InfoHub Logo

"نازاربايەۆ زياتكەرلىك مەكتەپتەرى" اق باسقارما ءتورايىمى كۇلاش ءشامشيدينوۆانىڭ ايتۋىنشا، بالانى ءبارىن بىلۋگە ۇيرەتكەن جاقسى. ءبىراق ول سونى پايدالانا الماسا، بۇكىل ەڭبەكتىڭ زايا كەتكەنى.

"قازىرگى كەزدە ءبىز بالالارعا فاكتولوگيالىق ءارى دايىن اقپاراتتى بەرەمىز. ءسويتىپ، ولاردىڭ وزدىگىمەن وي ءتۇيىپ، قورىتىندى جاساۋىنا مۇمكىندىك بەرمەيمىز. ال بۇگىنگى الەمدىك ءبىلىم بەرۋ سالاسىنىڭ ترەندى سول، بالالاردى از ۇيرەتىپ، ولاردىڭ وزدىگىمەن ۇيرەنۋىنە كوبىرەك وقىتۋ قاجەت. ءبىز بولساق، ءبارىن شايناپ بەرەمىز. سول سەبەپتى اقپاراتتىق ءبىلىم بەرۋدەن يننوۆاسيالىق بىلىمگە اۋىسقان ماڭىزدى. اشىعىن  ايتۋ كەرەك، بۇگىندە وسى جاعىنان مەكتەپ مۇعالىمدەرى قاتتى قينالىپ ءجۇر. سەبەبى ءبىلىم بەرۋدىڭ ادىستەمەسىن تولىعىمەن وزگەرتۋ كەرەك"، - دەيدى ءشامشيدينوۆا.

ونىڭ سوزىنە قاراعاندا، قازىرگى كەزدە كوپ بىلگەن جاقسى. ءبىراق سونىڭ ءوزى ازدىق ەتەدى. سەبەبى ءبارىن بىلەتىن ادام سونى تاجىريبە جۇزىندە پايدالانا ءبىلۋى كەرەك.

"ءقازىر سان الۋان فورمۋلالاردى جاتتاپ وتىرۋدىڭ قاجەتى جوق. بالالاردى سول فورمۋلالاردى تابۋعا ۇيرەتۋ كەرەك. ءبىر عانا مىسال كەلتىرەيىن، جۋرناليستەر ەينشتەيننىڭ مەكتەپ باعدارلاماسىنداعى كەيبىر فورمۋلالاردى بىلمەيتىنىن ەستىپ، وعان سۇراق قويىپتى. نوبەل سىيلىعىنىڭ لاۋرەاتى مەكتەپ باعدارلاماسىن بىلمەي، سىيلىقتى قالاي العانىن سۇراعاندا ەينشتەين: "مەنىڭ كابينەتىمدە ءبىر شكاف بار. ونىڭ ىشىندە مەنەن دە ارتىق بىلەتىن ەنسيكلوپەديالار جاتىر. ءبىراق نوبەل سىيلىعىن شكاف ەمەس، مەن الدىم"، دەدى ول. مىنە، وسى مىسالدىڭ ءوزى بالانىڭ جادىسىن اقپاراتپەن تولتىرا بەرۋدەن ەشبىر پايدا جوق ەكەنىن كورسەتەدى. بالانى اقپارتپەن جۇمىس ىستەۋگە، ونى تالداۋعا ۇيرەتۋ كەرەك. ول وزىنە قاجەتتى اقپاراتتى تابا ءبىلۋى كەرەك"، - دەپ اتاپ كورسەتتى ءشامشيدينوۆا.

---