سال كۇرەڭ
ەل ىشىندە ايگىلى ءبىر كۇيشىنىڭ جۇيرىك كۇرەڭ اتى بايگەنىڭ الدىن بەرمەيتىن كورىنەدى. قازاق-قىرعىز باس قوسقان ۇلكەن استا بۇكىل سىنشىلار بارلىق تۇلپاردى سىننان وتكىزە كەلىپ، كۇرەڭ اتتىڭ قاسىنا توقتايدى:
— قامىس قۇلاق، قوي جۇتقىنشاق، ۇڭگىر ساعاق، قۋىس قولتىق، قۇلان جال، بايگەنى وزگە الماس، سەن الارسىڭ، كۇرەڭ سال، — دەپ باعالاپتى.
ءبىراق ات كۇزەتۋشىنىڭ كوزىن الا بەرە قاسكوي بىرەۋ كۇرەڭ اتتىڭ تابانىنا شەگە قاعىپ جىبەرەدى. كۇيشى شەگەنى سۋىرىپ تاستاپ، ءبارىبىر بايگەگە قوسادى. توپ ىشىنەن اقساڭداي باسىپ شىققان كۇرەڭ اتقا قاراپ جۇرت:
— ءاي، اقساق اتتى بايگەگە قوسقان قاي اقىماق! — دەپ شۋلايدى. كۇيشى ەرەگەسكەندە ۇندەمەيدى. دەنەسى قىزا كەلە اياعىنىڭ اۋىرعانىن ۇمىتقان كۇرەڭ سايگۇلىكتەردىڭ بىرىنەن سوڭ بىرىنەن وزىپ، اقىرى ءبىرىنشى بولىپ كەلەدى.
ءبىراق مارەگە جەتكەن سوڭ-اق، اياعىن باسا الماي، سال بولىپ، جۇرۋدەن قالادى. كۇيشىنىڭ كۇرەڭنىڭ ساۋ كۇنىن ارمانداپ، سال كۇرەڭنىڭ ءجۇرىسىن سالىپ تارتقانى ەكەن...
You Might Also Like
-
ەرتەدە ءبىر وزەننىڭ جاعاسىندا جەتىم قىز بەن بالا بولىپتى. ول قىز قايىقتى جاقسى ەسەدى ەكەن. سول ماڭداعى بالالار بۇلارعا كەلىپ قايىقپەن ويناپ سەرۋەندەيدى ەكەن. ءبىر كۇنى قىز تاۋدان ءجۇزىم جيناۋعا كەتكەن...
-
ادامگەرشىلىككە جۇگىنە وتىرىپ، نەنى بولسا دا وڭ ىستەسەم، ول ءجان-تانىمدى قاناتتاندىرادى. دەمەك، رۋحاني قۇندىلىقتاردى بويعا ءسىڭىرۋ ماقساتىندا قابىلداعان دۇرىس شەشىمدەرىمدى - ومىرلىك ۇستانىمىم دەپ بىلە...
