جاتاقحانا — جانعا جايلى ءتاتتى ءۇيىڭ
جاتاقحانا. بۇل سوزدە كوپ ماعىنا جاتىر. بۇل جەردەن مەن كوپ دوستار، جانىما جاقىن جانداردى تاپتىم. جاتاقحانا وتە قىزىق جەر. مۇندا قىزىق ساتتەر كوپ. قاسىڭداعى دوستارىڭمەن نە كورمەيسىڭ؟ توقشىلىقتى دا، اشتىقتى دا بىرگە باستان كەشەمىز. جەۋگە اس تاپپاعاندا، ءار بولمەگە بارىپ ءبىر كارتوپتان سۇراپ، ون شاقتى كارتوپ جيناپ الاتىنبىز. ودان تاعى بولمە ارالاپ، ماي سۇرايسىڭ. ايتەۋىر، ءايتىپ-بۇيتىپ ءدامدى تاماق دايىن قىلامىز. اۋىلدان اقشا مەن تاماق كەلسە، ءبىر كۇندە جوق بولادى. تاعى ءبىر قىزىعى، كەزەكپەن ءىشتى، ورتانى جۋۋ. اندا-ساندا سول ءۇشىن كورشى قىزدارمەن رەنجىسىپ قالامىز. ساباقتان كەلە سالا تەلەفون قاراپ جاتا قالۋ،كەشكە جاقىن تاماق ىزدەپ دالىزگە شىعاتىنىمىز دا وزىنشە ءبىر قىزىق. "كىم ءبىزدى قوناققا شاقىرادى ەكەن" دەپ جۇرەتىنىمىز دە بار.
جىگىتتەر مەن قىزدار بولىپ جينالىپ گيتارامەن ولەڭ ايتامىز. كەيدە تومەندەگى باسقالاردىڭ اياق كيىمىن كيىپ كەتەسىڭ. ولار ءار بولمەنىڭ ەسىگىن قاعىپ، ىزدەپ جۇرەدى.
دوستىقتارىڭدى ىشكە كىرگىزگىڭ كەلسە، ۆاحتەرشا اپايدان ارەڭ دەگەندە سۇراناسىڭ. جەكە كۋالىگىڭدى بەرىپ، جارتى ساعات دەپ كىرىپ، 3 ساعاتتان كەيىن ءبىر-اق شىعاسىڭ.
جاتاقحانانىڭ بار قىزىعى وسىمەن عانا شەكتەلمەيدى. ونى تەك وسىندا مەكەن ەتەتىندەر عانا جاقسى تۇسىنەدى.
اسىلاي ناسيحاتوۆا
ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتى، جۋرناليستيكا ماماندىعىنىڭ ستۋدەنتى
You Might Also Like
-
زامان جىلان سەكىلدى جىل سايىن تۇلەيدى. بۇل جاڭا كەيىپكە ەنۋ. زامان دا جاڭاشىلدىقتى ءجيى ەنگىزىپ وتىرادى. ال سونى العاشقىلاردىڭ ءبىرى بولىپ قابىلداپ الاتىن كىمدەر؟ ارينە ەڭبەكتەگەن ءسابي، بالالىق شاقتى...
