InfoHub Logo

الداعى ۋاقىتتا ماماندىقتاردىڭ مازمۇنى مەن ساپاسى ترانسفورماسياعا ۇشىرايدى، ال كەيبىر ماماندىقتار مۇلدەم جويىلادى. سونىڭ ورنىنا جاڭا ماماندىقتار كەلەدى. بۇگىن استانادا وتكەن جيىندا «نازاربايەۆ زياتكەرلىك مەكتەپتەرى» اق باسقارما ءتورايىمى كۇلاش ءشامشيدينوۆا ءبىرقاتار جاڭا ماماندىقتارعا توقتالدى.

ونىڭ ايتۋىنشا، بۇگىندە الەمدىك ەكونوميكاداعى وزگەرىستەر ەڭبەك نارىعىنا دا اسەر ەتىپ وتىر.

«دۇنيەجۇزىلىك ەكونوميكالىق فورۋمىنىڭ ەسەبىنە سايكەس، ءدال ءقازىر ماڭىزدى بولىپ سانالاتىن قارىم-قابىلەتتەردىڭ 35 پايىزى نەبارى بەس جىلدان كەيىن تۇبەگەيلى وزگەرەدى. ماماندىقتاردىڭ مازمۇنى مەن ساپاسى ترانسفورماسياعا ۇشىرايدى، ال كەيبىر ماماندىقتار مۇلدەم جويىلادى. سونىڭ ورنىنا جاڭا ماماندىقتار كەلەدى. اتالعان وزگەرىستەر ادام ءومىرىنىڭ سان سالاسىن قامتيتىن بولادى. دەمەك، بىزگە ونداي وزگەرىستەرگە دايىن بولۋ قاجەت، وتاندىق ءبىلىم بەرۋ سالاسى ءاربىر قازاقستاندىقتىڭ ومىردە عانا ەمەس، ەڭبەك نارىعىندا دا ءوز ورنىن تابۋعا كومەكتەسۋى كەرەك»، - دەدى ءشامشيدينوۆا بيىلعى جولداۋعا ارنالعان جيىندا.

ونىڭ سوزىنە قاراعاندا، بۇگىندە رەسەيلىكتەر جاڭا ماماندىقتاردىڭ اتلاسىن ازىرلەپ قويدى. وعان سايكەس، جاقىن ارادا مولەكۋليارلى ديەتولوگ، «ءتىرى جۇيەلەردىڭ» ساۋلەتشىسى، كيبەرپروتەزدەردى ازىرلەۋشى، گمو اگرونوم، ەنەرگوجۇيەلەر ديزاينەرى، ينتەللەكتۋالدى ەنەرگيا جەلىلەرىنىڭ ينجەنەرى، اقىلدى جولداردى سالۋشى، عارىش ءتۋريزمى بويىنشا مەنەدجەر، عارىش جولدارىنىڭ ينجەنەرى، روبوتتاردى باسقارۋعا ارنالعان نەيروينەترفەيستەردى جوبالاۋشى، زياتكەرلىك مەنشىكتى باعالاۋشى، ەلەكتروندى كيىم-كەشەك رەسەپتەرىنىڭ جوبالاۋشىسى، ءوي-ورىسىنىڭ پروديۋسسەرى جانە تاعى باسقا ماماندىقتارعا سۇرانىس ارتادى.

«ءقازىردىڭ وزىندە اتالعان ماماندىقتارعا سۇرانىس بار. سوعان قاراپ، ءبىز ءبىلىم العان باعدارلامالاردىڭ تاريxتىڭ ەنشىسىندە قالىپ، ەسكىرگەنىن تۇسىنۋگە بولادى. وسى ورايدا تاعى ءبىر ستاتيستيكانى كەلتىرەيىن، الداعى 25 جىلدا دامىعان مەملەكەتتەردە ادامداردىڭ جۇمىسسىز قالۋ كورسەتكىشى 47 پايىز جەتەدى. بۇل دەگەنىمىز، ءبارى اۆتوماتتاندىرىلادى. دەمەك، ول ادامدار ءوز ماماندىعىن وزگەرتۋگە دايىن بولۋى ءتيىس. وسى جەردە ءومىر باقي ءبىلىم الۋدىڭ ماڭىزدىلىعى ارتا تۇسەدى. بۇدان قانداي قورىتىندى شىعادى؟ بۇگىندە ادامنىڭ ءبىر رەت ءبىلىم العانى جەتكىلىكسىز. ول پروسەسس ۇزدىكسىز ءجۇرۋى كەرەك. مىنە، وسىعان بايلانىستى قازىردەن باستاپ بالالاردىڭ سىندارلى ويلاۋ قابىلەتىن دامىتۋ اسا ماڭىزدى. ولار وزدىگىمەن اقپارات ىزدەپ، نارىق تالاپتارىنا بەيىمدەلە ءبىلۋى كەرەك»، - دەپ اتاپ كورسەتتى ءشامشيدينوۆا.

ايتا كەتەيىك، بۇرىنعى ءبىلىم جانە عىلىم ءمينيسترى اسلان ءسارىنجىپوۆ تە ەڭبەك نارىعىندا ءبىراز وزگەرىستەردىڭ بولاتىنى جايىندا ايتقان بولاتىن. سول كەزدە xالىق اراسىندا ونى «ءبىز بىلمەيتىن ماماندىقتار پايدا بولادى» دەگەن ءسوزى ءۇشىن كەلەمەجگە اينالدىرعان.

---