ساعادييەۆ اتا-انالاردى ە-كۇندەلىكتى پايدالانۋعا ماجبۇرلەۋ فاكتىلەرىن تەكسەرەدى
ق ر ءبىلىم جانە عىلىم ءمينيسترى ەرلان ساعادييەۆ وقۋشىلاردىڭ انا-انالارىن ەلەكتروندى كۇندەلىك ەنگىزۋگە ماجبۇرلەۋ فاكتىلەرى راس بولعان جاعدايدا، مۇعالىمدەرمەن ءمان-جايدى انىقتاۋعا ۋادە بەردى.
«مەكتەپ ءوزى كەلىسىمگە كەلەدى. ەگەر اتا-اناسى كەلىپ، مەكتەپ ديرەكتورىنا: «ءسىزدىڭ ەلەكتروندى كۇندەلىك ەنگىزۋىڭىزدى قالامايمىن» دەسە، وندا مەكتەپ بەلگىلى ءبىر ارەكەتتەر جاساۋى ءتيىس. ءبىراق، اتا-انالاردىڭ مەكتەپكە كەلىپ، ەلەكتروندى كۇندەلىكتى ەنگىزبەۋدى تالاپ ەتكەندىگى تۋرالى اقپارات تۇسكەن جوق»، - دەدى ول ق ر ۇكىمەتىنىڭ سەلەكتورلىق رەجىمدەگى وتىرىسىنان كەيىن ب ا ق وكىلدەرىنىڭ ساۋالىنا وراي.
سونىمەن قاتار مينيستر وقۋشىلاردىڭ اتا-انالارىن اتالعان ەلەكتروندى بازاعا تىركەلۋگە ماجبۇرلەۋ فاكتىلەرى ورىن الاتىن بولسا، وندا سول اتا-انالاردىڭ جانە ءمۇعالىمنىڭ ءاتى-جونى اتاۋ قاجەتتىگىن باسا اتتى.
«سىزدەر ماعان سول اتا-انالاردىڭ جانە تىركەلۋگە ماجبۇرلەگەن ءمۇعالىمنىڭ اتى-جوندەرىن ايتىڭىزدار. سوندا ءبىز بۇل ءىستىڭ ءمان-جايىن انىقتايمىز»، - دەدى ەرلان ساعادييەۆ.
ايتا كەتەيىك، وتكەن جىلى تامىز كەڭەسىندە ق ر ءبىلىم جانە عىلىم ءمينيسترى 2017 جىلدىڭ سوڭىنا دەيىن ەلىمىزدىڭ بارلىق مەكتەپتەرىندە ەلەكتروندى كۇندەلىك ەنگىزىلەتىندىگىن ايتقان بولاتىن. جوبا قۇنى 30 ملرد. تەڭگەنى قۇرايدى. ول ينۆەستورلاردىڭ قارجىسى ەسەبىنەن وتەلمەك.
You Might Also Like
-
مەملەكەت تەحنيكالىق جانە كاسىپتىك ءبىلىم بەرۋ جۇيەسىنىڭ دامۋىنا، كاسىپتىك جانە تەحنيكالىق مەكەمەلەردە وقىتىلاتىن كاسىپتەر مەن ماماندىقتاردىڭ الۋاندانۋىنا اسا كوڭىل اۋدارىپ وتىر. نۇرسۇلتان ءابىش ۇلى نا...
-
ماڭعىستاۋ وبلىسى، جاڭاوزەن قالاسى №25 "تولاعاي" بالاباقشاسى مكقك-نىڭ №16 "جاس ۇلان" ماد توبىنىڭ تاربيەلەنۋشىسى: قادىروۆا امينا التىنبەك قىزى تاربيەشىسى: ازانوۆا جانار اليمبايەۆنا
