InfoHub Logo

اتىنان ايرىلىپ جاياۋ اتانسا دا جانى جاسىماعان جاياۋ مۇسانىڭ «اقسيساسىن» بىلمەيتىن قازاق جوق. سولاردىڭ كوبى ءبىلىپ قانا قويماي، ويىن - تويلارىندا سول ءاندى شىرقاۋمەن كەلەدى. شىرقاي دا بەرمەك.

سول اندەگى: -جىگىتتەر، شاماڭ كەلسە ماعان ۇقسا، - دەگەن جالعىز تارماقتىڭ ءوزى نەگە تۇرادى. وسى كۇنى حالىق كومپوزيتورلارىنىڭ اندەرىنىڭ ومىرشەڭدىگىن ءسوز ەتۋشىلەر، سەبەبىن ىزدەۋشىلەر از ەمەس. ونىڭ سەبەبى نەدە؟ وعان ءارتۇرلى جاۋاپ بەرۋگە بولادى. سونى ىقشامداپ ايتار بولساق، ولاردىڭ اندەرى ويدان شىعارىلعان بايبالام ەمەس.

كۇشتىدەن كورگەن قورلىعىن كۇيىنە، كۇيزەلە ءسوز ەتە وتىرىپ ءوزىن دە، وزگەلەردى دە زورلىققا كونبەي، ازىلدىك ءۇشىن ايباتتانىپ، قايراتتانىپ كۇرەسۋگە ۇندەدى. ال رۋحى جاسىماعان ەڭسەلى ەل مۇنداي سانانى سىلكەتىن اسقاق اندەردى ءاماندا ايالاي بەرمەك.

بۇل – ءومىر سىنىنا سۋارىلعان سۇراپىل شىندىق. وتكەن تاريحتىڭ شاڭ باسپاس، جوعالىپ جويىلماس ومىرمەن بىرگە جاساي بەرەر ماڭگىلىك ءىزى.

سۇلەيمەن بايازيتوۆ

---