ساعادييەۆ ۇكىمەت باسشىسىنا وتاندىق عىلىمدى دامىتۋ جوسپارىن باياندادى
6 ناۋرىز كۇنى ۇكىمەت ۇيىندە پرەمەر-مينيستر باقىتجان ساعىنتايەۆتىڭ توراعالىعىمەن ق ر ۇكىمەتىنىڭ جانىنداعى جوعارى عىلىمي-تەحنيكالىق كوميسسيانىڭ وتىرىسى ءوتتى، دەپ primeminister.kz سايتى حابارلايدى.
وتىرىس بارىسىندا وتاندىق عىلىمدى دامىتۋ ماسەلەسى تالقىلاندى. سونىڭ ىشىندە، 2018-2020 جىلدارعا ارنالعان عىلىمي، عىلىمي-تەحنيكالىق باعدارلامالاردى باعدارلامالىق-ماقساتتى قارجىلاندىرۋ جوسپارلارى قارالدى.
بۇل ماسەلە بويىنشا ءبىلىم جانە عىلىم ءمينيسترى ەرلان ساعادييەۆ بايانداما جاسادى.
سونداي-اق تالقىلاۋعا جوعارى عىلىمي-تەحنيكالىق كوميسسيا مۇشەلەرى قاتىستى: ق ر پرەمەر-مينيسترىنىڭ ورىنباسارى ە. دوسايەۆ، قورعانىس جانە اەروعارىش ونەركاسىبى ءمينيسترى ب. اتامقۇلوۆ، قارجى ءمينيسترى ب. سۇلتانوۆ، «قازاقستان رەسپۋبليكاسىنىڭ ۇلتتىق عىلىم اكادەمياسى» رەسپۋبليكالىق قوعامدىق بىرلەستىگىنىڭ پرەزيدەنتى م. جۇرىنوۆ، «قازمۇنايگاز» ءوندىرۋ جانە بۇرعىلاۋ تەحنولوگيالارى عىلىمي-زەرتتەۋ ينستيتۋتى» ج ش س باس ديرەكتورىنىڭ كەڭەسشىسى ج. كۇلەكەيەۆ جانە تاعى باسقالارى.
عىلىمي جانە عىلىمي-تەحنيكالىق باعدارلامالار ءارتۇرلى سالالاردا، سونىڭ ىشىندە تابيعي رەسۋرستاردى ۇتىمدى پايدالانۋ؛ ەنەرگەتيكا جانە ماشينا جاساۋ؛ اقپاراتتىق، تەلەكوممۋنيكاسيالىق جانە عارىشتىق تەحنولوگيالار؛ جاراتىلىستانۋ عىلىمدارى، ءومىر تۋرالى عىلىمدار جانە دەنساۋلىق سالاسىنداعى عىلىمي زەرتتەۋلەر، «ماڭگىلىك ەل» عىلىمي نەگىزدەرى جانە تاعى دا باسقا باعىتتار بويىنشا ۇسىنىلعان.
You Might Also Like
-
ورازوۆا جانات ەسەت قىزى اقتوبە وبلىسى حرومتاۋ قالاسى مەكتەپتەن تىس ءبىلىم بەرۋ ورتالىعى مقكك "ولەڭ ورنەكتەرى" ۇيىرمەسىنىڭ جەتەكشىسى
-
وقو شاردارا اۋدانى شاردارا قالاسى №16 كوللەدج ە-45 توپ ستۋدەنتى ءامىرقۇل نۇرعالي دۋيسەنباي ۇلى جەتەكشىسى: ە-45 توپتىڭ وندىرىستىك وقىتۋ شەبەرى اليپوۆ قالماحان
