الماتى اكىمدىگى كيىمى ءۇشىن وقۋشىلاردى ساباققا كىرگىزبەگەن مەكتەپ باسشىلىعىنا قاتىستى پىكىر ءبىلدىردى
الماتى قالاسىنىڭ تۇرعىنى، كوپ بالالى انا جاننا كيم «قازاقپارات» حاا تىلشىسىنە بالالارى نە ءۇشىن جاڭا وقۋ جىلىندا ساباقتان قالعانىن ايتىپ بەردى.
وقۋشىلاردىڭ ءبىلىم ورداسى تابالدىرىعىن اتتاي الماۋىنا مەكتەپ ديرەكتورىنىڭ ورىنباسارى كىنالى كورىنەدى.
جاننا كيم ەرى ەدۋارد ەكەۋى 10 بالا تاربيەلەپ وتىر. ولاردىڭ تورتەۋىن 2 قىركۇيەك كۇنى مەكتەپ ديرەكتورىنىڭ وقۋ ءىسى جونىندەگى ورىنباسارى ساباققا كىرگىزبەي قويعان. سەبەبى، ولاردىڭ كيىمى مەكتەپ باسشىلىعىنا ۇناماعان.
«مەنىڭ ۇلىمنىڭ اياعىندا قاراكوك ءتۇستى موكاسين بولدى. وعان مەكتەپ باسشىلىعى تۋفلي كيىپ كەلۋدى تالاپ ەتتى. ونىمەن قويماي، شاشىڭ دۇرىس الىنباعان دەپ تيىسكەن. ال ءۇش قىزىم شالبار كيىپ بارعانى ءۇشىن جازىقتى بولىپ وتىر. ول شالبارلار مەكتەپتەن بولىنگەن فورمامەن بىرگە كەلگەن»، - دەيدى كۇيىنگەن كوپ بالالى انا جاننا كيم.
وسى وقيعادان كەيىن بالالاردىڭ اكەسى مەكتەپكە ءمان-جايدى انىقتاۋ ءۇشىن بارعان. وعان ق ر ءبىلىم جانە عىلىم ءمينيسترىنىڭ بۇيرىعىن كورسەتكەن. ءبىراق، ونىڭ ىشىندە مىندەتتى تۇردە تەك يۋبكا كيىپ، ساباققا تۋفليمەن كەلۋ قاجەت دەگەن شارت جازىلماعان.
«وسىنى ديرەكتوردىڭ ورىنباسارىنا ايتىپ ەدىم، ول تىڭداماستان تەرىس بۇرىلىپ كەتتى»، - دەيدى ەدۋارد كيم.
«انىقتالعانداي، مۇنداي جاعدايعا تاپ بولعان بىزدەر عانا ەمەس ەكەن. كوپتەگەن اتا-انا وسىنداي شاراسىز كۇيدە وتىر. ءبىر قىزدى مەكتەپكە قىرلى يۋبكا كيىپ كەلگەنى ءۇشىن كىرگىزبەي قويعان. سول سياقتى مىسال جەتەرلىك. مەن وسىنداي جاعدايعا تاپ بولعان اتا-انالاردى جيناپ، ارىز جازۋدى ويلاستىرىپ وتىرمىن. بالالاردى نە ءۇشىن ساباققا كىرگىزبەگەنىنە جازباشا تۇردە جاۋاپ العىمىز كەلەدى. ەگەر بالالار شاشىن كۇلگىن تۇسكە بوياپ، ءۇي كيىمىمەن بارسا، وندا قانداي سىن ايتىلسا دا كونەر ەدىك. بالالارىمىز مەكتەپ ەرەجەسىنە ساي كيىنىپ باردى. ءبىز كوپ بالالى وتباسىمىز، ءبىرىن قويىپ، ءبىرىن ساتىپ الۋعا جاعدايىمىز جەتە بەرمەيدى، قالتامىز كوتەرمەيدى»، - دەيدى جاننا كيم.
بۇل وقيعاعا قاتىستى الماتى قالاسىنىڭ ءبىلىم باسقارماسى تۇسىنىك بەردى.
ۆەدومستۆو ماماندارىنىڭ ايتۋىنشا، بۇل جەردە مەكتەپ اكىمشىلىگىنىڭ ارەكەتى زاڭسىز.
«جالپى ءبىلىم بەرۋ ۇيىمدارى مىندەتتى مەكتەپ فورماسىنا بايلانىستى ق ر ءبىلىم جانە عىلىم ءمينيسترىنىڭ 2016 جىلعى 14 اقپانىنداعى بۇيرىعىنا سۇيەنەدى. وندا ۇل بالالار ءۇشىن مەكتەپ فورماسى رەتىندە پيدجاك، جيلەت، شالبار، سالتاناتتى شارا جەيدەسى، كۇندەلىكتى كويلەك بەكىتىلگەن.
ال قىز بالالار ءۇشىن پيدجاك، يۋبكا، شالبار، كلاسسيكالىق ۇلگىدەگى كەۋدەشە بەكىتىلگەن»، دەپ اتاپ ءوتتى قالالىق ءبىلىم باسقارماسىنان.
سونىمەن قاتار، ۆەدومستۆو ماماندارى بارلىق سۇراقتار بويىنشا (272-11-00) سەنىم بىلدىرىلگەن تەلەفون نومىرىنە حابارلاسۋدى سۇرادى.
تاعى وقىڭىزدار:
دەپۋتات: جوعارى سىنىپ وقۋشىلارى ارنايى اسكەري فورما ساتىپ الۋعا ءماجبۇر
قاتتى كەرەك بولسا - قالتالارىنان تولەپ اپەرسىن
You Might Also Like
-
بۇگىن ماجىلىستەگى كوممۋنيستەر فراكسياسىنداعى ايقىن قوڭىروۆ باستاعان دەپۋتاتتار ءبىلىم جانە عىلىم ءمينيسترى ە.ساعادييەۆ پەن سۋ جاڭا قورعانىس ءمينيسترى س.جاسۇزاقوۆقا قىزىق ءارى ادىلەتتى تالاپ قويدى.
-
قازاقستان بالالار زورلىق-زومبىلىعىنىڭ الدىن الۋ تاجىريبەسىن تاراتۋدا دونور ەلگە اينالدى. بۇل پىكىردى بۇگىن ورتالىق ازيا ەلدەرىنىڭ جابىق مەكەمەلەرىندەگى بالالارعا قاتىستى زورلىق-زومبىلىقتى بولدىرماۋ...
