InfoHub Logo

ق ر ءبىلىم جانە عىلىم ءمينيسترى ەرلان ساعادييەۆ ۇكىمەت وتىرىسىندا بارلىق مەكتەپتەردى جىلدىڭ سوڭىنا دەيىن كەڭ جولاقتى ينتەرنەتپەن جانە Wi-Fi قىزمەتىمەن قامتاماسىز ەتۋدى سۇرادى.

«كەڭ جولاقتى ينتەرنەتپەن جانە Wi-Fi قىزمەتىن تارتۋ ىسىنە ءبىز اكىمدىكتەردىڭ اتسالىسقانى دۇرىس دەپ بىلەمىز. جاڭا وقۋ جىلىنان باستاپ ءبىز مەكتەپتەردى 100 پايىز كەڭ جولاقتى ينتەرنەتپەن جانە Wi-Fi قىزمەتىمەن قامتۋدى سۇرايمىز»، - دەيدى ۇكىمەت باسشىسىنىڭ الدىندا سويلەگەن ەرلان ساعادييەۆ.

سونىمەن قاتار، ءمينيستردىڭ ايتۋىنشا، قازاقستاندا عىلىمنىڭ ءبىرىڭعاي اقپاراتتىق جۇيەسى قۇرىلماق.

«بۇل ءبىلىم مەن عىلىم سالاسىن سيفرلاندىرۋ اياسىنداعى نەگىزگى باعىتتاردىڭ ءبىرى. ءبىز وسى باعىتتا جۇمىستى جالعاستىرامىز»، - دەيدى ەرلان ساعادييەۆ.

ايتا كەتسەك، بۇعان دەيىن جىلدىڭ سوڭىنا دەيىن 10 ميلليون ادامدى قامتيتىن 1،5 مىڭعا جۋىق اقپاراتتىق ءونىمدى شىعارۋ كوزدەلىپ وتىرعانىن اتاپ وتكەن ەدى. سونىمەن قاتار، ءمينيستردىڭ ايتۋىنشا، سيفرلاندىرۋ بويىنشا تۇسىندىرمە جۇمىستارى ءبىرىڭعاي رەسپۋبليكالىق مەدياجوسپار اقپاراتتىق ستراتەگياسى بويىنشا جۇزەگە اسىرىلاتىنىن ءمالىم ەتكەن.

 

---