قابىلداعان دۇرىس شەشىمدەرىم - مەنىڭ ومىرلىك ۇستانىمىم
ادامگەرشىلىككە جۇگىنە وتىرىپ، نەنى بولسا دا وڭ ىستەسەم، ول ءجان-تانىمدى قاناتتاندىرادى. دەمەك، رۋحاني قۇندىلىقتاردى بويعا ءسىڭىرۋ ماقساتىندا قابىلداعان دۇرىس شەشىمدەرىمدى - ومىرلىك ۇستانىمىم دەپ بىلەمىن. "بولماساڭ دا، ۇقساپ ب ا ق" دەگەندەي، تالپىنسام، شارق ۇرسام، وسى ماقسات-مۇراتىما جەتەمىن دەگەن ءۇمىت وتى ساۋلە بەرەدى. جەتى سانى قاسيەتتى، كيەلى ەكەنى ءمالىم. سوعان وراي، مەنىڭ دە جەتى ۇستانىمىم دىتتەگەن ماقساتىما جەتەلەپ، جەتىلدىرىپ، جەتكىزەدى دەگەن زور ۇمىتپەن قالاندى.
تارقاتىپ ايتار بولسام، اۋەلگى ۇستانىمىم - دەنساۋلىق. ءتاڭىردىڭ بەرگەن اماناتىنا قيانات جاساماۋ. دەنساۋلىعىڭ ساي بولسا، كوڭىلىڭ دە جاي بولارى انىق. دەنساۋلىق تا - عۇمىر سياقتى، ادامعا ءبىر-اق رەت بۇيىراتىن تابيعات تارتۋى. ەندەشە دەنساۋلىقتىڭ ءقادىرىن جاستان ءبىلۋ - ازاماتتىق بورىشىم دەپ بىلەمىن!
ەكىنشى ۇستانىمىم - ءبىلىم. ءبىلىم - جانعان شىراق! شىراعىمىز ەش سونبەسىن! بۋىنىم قاتپاي ءبىلىم السام، ودان اسقان بايلىق جوق. سەبەبى، "جاس كەزدە الىنعان ءبىلىم - تاسقا ويىلعان ناقىشپەن تەڭ!"
ءۇشىنشى ۇستانىمىم - ار - ۇيات (ابىروي). ارينە، ۇياتتى ءبىلۋ اركىمگە دە تەك پايدا كەلتىرەدى. ۇياتتىڭ تولىق بولعانى جاقسى، سەبەبى، ۇيات ۇنەمى جاقسىلىققا باستاپ جۇرەدى. سول ءۇشىن دە، ەشقاشان، ەش جەردە، ەش نارسەدەن ۇيات بولماۋىن قاداعالاعان ءجون.
ءتورتىنشى ۇستانىمىم - وزىمە، وزگەگە، ومىرگە دەگەن سىيلاستىق. بۇل - ەڭ قىمبات ميراس. ومىردە وكىنىپ قالماۋ ءۇشىن، كوڭىلىڭ پاك بولۋ ءۇشىن سىيلاسىپ وتكەنگە نە جەتسىن!
بەسىنشى ۇستانىمىم - اقيقات (شىندىق). اقيقات قاشان دا ءوزىن - ءوزى اقتاپ الادى. اقيقات جولىندا ازاپ شەكسەڭ دە، ول ۇلكەن - ابىروي. كۇندەردىڭ كۇنىندە سالتانات قۇرارى حاق!
التىنشى ۇستانىمىم - " سەن دە ءبىر كىرپىش دۇنيەگە، كەتىگىن تاپ تا بار قالان" دەپ، ۇلى اباي نۇسقاعانداي، مەن دە ءون بويىما رۋحاني ازىق الىپ، قوعامنىڭ كەتىگىنە جول تاباتىن كىرپىشى بولىپ، قالانسام دەيمىن!
جەتىنشى ۇستانىمىم - ۇلى ابايدىڭ بەس اسىلىن كوكەيىمە ۇيالاتۋ. "تالاپ، ەڭبەك، تەرەڭ وي، قاناعات، راقىم ويلاپ قوي". تاۋداي تالاپتانىپ، ەرەن ەڭبەك ەتىپ، تەرەڭ وي ءتۇيىپ، قاناعات قىلىپ، راقىمدى بولا بىلسەك، نۇر ۇستىنە نۇر بولىپ، بابامىز ايتقانداي، بىردەن-بىر كەمەلدەنگەن جان بولار ەدىك! وسىنداي اقىننىڭ اقىل-كەڭەستەرى اقىلىما سەپ. بۇل قۇندىلىقتارمەن ءومىرىم تولىققاندى بولادى.
وسىلايشا، قىسقا سوزگە قىرۋار ويىمدى سىيعىزا وتىرىپ، وسىناۋ بىلىكتىلىكتەردەن باياندى باقىت نىشانىن بايقاعاندايمىن. بۇگىنگى شەگەلەپ ايتقان سىرلى سوزدەرىم - ەرتەڭگى بولاشاعىمنىڭ التىن كوپىرى ىسپەتتەس! ءبارىمىز ءۇشىن دە ونەگەلى ءومىر ءسۇرۋدىڭ ءوزى ۇلكەن ەرلىك، اسقان مارتەبە!
ومىرلىك ۇستانىمىم،
ءدوپ سوققان ۇستالىعىم.
قابىلداپ دۇرىس شەشىم
قابىل بول! نۇسقا، ۇعىم.
الۋا ىرگەباي
You Might Also Like
-
ەل ىشىندە ايگىلى ءبىر كۇيشىنىڭ جۇيرىك كۇرەڭ اتى بايگەنىڭ الدىن بەرمەيتىن كورىنەدى. قازاق-قىرعىز باس قوسقان ۇلكەن استا بۇكىل سىنشىلار بارلىق تۇلپاردى سىننان وتكىزە كەلىپ، كۇرەڭ اتتىڭ قاسىنا توقتايدى:
-
ەرتەرەكتە بايلىق-بەرەكەسى شالقىعان، ءسان-سالتاناتى كەلىسكەن بايسارى دەگەن باي ءوتىپتى. مەكەنى ءور التايدىڭ سالقىن سابات اياسىنا بىتكەن مارقاكولدىڭ شۇيگىن جاعاسى بولسا كەرەك. «ءبىرى كەم دۇنيە»...
