InfoHub Logo

قازاقستاندا ورتا مەكتەپتەر جانىنان بايقاۋشىلار كەڭەسى قۇرىلادى. بۇل تۋرالى بۇگىن ق ر ءبىلىم جانە عىلىم مينيسترلىگىنىڭ كەڭەيتىلگەن القا ماجىلىسىندە ۆەدومستۆو باسشىسى ەرلان ساعادييەۆ ءمالىم ەتتى.

«ۇستىمىزدەگى جىلعى تاعى ءبىر مىندەت - مەكتەپتەردەگى اقشا جيناۋ ماسەلەسى. مينيسترلىك ۇستانىمى قاراپايىم - مەكتەپكە كومەكتەسۋ كەرەك. بۇل وركەنيەتتى قوعامعا بەلگىلى. كەز كەلگەن وركەنيەتتى قوعامدا قوعامدىق باستامالار نەگىزىندە قولدارىنان كەلگەنشە كومەك بەرۋگە تىرىسادى. مۇنان باس تارتۋعا مۇلدەم بولمايدى. ءبىراق، ونى وركەنيەتتى جولمەن جاساۋ كەرەك، ەرەجەسىن جازۋ قاجەت. بارلىعى دا ەرىكتى ەكەندىگى ايقىن كورىنىپ تۇرۋى ءتيىس. ادام مورالدى سىياقى الۋى قاجەت. ونىڭ سۋرەتى مەكتەپ قابىرعاسى سىندى جەرلەردە ءىلىنۋى ءتيىس»، - دەدى ءمينيسترى.

سونىمەن قاتار ول مەكتەپتەردە اقشا جيناۋعا تىيىم سالىپ، ونى شەشۋ جولدارىن دا اتاپ ءوتتى.

«كىمدە كىم قالاماسا، وندا ونى ماجبۇرلەۋگە مۇلدەم بولمايدى. شىندىعىندا مەكتەپتەردەگى اقشا جيناۋعا قاتاڭ شەكتەۋ قويۋ كەرەك. جوسپار قاراپايىم بايقاۋشىلار كەڭەسىن قۇرۋ»، - دەدى ەرلان ساعادييەۆ.

ونىڭ ايتۋىنشا، بايقاۋشىلار كەڭەسىنىڭ قۇرامىنا اتا-انالار كوميتەتىنىڭ، ۇلتتىق كاسىپكەرلەر پالاتاسىنىڭ وكىلدەرى، دەپۋتاتتار، وبلىستىق ءبىلىم بەرۋ باسقارماسىنىڭ قىزمەتكەرلەرى، پارتيا مۇشەلەرى كىرە الادى. جالپى، كەڭەسكە 17 ادام مۇشە بولادى.

«ولار مەكتەپتىڭ قامقورشىلىق كەڭەسىن قۇرىپ، قىزمەتىنە، ونىڭ ىشىندە دەمەۋشىلىك جارنالاردىڭ جۇمسالۋىنا جەتەكشىلىك ەتىپ وتىرادى. وعان شەكتەۋ قويىلماعان. ءبىز قارجى مينيسترلىگىمەن سويلەستىك. ولارعا مەكتەپتەن بولەك ەسەپشوت قۇرۋعا جانە اشۋعا رۇقسات بەرىلەدى. مەكتەپ اتالعان كەڭەستەر اراسىندا تۇسكەن قارجى، ونىڭ قايدا جۇمسالعاندىعى  تۋرالى ەسەپ بەرەدى. مۇنىڭ بارلىعىن جاساۋعا جارتى جىل بولىنگەن. ءبىز مۇنى جاسايمىز»، - دەدى ەرلان ساعادييەۆ.

---