InfoHub Logo

ماردان بايدىلدايەۆ اتىنداعى
№ 232 ورتا مەكتەپتىڭ 2022 - 2023 وقۋ جىلىنداعى «ءسات ساپار، ساعان جاس تۇلەك!» اتتى سالتاناتتى جيىننىڭ سەناريي
ۋاقىتى: 25 مامىر ساعات 9 - 00
(بارلىق وقۋشىلار سىنىپ بويىنشا ساپقا تۇرعىزىلعان. مەكتەپ اۋلاسى شار، جالاۋشالارمەن بەزەندىرىلگەن.
بي: «سوڭعى قوڭىراۋ»
فونفارى. كوڭىلدى اۋەن مۋزىكاسىمەن ورتاعا جۇرگىزۋشى شىعادى.
1 - جۇرگىزۋشى: ارمىسىزدار، قۇرمەتتى ۇستازدار مەن وقۋشىلار!
2 - جۇرگىزۋشى: قايىرلى كۇن، ءقادىرلى اتا - انالار مەن قوناقتار!
1 - جۇرگىزۋشى: 2022 - 2023 وقۋ جىلىنىڭ اياقتالۋ قۇرمەتىنە ارنالعان، 11 جىل بويى تاربيە مەن ءبىلىم ءنارىن بويىنا قۇيىپ، ۇستازدارىنا اناسىنداي ەركەلەپ، بالالىق شاعىن الاڭسىز وتكىزگەن جاس تۇلەكتەردىڭ – مەكتەپپەن، الىپپەدەن باستاپ ءومىر زاڭدارىنا دەيىن ۇيرەتكەن ۇستازداردىڭ – شاكىرتتەرمەن قوشتاسۋ مەرەكەسى «ءسات ساپار، ساعان جاس تۇلەك» اتتى سوڭعى قوڭىراۋ مەرەكەسىنە قوش كەلدىڭىزدەر!
2 - جۇرگىزۋشى: مەكتەپ - ءبىلىم ايدىنىنداعى ۇلكەن كەمە. تاۋەلسىز قازاقستاندا وركەنيەتكە باستار جولدىڭ باستاۋى - مەكتەپ دەسەك، مەكتەپتىڭ باستى تۇلعاسى، جۇرەگى - ءمۇعالىم. مەكتەپتە وتكەن ۋاقىت ادام ومىرىندەگى شاتتىققا تولى كەزدەر. ءدال وسى كەزدەر ەڭ جارقىن ەستەلىكتەر بولىپ قالماق. بيىلعى جاس تۇلەكتەر مەكتەپ تابالدىرىعىن تارىداي بولىپ 2006 جىلى اتتاپ، ون ءبىر جىل بويى ءبىلىم نارىمەن سۋسىنداپ، بالعىن بالالىق شاعىن وتكەرىپ، ۇمىتىلماس ەستەلىكتەر مەن ۇلاعاتتى ۇستازدارمەن قوشتاسىپ، ءدال وسى كۇنى 2023 جىلى تاۋداي بولىپ باياندى بولاشاققا قاراي بەت العالى وتىر. كوزدى اشىپ جۇمعانشا11 جىلدىڭ قالاي وتكەنى دە بايقالمادى.
سوڭعى قوڭىراۋ وسى جىلى تۇلەكتەر ءۇشىن راسىندا دا سوڭعى رەت سوعىلادى. جاس تۇلەكتەرگە ۇلكەن ومىرگە جولداما بەرىپ، اق جول تىلەيمىز....
1 - جۇرگىزۋشى جاس جۇرەكتىڭ ومىرلىك قۇشتارى گۇل،
باعبان ۇستاز باۋلىعان قۇستارى بۇل.
قوشتاسىپ بۇگىنگى كۇن ۇياسىنان،
سول قۇستاردىڭ ءبىر توبى ۇشقالى تۇر
2 - جۇرگىزۋشى: ۇرپاعىڭ ماقتانۋعا بولسا لايىق،
ءبىز بۇگىن ماقتانايىق جار سالايىق.
بيىلعى 11 - ءشى سىنىپ تۇلەكتەرىن
قۇرمەتپەنەن قول سوعىپ قارسى الايىق.
سىنىپ جەتەكشىسى. ابىشيەۆا ناعيما
جاي مۋزىكامەن 11 سىنىپ وقۋشىلارى ورتاعا شىعادى، تۇلەكتەر ورىندارىنا كەلىپ تۇرادى.
1 - جۇرگىزۋشى
قۇرداستار، سىنىپتاستار، پارتالاستار،
شاكىرتتەر ءبىر كەزدەگى بالعىن جاستار.
10 جىل. 25 جىل مەكتەپتى بىتىرگەلى
باستارىن قوسقالى وتىر، بۇگىن دوستار.
2 – جۇرگىزۋشى: بۇگىنگى ءبىزدىڭ سالتاناتتى جيىنعا مەكتەپتى جىلى بىتىرگەن تۇلەكتەر، ياعني 10 جىلدىق، 25 جىلدىق كەزدەسۋگە كەلگەن سىنىپتاستار قوناققا كەلىپ وتىر. ەندەشە سالتاناتتى جيىن الاڭىنا وسىدان 10 جىل، 25 جىل بۇرىنعى مەكتەپ تۇلەكتەرىن شاقىرامىز.
/كەلىپ ورنالاسادى/
سارييەۆ بولات اعاي (ءااد ءپانى ءمۇعالىمى): مەكتەپ وقۋشىلارى! تۇزەلىپ تىك تۇرىڭدار! قازاقستان رەسپۋبليكاسىنىڭ مەملەكەتتىك تۋىنا قاراپ ساپ تۇزەڭدەر!
قازاقستان رەسپۋبليكاسىنىڭ گيمنى ورىندالسىن! (مۋزىكا اۋەنىمەن ايتىلادى)
1 - جۇرگىزۋشى قۇرمەتتى قوناقتار، ۇستازدار، اتا - انالار مەن وقۋشىلار! «ءسات ساپار، ساعان جاس تۇلەك» اتتى سالتاناتتى مەرەكەمىزدى اشىق دەپ جاريالاۋعا رۇقسات ەتىڭىزدەر!
بۇگىن - العاشقى قوڭىراۋ مەن سوڭعى قوڭىراۋدىڭ اراسىن جالعاعان 11 جىلدىڭ مارەگە جەتكەن كۇنى.
بۇگىن – ۇستازىڭنىڭ جانىندا شاكىرت بولىپ سوڭعى رەت توپتالعان كۇن.
بۇگىن - مەكتەپ تاريحىندا، مەكتەپ ءبىتىرۋشى تۇلەكتەر ەسىندە ماڭگى وشپەيتىن كۇن.
2 - جۇرگىزۋشى مەكتەبىم، ارداقتى التىن بەسىگىم.
وڭىرگە ايان، سەنىڭ داڭقىن، ەسىمىڭ.
ءبىلىم قۋعان ۇل - قىزىنا قازاقتىڭ
جومارت جولمەن كەڭ اشىلعان ەسىگىڭ
1 - جۇرگىزۋشى تالاي قىزىق بالالىقتى ءبىر كەشتىك،
مەكتەپپەنەن ەسەيىپ ءبىز بىرگە وستىك.
بۇگىن، مىنە سوڭعى قوڭىراۋ كۇنىندە
قيا المايتىن پاك سەزىممەن ۇندەستىك.

ءسات ساپار ساعان جاس تۇلەك. جۇكتەۋ