سالاۋاتتى ءومىر سالتىن ۇستانامىز!
ءبىرىنشى بايلىق - دەنساۋلىق
حالىق دانالىعى
ءبىزدىڭ حالقىمىز «دەننىڭ ساۋلىعى – باستىڭ بايلىعى»-دەپ تەگىن ايتپاعان. ادام دەنساۋلىعىنىڭ جاقسارۋى سالاۋاتتى ءومىر سۇرۋمەن بايلانىستى. مەن «ايگولەك» جۋرنالىنان ەلباسىمىز نۇرسۇلتان ءابىش ۇلى نازاربايەۆتىڭ حالقىمىزدىڭ دەنساۋلىعىنا ءوز جولداۋىندا ۇلكەن ءمان بەرىپ، ازاماتتاردىڭ دەنساۋلىعىنا، قورشاعان ورتانىڭ تازا بولۋىنا كۇش سالۋ قاجەتتىلىگىن اتاپ ايتقانىن وقىدىم.
ەڭ ءبىرىنشى مەن ءوز پرەزيدەنتىمدى قولدايمىن ويتكەنى نۇرسۇلتان ءابىش ۇلى نازاربايەۆ ءبىزدىڭ قازاقستان رەسپۋبليكاسىنىڭ سپورتىنا كوپ ۇلەس قوستى. ەلباسىمىز ءوزى دە شاحمات، تەنيس ويىندارىن جاقسى وينايدى. نۇرسۇلتان اتامىزدىڭ سالاۋاتتى ءومىر سالتى بىزگە ۇلگى. سپورت دەگەنىمىز ول ءبىزدىڭ دەنساۋلىعىمىزدىڭ كەپىلى.
مەن ءوزىم ۆولەيبول ويىنىن جاقسى كورەمىن. مەنىڭ جەرلەسىم سابينا التىنبەكوۆا سياقتى اتاقتى بولعىم كەلەدى. مەن دە بولاشاقتا قازاقستان قۇراماسىندا ويناپ، ۇلكەن سايىستارعا قاتىسۋدى ارماندايمىن. ءى ورىندى يەلەنىپ، كوك تۋدى جەلبىرەتە، ءانۇراندى اسقاقتاتا ويناتىپ، كوزىمنەن قۋانىش جاسى شىعىپ، وزىممەن بىرگە اتا-انامنىڭ قۋانعانىن دا كوز الدىما ەلەستەتىپ، قيالدايمىن. سوندىقتان دا مەن ءوز قيالىمداعى كورىنىستىڭ شىنعا اينالۋى ءۇشىن وسى كەزدەن سپورتقا دەن قويىپ ءجۇرمىن. ادام بالاسى ءۇشىن ەڭ قىمباتتىسى - ونىڭ دەنىنىڭ ساۋلىعى.
ءبىراق كەيبىر كەزدە كوشەدە كەلە جاتىپ تەمەكى تارتقان، اراق ىشكەن اعا-اپالارىمدى كورگەندە اشۋىم كەلەدى. ولار وزدەرىن وزدەرى زياندى زاتتارمەن ۋلاپ جۇرگەنىن تۇسىنەدى ما ەكەن؟ ال مەن كىشكەنتاي بولسام دا سالاۋاتتى ءومىر سالتىن قولدايمىن.
ءوزىم وقيتىن «اقتوبە وبلىستىق تۋبەركۋلەز-ساناتورياسى مەكتەپ-ينتەرناتى» كمم-سىنىڭ ۇستازدارى مەن تاربيەشىلەرى ءارقاشاندا سپورتپەن اينالىسىپ، سالاۋاتتى ءومىر ءسۇرۋدىڭ ماڭىزدىلىعىن ءتۇسىندىرىپ كەلەدى. سونىمەن قاتار «ءبىز سپورتتى سۇيەمىز!»، «تازالىق-دەنساۋلىق كەپىلى» ت.ب. تاقىرىپتاردا سپورتتىق ەستافەتالىق ءىس-شارالار،تاربيە ساعاتتارى ءجيى وتكىزىلىپ وتىرادى. ءبىز وسىنداي شارالارعا قۋانا قاتىسامىز. سەبەبى، ءبىز سالاۋاتتى ءومىر سالتىن قولدايمىز!
«اقتوبە وبلىستىق تۋبەركۋلەز-ساناتورياسى مەكتەپ-ينتەرناتى» كمم-سىنىڭ
5-سىنىپ وقۋشىسى باقتىعالي ناعيم
You Might Also Like
-
قىزىلوردا وبلىسى، جالاعاش اۋدانى، اقارىق اۋىلى №124 ورتا مەكتەبىنىڭ 3 «ب» سىنىپ وقۋشىسى: سەيدۋالي نۇرداۋلەت باستاۋىش سىنىپ ءمۇعالىمى: سارسەنوۆا ايسۋلۋ بەيسەنوۆنا
-
ءار ساباعى بولىپ ءوتىپ تاعىلىم، ءار شاكىرتتىڭ وياتاتىن تانىمىن. مەيلى، ەسەيىپ كەتسە دە سول ۇل-قىزى، ساناسىندا جۇرە بەرەر ءالى كۇن، ۇستاز دەگەن – مارتەبەلى ءبىر ەسىم. ءومىرىنىڭ ماعىنالى شاقتار...
