرعىدا ەسكىرەتىندىگىن بىلەمىز، ءبىراق جۇمىس ىستەپ تۇر»، - دەدى ەرلان ساعادييەۆ.

ونىڭ ايتۋىنشا، 2 ملرد تەڭگە ۇلتتىق مالىمەتتەردىڭ ءبىلىم بەرۋ بازاسى مەن وقىتۋدى باسقارۋ جۇيەسىنە جۇمسالعان.  ال قالعان 1 ملرد تەڭگە ساندىق ءبىلىم بەرۋ رەسۋستارىنا، ۆيدەو دارىستەر مەن ينتەراكتيۆتى ساباقتارعا كەتكەن.

سونىمەن قاتار مينيستر الداعى ۋاقىتتا ساندىق ءبىلىم بەرۋ رەسۋرستارىن ازىرلەۋگە مەملەكەت قارجىسىن جۇمساۋدىڭ ەش رەتى جوق ەكەندىگىن باسا ايتتى. «نارىقتا بارلىق ەلدەردىڭ ساندىق ءبىلىم بەرۋ رەسۋراستارى وتە كوپ. ولار سالىپ وتىرادى. ءبىز نارىقتى ساراپتاپ، كومپانيا تاپتىق. 2014 جىلدان باستاپ بۇل رەسۋرستاردى مىڭنان استام مەكتەپ، ونىڭ ىشىندە نازاربايەۆ زياتكەرلىك مەكتەپتەرى دە پايدالانۋدا. نازاربايەۆ زياتكەرلىك مەكتەبىندە 50 مىڭ ينتەراكتيۆتى ساباق بار. سوندىقتان جوعارى ساپالى ساندىق ءبىلىم بەرۋ رەسۋرستارىنا بارلىق بالانىڭ، اسىرەسە اۋىل مەكتەپتەرىنىڭ قولجەتىمدىلىگىن قامتاماسىز ەتۋ بارىنشا ماڭىزدى دەپ سانايمىز»، - دەدى ەرلان ساعادييەۆ.

---