InfoHub Logo

جازداي جادىراڭقى كوڭىل كۇيىم الىپ ۇشىپ،وزىڭمەن كەزدەسەتىن ۋاقىتتى اسىعا كۇتتىم.ۋاقىت باياۋلاپ وتەر ەمەس،كۇندەي قۇلپىرعان بەينەڭ ەسىمنەن كەتەر ەمەس،ارينە بۇل بەكەر ەمەس.كوڭىلىم كوكتەمدەي قۇلپىرىپ،جۇزىمە رەڭ كىرە باستادى.جابىرقاعان ءجۇزىم تيىلىپ،ەرىكسىز جىميىپ سۋرەتىڭە تامسانىپ قاراۋمەن بولدىم.وسىدان 2 جىل بۇرىن سەن سىيعا تارتقان ورامالىڭدا قولىمدا ەدى.سەنى ساعىنعان كەزدە ورامالىڭدى جانىما سەرىك ەتتىم.سەنىڭ كىرشىكسىز پاك رياسىز سەزىمىڭ سىنگەن ورامال،جابىرقاعاندا جانىما جالاۋ بولدى.مۇڭايىپ سونەردەي شوق بولعان كەزدە جىگەرىمدى ۇرلەگەن الاۋ بولدى.

ارعىماقتاي زۋلاعان ۋاقىت قۇددى ءبىر توقتاعانداي كۇي كەشتىم.قىستىڭ بەت قاراتپاس ايازىندا قولىما گۇل الىپ،ۆوكزالعا كەلدىم.ارينە سەن سىيعا تارتقان ورامالىڭدا بار.جانىمدى جىلىتار ساتتە كۇننىڭ ەپ بەرمەس ىزعار بولۋىن قاراساڭشى.تۇلا بويىم توڭىپ،اياقتى-اياققا سوعىپ مەن تۇرمىن.ءبىراق كوڭىلىڭدەگى،ومىرىڭدەگى ارۋدى ويلاساڭ جانىڭ جايلانىپ جىلي باستايدى.ۋاقىت جاقىنداعان سايىن جۇرەك دۇرسىلىدە سوعا ءتۇستى.ءبىر ورىندا تۇرا الار ەمەسپىن.ادەتتە ۆوكزال xابارلاۋشى دىبىس ۇنامايتىن.ءبىراق بۇگىن "الماتى-اتىراۋ جۇردەك پويىزى 1 جولعا كەلىپ توقتادى" دەگەنى جانىما مايداي جاقتى.كوپتەن كۇتكەن ساتتە كەلدى.مىنە باقىت.سانسىز ادام ىشىنەن ءوزى دە جانىما ەرەكشە كورىندى.كىلت توقتادى.قۋانىشتىڭ جاسى كوزىنەن ەرىكسىز شىقتى.چەمودانىن تاستاپ ماعان قاراي باياۋلاپ جۇرە باستادى.مەن وز-وزىمە ءالى دە سەنەر ەمەسپىن.مەندە ىلگەرى ءجۇردىم.2 جىل ىشىندەگى ساعىنىش،ونى ويلاپ جابىرقاعان كۇندەرىم،سۋرەتىنە تەلمىرىپ وتكەن تۇندەرىم،ءبارى ءبارى قۇشاعىما العان ساتتە ەستەن عايىپ بولدى.كوزىمدى تاس جۇمىپ،بولەك الەمدە جۇرگەندەي بولدىم.وسى كۇنگە دەيىن مۇڭايعان كەزدە جانىما سەرىك بولىپ،جانىما جالاۋ بولىپ،جىگەرىمدى قايراپ،ءۇمىت بەرگەن ارينە سەن سىيعا تارتقان ورامال ەدى.سول ورامالدى وزىنە كەرى تاپسىردىم.سەبەبى جۇرەگىمدى جاۋلاعان ارۋىم مەنىڭ قاسىما ماڭگىگە كەلدى.

اقنيەت سارباسباي

ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتى، جۋرناليستيكا ماماندىعىنىڭ 2 كۋرس ستۋدەنتى.

---