سارسەنكۇل اپاي
«سارسەنكۇل اپاي». بۇل قۇرساي اۋىلىنىڭ ۇلكەنى دە، كىشىسىنە دە جاقسى تانىس التىن ەسىم. ويتكەنى، سارسەنكۇل جۇماقوۆا وسىنداعى «قۇرساي» سەگىزجىلدىق مەكتەبىندە ءمۇعالىم بولىپ جۇمىس ىستەگەن. ءوزىنىڭ تىنباي ىزدەنۋىمەن، جۇمىستى بار ىنتا-جىگەرمەن اتقارۋىمەن وقۋشىلاردىڭ دا، ارىپتەس مۇعالىمدەردىڭ دە ءىلتيپاتىنا بولەنگەن قۇرمەتتى ۇستاز.
سارسەنكۇل اجەمىزدىڭ ۇستازدىق ەتكەنىنە 33 جىل بولدى. ول جىلداردا ونىڭ قولىنان قانشالىقتى جاس تۇلەپ ۇشىپ، ەسەلى ەڭبەگىمەن، عىلىمداعى تابىستارىمەن ەلگە تانىلعان ازامات شىقتى. ولاردىڭ اراسىندا سارسەنكۇل اپايلارىنىڭ جولىن قۋىپ، ۇستاز بولعاندارى قانشاما. ءتىپتى اپايلارىنا ەلىكتەپ فيزيكا عىلىمىنىڭ سوڭىنا تۇسكەندەرى، بۇل جولدا ەداۋىر تابىستاردى ەنشىلەپ وتىرعاندارى دا بار.
— قازىرگى عىلىمي-تەحنيكالىق پروگرەسس زامانىندا، دەيدى بايىرعى ۇستاز، — فيزيكا عىلىمىنىڭ الدىندا قويىلىپ وتىرعان تالاپتار اۋقىمدى دا كۇردەلى. سوندىقتان ول كۇن ساناپ قارىشتى قاداممەن وسۋدە. ونىڭ تابىستارىنان، عىلىمدا بولىپ جاتقان جاڭالىقتاردان قول ءۇزىپ قالدىڭ-اق جۇمىسىڭنان ءمان بەرمەي ءمان كەتتى دەي بەر. ويتكەنى، كەشەگى بىلگەنىڭ بۇگىنگە ولشەم ەمەس. وقۋشىلاردى تەك مەكتەپ باعدارلاماسىمەن عانا شەك قويماي، ولارعا بۇل وسكەلەڭ دە ورەسى بيىك عىلىمنىڭ قازىرگىسى، كەلەشەگى جايلى كەڭ ماعلۇمات بەرىپ وتىرۋ كەرەك. سوندا عانا وقۋشىلار سەنىڭ ساباعىڭا زەيىن قويىپ، قىزىعا ىزدەنەتىن بولادى.
ءيا، بۇل سارسەنكۇل جۇماقوۆا اجەمىزدىڭ سوناۋ ۇستازدىقتى مۇرات تۇتقان العاشقى جىلدرادان-اق بەرىك ۇستانعان ءداستۇرى. وسى داستۇرگە بەرىك ول وتىز ءۇش جىلدىڭ ىشىندە ءوزى وقىتقان بالالاردىڭ ساناسىنا ءبلىم ءنارىن قۇيۋدان ەش جالىققان ەمەس. وعان ءتان قاسيەتتەردىڭەڭ باستىسى — ەڭبەكسۇيگىشتىك. سارسەنكۇل اجەمىز سوناۋ ستۋدەنت كەزىنىڭ وزىندە ىزدەنىشتىگىمەن، ەڭبەكسۇيگىشتىگىمەن كوزگە تۇسكەن بولاتىن. ول شىمكەنت پەداگوگيكا ينستيتۋتىندا وقىپ جۇرگەن كەزىندە تالاي عىلىمي باياندامالار جاساپ، قۇربىلارىنىڭ كوزىنە ءتۇستى. اۋىل شارۋاشىلىعى جۇمىستارىندا بەلسەندى جۇمىس ىستەگەنى ءۇشىن قازاق سسر جوعارى سوۆەتىنىڭ قۇرمەت گراموتاسىمەن ناگرادتالدى، سسر حالىق شارۋاشىلىعى جەتىستىكتەرى كورمەسىنىڭ مەدالىن الدى.
ول ۇستاز بولىپ ەڭبەك ەتكەن جىلداردا دا تالاي ناگرادالارعا يە بولدى. ونىڭ جاساعان باياندامالارى سان رەت اۋدانادىق، وبلىستىق پەداگوگيكالىق وقۋلاردا جوعارى باعا الدى. بۇل ءۇشىن ول اۋداندىق، وبلىستىق وقۋ بولىمدەرىنىڭ گراموتالارىمەن بىرنەشە رەت ناگرادتالدى.
ءوز ماماندىعىنا بايلانىستى تالماي ىزدەنىمەن بىرگە سارسەنكۇل اپاي قوعامدىق جۇمىستارعا دا بەلسەنە ارالاسادى. وتىز جىلدان بەرى كپسس مۇشەسى سارسەنكۇل جۇماقوۆا سول جىلداردا بارىنە ناعىز كوممۋنيستكە ءتان قاسيەتپەن پارتيا ساياساتىن ناسيحاتتاۋعا ۇلەسىن قوسىپ كەلدى. ناسيحاتشى رەتىندە ول اتقارعان جۇمىستار، بۇل ورايدا ونىڭ وسى كۇنگە دەيىن قول جەتكىزگەن تابىستارى ءوز الدىڭا اڭگىمە ەتۋگە تۇرارلىق.
اسەل رىسبەكوۆا
You Might Also Like
-
جولبارىس تاسادا تىعىلىپ جەمتىگىن كۇتىپ جاتتى. جىلدام جۇگىرىپ كەلە جاتقان سىلەۋسىندى كوردى.
-
الدار كوسە ءبىر كۇنى كەلە جاتسا، ءبىر جەردەن قۋ جاۋىرىن تاۋىپ الىپ، سۇيەك قايناتىپ وتىرعان بىر-ەكى قاتىندارعا جولىعىپ، امانداسىپ بولىپ، الدار كوسە «مەن ءبىر ايلا قىلايىن»! دەدى. ءسويتىپ، قا...
