ساپالى دايىندىق - ناتيجە كەپىلى!
ءوزىم وسى جىلعى مەكتەپ بىتىرۋشىلەردىڭ ءبىرىمىن. بايقاۋ تەستىلەۋىنەن الىپ جۇرگەن ۇپايىم كوڭىل كۋانتپايدى . وسى سەبەپتى دە قوسىمشا ءبىلىم بەرۋ ورتالىقتارىنا بارۋعا تۋرا كەلدى. ال ۇستازدار بيىلعى ۇلتتىق تەستىلەۋگە مەكتەپ جاۋاپتى ەمەس دەۋمەن جالتارۋدا. بارلىعى دەرلىك ەمەس. شىنايى جاناشىرلىق تانىتىپ كومەكتەسىپ جۇرگەن ۇستازدارىما العىس ايتامىن . دەگەنمەن ولاردىڭ ىشىندە ماعان كەرەكتى ءپان مۇعالىمدەرى جوق.
مەن وقيتىن مەكتەپتىڭ 64 تۇلەگى مەن بيل جانە ەكونوميقالىق ليسەيدىڭ 150-دەن اسا بىتىرۋشىلەرىن قوسقاداعى جالپى سانى 200-دەن اسادى.ولاردىڭ 72 %-ى قوسىمشا ءبىلىم بەرۋ ورتالىقتارىنا بارۋدا . باسىم كوپشىلىگى، ياعني 32%-ى شەت ءتىلىن، 23%-ى فيزيكانى، 20% -دان كوبى باسقا دا پاندەردى وقىتاتىن ارنايى كۋرستارعا قاتىسادى. مەنىڭ قاراستىرىپ وتىرعانىم وبلىستاعى مامانداندىرىلعان تەرەڭدەتىپ وقىتاتىن مەكتەپتەردىڭ دەڭگەي كورسەتكىشى.مۇنان باسقا جالپى ءبىلىم بەرەتىن مەكتەپتەردىڭ جاعدايىن ايتپاساق تا تۇسىنىكتى. ولاردىڭ كولەمى مۇنان دا كوپ، مۇنان دا اۋقىمدى. ورتالىقتارعا بالالار ءبىلىمىن جەتىلدىرۋ ءۇشىن بارادى. ارينە جاستارىمىزدىڭ بۇل ىزدەنەسىنى كوڭىل قۋانتادى. الايدا ءبىر قىنجىلتاتىنى ورتالىق باسىنداعىلاردىڭ بۇل تالپىنىستى تابىس كوزىنە اينالدىرۋى. قوسىمشا كۋرستارداعى ۇيرەتۋ پروسەسىنىڭ ءجاي ءوتۋىنىڭ سىرى دا وسىندا. كۋرسقا قانشا ۇزاق قاتىساسىز، سونشالىقتى كوپ اقشا تولەيسىز.ال بۇل ورتالىقتاردىڭ باعاسى مەنىڭ انامنىڭ ءبىر ايلىق جالاقىسىنا تاتيدى.
وسى ايدا ءوز بەتىممەن دايىندالعىم كەلدى.الدىما كىتاپ جايىپ ، قولىما قالام الدىم ، بار زەيىنىمدى وسى جولعا سالدىم. ەسەسىنە كۋرستا ءبىر ايلاپ وتكەن تاقىرىپتاردى ەكى اپتادا مەڭگەرە الدىم. وندا بەرىلەتىن ءبىلىم مەكتەپ قابىرعاسىندا وتىلەتىن تاقىرىپتاردى قامتيدى. ارتىق ەشتەڭە جوق. ەڭ باستىسى ەڭبەكتەنىڭىز. ““بۇيىرعان كەتپەيدى، جۇگىرگەن جەتپەيدى”، ەڭبەگى اقتالماعان قانشاما تۇلەكتەر بار” – دەپ، ويلاپ وتىرعان شىعارسىز. ايتسەدە بۇيىرۋ ءۇشىن جۇگىرۋ كەرەكتىگىن ۇمىتپاعايسىز.
وقىرمان، ەگەر ءسىز تومەنگى سىنىپ وقۋشىسى بولساڭىز قازىردەن ەڭبەكتەنىڭىز.كىتاپ بەتىندەگى ءاربىر قۇندى مالىمەتتەردى ءتۇرتىپ الىپ وتىرىڭىز.سوندا عانا مەجەسىنە جەتكەندە مەن سەكىلدى سان-ساققا جۇگىرمەيسىز. ال ءبىتىرۋشى تۇلەك بولساڭىز مەنىڭ جاي-كۇيىممەن تانىس شىعارسىز. سىزگە مۇقالماس جىگەر، رۋحاني كۇش قايرات تىلەيمىن! ەڭ باستىسى ءوز كۇشىڭىزگە سەنىڭىز.
You Might Also Like
-
سىزدەردىڭ نازارلارىڭىزعا پەداگوگ رەتىندە الەمدىك تانىمالدىققا يە بولعان بەس ايەلدىڭ تاريحىن ۇسىنامىز. ولاردىڭ كوبى ءوز ماماندىقتارىن جاڭاشىل باعىتتا ۇستانىپ، بارلىعى دەرلىك تاريحقا ەنگەن. بۇل ايەلدە...
